Danyeli 12:3 - Luganuzi Luswanu Kuli Wanhu Wose 2002

³ Ninga i walongola we mahala, wolonga'lala nhe limuli lya ku wulanga. Na wono wawatongaga wanhu wenji, ho wetume ze ling'ani, awo wolong'alala nhe zinyelezi, cibitilila.”

Danyeli 12:3 ပူးပေါင်းရင်းမြစ်များ

Wutuluce 34:35

Nawo wanhu wa Isilayeli wawuwonaga wusu wakwe wukung'alala. Nayo Musa kawa kuwugubiciza wusu wakwe kwe citambala, sunga mwi'daha lono yabitaga kuduwana no Muwaha Mulungu kanyhi.

Zimbazi 11:30

Wiling'ano wuletaga wumi. Ninga wugazi, wuwuwusaga.

Zimbazi 3:35

Iwe mahala wotuga lukumyo, ninga walele, wokozwa cevu.

Zimbazi 4:18

Nayo nzila yono wakolaga wanhu we ling'ani, yihwanile wuzelu we lizuwa lono likusosomoka, nalyo liwa kujendelela kutuga wuzelu muno sunga kolo welelecela.

Muganuzi 12:9

Nayo Muganuzi ku soko ye mahala gakwe, yakajendelela kuwejiza wanhu zo wumanye wakwe. Yakazihwesa muno mu nhumbula yakwe, yakazilondola-londola no kuyimanya imbeka yazo. Hanyuma yakawa kuziloloseza mu wumanye wakwe.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Yelemiya 23:22

Ninga mbeka hono wali wawe wagamanyile mahweso gangu ge cinyele, baho langa, ho wali wasume kuyiganula nghani yangu kuli wanhu wangu, no kuwanoza wasume kugaleka i metumo gawo mabi, gono wetumaga hamonga ne zinzila zawo zimbi.

Danyeli 11:33

Ne walongola we wanhu wono wena mahala, wolowejiza wanhu wenji. Ninga hamba nhavivyo, wanji wa muli wene wolowulagwa mu wulugu, hamba wologumilwa mu moto, na wanji wolosolwa wawopwe mu jela.

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Danyeli 12:10

Ne wanhu wenji wolokwezwa. Ninga i wabi, hamba si wolozizuka zizo, langa wene wolocila kuwa wabi du. Langa we mahala wo wolozizuka.

Matayo 13:43

Ninga awalya waswanu, wolong'alala nhe 'zuwa mu Wutemi wo Sogo yawo. Holeka hono mwina i makutu go kuhulicila, ale, muhulice!”

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwi'goda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda yikumi na mejete, akuno mukuwaling'aniza we milango yikumi na myejete ya Isilayeli.

Matayo 24:45

Nayo Yesu, yakajendelela kulonga yakutya, “Alu nani 'mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?

Yohana 4:36

Mono yakutwanga, yakubocela u musahala wakwe, nayo yakukonghola i nhwanga, ku soko yo wumi we cibitilila, mono yakuhadika na mono yakutwanga, ho wasangalalane hamonga.

Yohana 5:35

Yohana yali yenha tala yono yikwaka no kumulika, nanye mukawa mwiwikanize kuwusangalalila u wuzelu wuwo kwa cidaha.

Metumo ge Watumwa 13:1

Kwi Kanisa lya ku Antiyokiya, kwali kowali wanhu wanji wono wali wawizi ne wejizi, na muli wawo, yali Balanaba na Simoni mono kacemwaga Mutitu, na Lukiyo wa ku Kilene, na Manayeni mono yawiluswa hamonga no mutemi Helode, na Sawulo.

1 Wakolinto 3:10

Na mu witumamile i lihewa lyono u Mulungu yamhela, nho muzenji munghula, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

Waefeso 4:11

Kanyhi yo mwene mono yawagawila iwanhu vipegwa. Wanji yakawawika wawe watumwa, wanji wawe wawizi, na wanji wawe waganula u Luganuzi Luswanu, na wanji wawe wadimi na wejizi.

Wahebelaniya 5:12

Ninga alu yali yimunojelenyi muwe mweza muli wejizi, ninga kumbe mukali mukusaka munhu yunji wo kumwijizenyi i mejizo malongozi ge nghani yo Mulungu, holeka mwaweza nha mukusaka mele, hamba si ndigwa nghavu yaye.

2 Petelo 3:15

Munojeye muwuwone u wukangalizi wo Muwaha, vyono co cilejeho cono yakumupelenyi, ho muponywe, nha vyono Pawulo ndugu yetu mwendece yakamwandicilenyi, kuno yakwitumamila i mahala gono yapegwa no Mulungu.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”

Walamuzi 5:31

“Ale wafwe nhavivyo i walugu wako 'gwe Muwaha Mulungu langa wono wuwendile wang'alale nhe lizuwa lyono lidulaga hakali mitondo. Lulo yisi yikawa no mulamu myaka makumi mane.”