Danyeli 12:6 - Luganuzi Luswanu Kuli Wanhu Wose 2002

⁶ Na yumonga muli wene, yakamuwuza malayika mono lulo yali yemile mucanyha ye lilenga lye likolongo, yakamutya, “Alu yosola myaka milinga sunga zinghani zizi zo wizine zize zidume.”

Danyeli 12:6 ပူးပေါင်းရင်းမြစ်များ

Zabuli 74:9

Vitanjilo vyetu vyose vyono vyelile, sicikuviwona lu, alu ceza cisina hamba muwizi. Hamba si cimanyile zizi, zojendelela kuwa nhavivi sunga nili!

Ezekiyeli 9:2

Hobaho baho du wakaza wanhu wali mutandatu, wakulawilila ku mulango we Nyumba yo Mulungu wo lubavu lwa kusumuka, akuno wose wadinghuye ne vitwalo vyawo. Na muli wene, mwali mo yuli yunji, mono yali yavwalile myenda ya bafuta, akuno yadinghuye cidawo co wino hamonga ne peni yo kwandicila. Na wose wakenjila, wakema ha cikumbicilo ce shaba.

Danyeli 12:5

Hanyuma ya zizo, nghawona wanhu wejete wemile ha nyenje ye likolongo, yumonga yemile mu nyenje ayi kuno, no muyagwe nayo mu nyenje yo lubavu luyagwe.

Danyeli 12:8

Nane nghazihulika zono yalonga, ninga hamba si nasuma kuzizuka yaye. Holeka nghamuwuza nghamutya, “Gwe muwaha wangu, mudumo we zinghani zizi, zowa wule?”

Danyeli 8:13

Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?”

Danyeli 8:16

Hanyuma kanyhi nghahulika lizi likucema ku nhumbi ye likolongo lya Ulayi, likutya, “Agwe Gabuliyeli, wumulolosezaje yuyo nhunizo ya zono yaziwene.”

Matayo 24:3

Nayo Yesu lono yali yekaye mwi'tunda lye Mizeyituni, i wejizwa wakwe wakamuziza cinyele, wakamuwuza wakutya, “Ale ta, wucilonjelaje, i zinghani zizi mwene zolowa za nili uwuze wako nawo, wololajilwa na citanjilo cono cinha wule baho ha ndumilizo ye yinze.”

Maluko 13:4

“Wucilonjelaje ta zinghani zizi zolowa za nili? Ne citanjiloci cono colajila vyono zinghani zizi zili behi kufisilizwa?”

Waefeso 3:10

alu i wawaha ne vilungo vya ku wulanga ho vimanyizizwe mu nzila ye Likanisa, ho wasume kugamanya i mahala go Mulungu gono gena mihilimo minji.

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa ku wulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.

Wugubule 15:6

Ale, wamalayika wawalya mupunghati wono wena magazo mupunghati, wakalawa mumo mu wuhembelo, akuno wavwalile vivwalo vya bafuta, vyono vikung'alala muno muno, wena ne misipi ya zahabu mu zimhambaga zawo.

Wugubule 19:14

Ne mapuga ga wa ku wulanga, gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu, kanyhi yelile muno.

Wugubule 6:10

Nawo wakalila kwe'zi 'waha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwaling'anize no kuwalipiciza wose wono wekaye mono'nze, ku soko yo wuwulagwe wetu wono wali kuciwulaga?”