Danyeli 12:2 - Luganuzi Luswanu Kuli Wanhu Wose 2002

² Na wono wakondya kufwa, wose wolozukulwa. Wanji wolozukulilwa mu wumi we cibitilila, na wanji wolotuga cevu no wugaye we cibitilila.

Danyeli 12:2 ပူးပေါင်းရင်းမြစ်များ

Zimbazi 12:8

Hono wuwe wina mahala, wanhu wokulumba. Ninga hono wuwe wuli mulele, wanhu wokubedegala.

Isaya 26:19

Ninga wanhu wa muli wanhu wetu wono wafwa, awo langa wolozuka kanyhi! Ne miwili yawo yilawumipa kanyhi. Na wose wono wagonile mu vitenjelo, wolokwinuka wawe kwimba na nyemo. Hambi Muwaha Mulugu nha kolowazukula wose wono wafwa katali, wowa nha buhe yono yiyisangalazaga yisi.

Isaya 66:24

“Nawo lono wakuwuka mumo, woloyiwona mivimba ye wanhu wono wambezaga, ne zinyongololo zono zowa kuyilya mivimba yawo, si zilafwila lukulu, no moto wono wolowa kuwanyanya, hamba si wolozimila lukulu. Nawo wolowa iwifyo hali wanhu wose.”

Yelemiya 20:11

Ninga 'gwe go Muwaha Mulungu, nha wuli hamonga nane, yo gwegwe wuli vilungo vyangu, hamonga no wusume wangu. Nawo wono wakungaza, wose wogwa citawima, hamba si wosuma yaye, langa wokozwa cevu cibitilila. Ne cevu cawo hamba si colosemigwa yaye.

Ezekiyeli 37:12

Holeka wuwawililaje i wanhu wangu wa Isilayeli, wuwalonjele nha vyono, ane no Muwaha Mulungu, novidigula vitenjelo vyawo, niwawuse mumo mu vitenjelo, niwategule sunga ko ku yisi ya Isilayeli.

Hoseya 13:14

Nane hamba si nowaponya wanhu we liwala lili, mu yinze ye lifwa, hamba kuwaponya mu vilungo vye lifwa. Agwe go lifwa, wulete lihuhuji lyako! Nagwe go yinze ye lifwa, wulete magazo gako! Nane hamba si nowawonela lusungu yaye wanhu wawa.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Metumo ge Watumwa 24:15

Ane nimwitumbiye Mulungu, nawo nhavivilya, wawina witumbilo wuwo, vyono iwanhu iwaswanu ne wabi, wolozuka.

Metumo ge Watumwa 7:60

Yakafugama yakabalaluka kwe yizi yiwaha, yakutya, “Gwe Muwaha wulece kuwahosa so wubi wuwu.” Yaza kondya kulonga zizi, hodu ho baho yakawa kufwa. Na Sawulo nayo yawona viswanu vyono wamuwulaje.

Walumi 9:21

U muwumbi kalitumamilaga ililongo nha vyono yakusaka mweneco, yadahile kuwumba nyungu nyejete mwi'bilingwa limonga, yimonga so witumilwe we lilumbo, ne nyagwe nayo so witumilwe wono si we lilumbo.

1 Watesalonike 4:14

Ase cihuwiye vyono Yesu yafwa, yakazuka, na ku soko yiyo, holeka nase cihuwiye vyono u Mulungu kowaleta hamonga na Yesu wawalya wose wono wawuka mononze akuno wamwihuwiye u mwene.

Wugubule 20:12

Nane nghawona i wafu wawaha ne wadodo, wemile he'goda lyo wutemi, ne vitabu vikagubulwa. Hanyuma citabu cinji, i citabu co wumi, naco nhavivyo cikagubulwa. Iwafu wakaling'anizwa nha vyono genha metumo gawo, nha vyono yandikwe mu vitabu vivyo.