Danyeli 12:9 - Luganuzi Luswanu Kuli Wanhu Wose 2002

⁹ Nayo malayika yakamhitula yakatya, “Alu Danyeli, wubite, hambi nghani zizi nha zowa za cinyele, kanyhi zowa hundikwe sunga lono mudumo wulaziza.

Danyeli 12:9 ပူးပေါင်းရင်းမြစ်များ

Isaya 29:11

Ne zinhunizo zo wugubulilwe wose wo wuwizi, wowa muhundikwe kuli'nye. Wowa nhe zinghani ze citabu cono cigubikwe kanyhi cinamatizwe ne cinamatizo.

Isaya 8:16

Nye nyo wejizwa wangu, mulanjilile, muzikamise muno zinghani zono mwejizwa, zono Mulungu yandajiliza.

Danyeli 10:14

Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 11:40

“Ne madaha ge ndumo go mutemi wa Siliya kolo geza kufika, u mutemi wa Misili kolomuhoma. Ninga mwene mutemi wa Siliya, nayo kolokwitaza, yehome no mutemi wa Misili kwe vilungo vyakwe vyose, akuno yakwitumamila ne matuka gakwe go wulugu, ne zifwalasi, hamonga ne zingalawa nyinji muno. Nayo kolozisuma zi'si nyinji, kolokwinjila mu zi'si zizo yakuhuluma nhe 'hwazi lya malenga.

Danyeli 12:4

Yakanonjela kanyhi yakatya, “Danyeli 'gwe, aluno zinghani zizi zeze za cinyele kuli 'gwe, wucigubikaje citabu, wuciwicile ne citanjilo, cilece kugubulwa kanyhi, sunga ku ndumilizo ye yinze. I wanhu wenji wolowa wena lumangho ako na ako, ne mahala gokonjezeka.”

Danyeli 12:8

Nane nghazihulika zono yalonga, ninga hamba si nasuma kuzizuka yaye. Holeka nghamuwuza nghamutya, “Gwe muwaha wangu, mudumo we zinghani zizi, zowa wule?”

Danyeli 8:26

Nawo wugubulilwe wono wawona we vilavywa vye makumbiko ge cinyamihe, na ge hakali mitondo, azo za mbeka, nazo zolowa nha vyono wali wakondya kulolosezwa. Ninga agwe wuzikamisaje du mu nhumbula yako, hambi nha zosola vilo vinji muno muno sunga ho zize zificilicile.”

Wugubule 10:4

Na gago i mabalalusi mupunghati lono galongaga, ane nghasaka kuzandika. Ninga nghahulika lizi likulawa ku wulanga, likutya, “Izinghani zizo ze mabalalusi mupunghati, zo nghani za cinyele, holeka wulece kuzandika!”