Danyeli 12:5 - Luganuzi Luswanu Kuli Wanhu Wose 2002

⁵ Hanyuma ya zizo, nghawona wanhu wejete wemile ha nyenje ye likolongo, yumonga yemile mu nyenje ayi kuno, no muyagwe nayo mu nyenje yo lubavu luyagwe.

Danyeli 12:5 ပူးပေါင်းရင်းမြစ်များ

Danyeli 10:10

Ninga hanyuma hadodo, u munhu yuyo yakanyibata no muwoko, yakawa kunyinula, yakawa kusimya fugame, ne miwoko yangu yibate hasi. Ninga mwi'daha lilyo, nali nghali du nghucicima.

Danyeli 10:16

Hanyuma malayika yuyo mono yejelaga yehwanile munhu, yakawugolola muwoko wakwe, yakamhamiza mulomo wangu Nane nghamutya, “Gwe muwaha, wugubulilwe wuwu, wukunyhepula vilungo vyangu, si nghusuma no kwiyimila ho ndece kucicima.

Danyeli 12:4

Yakanonjela kanyhi yakatya, “Danyeli 'gwe, aluno zinghani zizi zeze za cinyele kuli 'gwe, wucigubikaje citabu, wuciwicile ne citanjilo, cilece kugubulwa kanyhi, sunga ku ndumilizo ye yinze. I wanhu wenji wolowa wena lumangho ako na ako, ne mahala gokonjezeka.”

Danyeli 12:6

Na yumonga muli wene, yakamuwuza malayika mono lulo yali yemile mucanyha ye lilenga lye likolongo, yakamutya, “Alu yosola myaka milinga sunga zinghani zizi zo wizine zize zidume.”