Danyeli 12:12 - Luganuzi Luswanu Kuli Wanhu Wose 2002

¹² Wo wamoti wawo wono wowa wehuwilwa, sunga vize vipulute vilo elufu monga na magana madatu, na makumi madatu na vihano!

Danyeli 12:12 ပူးပေါင်းရင်းမြစ်များ

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Ezekiyeli 4:6

Nagwe kolo wazikondya zizo, wipitucizaje kanyhi, wugonele ku lubavu lo kulume vilo makumi mane, so wubi wa Yuda. Nayo yowa nhavivilya du, lizuwa limonga limonga, lyowa nha wo mwaka monga monga wo wulipicizwe wawo.

Danyeli 8:14

Nghahulika malayika muyagwe nayo yakupitula yakutya, “Nghani zizi, zojendelela du, sunga vipulute vilo elufu monga na yigana limonga na makumi mahano. Na mu vilo vivi vyose, howa hasina wulavye we vilavywa vye makumbiko ge hakali mitondo ne cinyamihe. Ale, Nyumba yo Mulungu nhondo, ho yokwezwa.”

Walumi 11:15

Hambi hono yiwe u wulemwe wawo wukayiletela iyinze u wilamule no Mulungu, alu ho yowa wule mu cipango cono wovumililwa no Mulungu? Iwafu wolozuka!

Wugubule 11:2

Ninga wulece kulipima libululu lyono lili kunze yo wuhembelo, hambi libululu lilyo, nha lyapegwa wanhu we makungugo ganji, wanhu wono wolikanyanjila i likaya lyono lyelile mu myezi makumi mane na myejete.

Wugubule 12:6

Yuyo mucekulu nayo, yakamanyhila ku nyika, kono Mulungu yali yamuwiciye hanhu ha wutule, hanhu hono kosuma kudimwa mu vilo elufu monga, na magana mejete, na makumi mutandatu.

Wugubule 13:5

Hanyuma yayo lilimu lilyo likakombolwa ho lilonje makani ge nhovu nha vyono lyendile, limutovule u Mulungu, kanyhi likakombolwa ho liwe no wulajilize, myezi makumi mane na myejete.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.