Danyeli 12:8 - Luganuzi Luswanu Kuli Wanhu Wose 2002

⁸ Nane nghazihulika zono yalonga, ninga hamba si nasuma kuzizuka yaye. Holeka nghamuwuza nghamutya, “Gwe muwaha wangu, mudumo we zinghani zizi, zowa wule?”

Danyeli 12:8 ပူးပေါင်းရင်းမြစ်များ

Danyeli 10:14

Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 12:6

Na yumonga muli wene, yakamuwuza malayika mono lulo yali yemile mucanyha ye lilenga lye likolongo, yakamutya, “Alu yosola myaka milinga sunga zinghani zizi zo wizine zize zidume.”

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 12:9

Nayo malayika yakamhitula yakatya, “Alu Danyeli, wubite, hambi nghani zizi nha zowa za cinyele, kanyhi zowa hundikwe sunga lono mudumo wulaziza.

Danyeli 8:13

Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?”

Luka 18:34

Ninga wene si wezuka nghani hamba monga, nghani yiyi yikawa hundikwe kuli wene, hamba si watanga yono yalongwaga.

Yohana 12:16

Na mwipango lilyo iwejizwa wakwe hamba si wasuma kuzitanga zizo. Ninga Yesu yaza kondya kukumywa, baho ho wakumbucilila vyono zizi zali zandikwe zo mwene, na vyo iwanhu wamutendela nhavivyo.

Metumo ge Watumwa 1:7

Ninga Yesu yakawatya, “I madaha ne vilo, vili mu wulajilize wa Baba, holeka si zenyu kumanya zowa nili.

1 Petelo 1:11

Wakajela kumanya ivilo ne ndawililo ye litumo lilyo, nha cinji vilo vyono yalonga u Muhe wa Kilisito mono yali yali muli wene, lono yawilaga ze magazo gono gomuziza Kilisito, no lukumyo lono lotyatya.