Danyeli 12:1 - Luganuzi Luswanu Kuli Wanhu Wose 2002

¹ Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Danyeli 12:1 ပူးပေါင်းရင်းမြစ်များ

Zabuli 56:8

Agwe wuwumanyile wusukangwe wangu, wuwicile cikumbucizo ce mahozi gangu. Wule, zose si zili mu citabu cako?

Zabuli 69:28

Wuwapatilaje lukulu mu citabu ce womi, walece kuwa mwi'walo lya we ling'ani.

Isaya 4:3

Na muli wose mono kololekwa mu Yelusalemi, mono Mulungu yamulecile mumi, yuyo kolocemwa yelile.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Yelemiya 30:10

“Nye nyo wanhu wangu, mulece kuwa no woga, nyo wanhu wa Isilayeli, mulece kogofywa na cinji ye! Hambi ane, nha nomuponyenyi ku wulawa kuko ku yisi yo kutali, ku yisi yiyo yono mufunjigwe mu jela. Nanye molowuya du kono kwenyu, mwikale no mulamu. Kanyhi holowa hasina hamba munhu yunji wo wose, mono kolomogofyenyi yaye.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Ezekiyeli 13:9

Nomuling'anizenyi no kumulipicizenyi, anye wose nyo wawizi mono mulongaga zo wugubulilwe wenyu wo wulambi, no kuwajiliza wanhu ku soko yo wuwile wenyu wono si we mbeka. Holeka ku soko yiyo, nanye si mowalilizwa yaye hamonga ne wanhu wangu, mu wihangulize wawo, sunga ne matagwa genyu, si gokwandikwa yaye mu zinghomo ze wanhu wa Isilayeli. Nanye hamba si molowuyila lukulu ku yisi yenyu. Nanye nhondo baho, ho molomanyila vyono, ane yo nene Muwaha Mulungu.

Ezekiyeli 34:24

Nane no Muwaha Mulungu, nowa Mulungu wawo. No mutemi mono kowa yehwanile u mwitumami wangu Dawudi, yuyo yo kowa yo mutemi wawo. Nene vyo nghutya.

Ezekiyeli 5:9

Ku soko aluno mukwituma zinghani zose zono si zikunyendeza. Holeka nane noyilipiciza muno Yelusalemi mu nghango yono nghali nayitendela ne lizuwa linji, mu nghango yono si nilayitendela kanyhi yaye.

Danyeli 10:13

Ninga malayika mulongola wo wutemi wa Pelisiya, yali yanyimiye vilo makumi mejete na cimonga. Ninga hanyuma Mikayeli, muyagwe ne walongola we Wamalayika, yakawa kuza kunhaziza, hambi nha nali nalekwa du nili wene mu yisi ya Pelisiya.

Danyeli 10:21

Na lulu nhondo, nowa sina yunji mono kosuma kumhela wutazi, langa Mikayeli du, malayika mulindilizi we Waisilayeli, yuyo du yo komhela wutazi.”

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 7:10

Ne cikolongo co moto, cahulumaga cikulawilila mwi'goda lilyo. Na kanyhi hakawa ho wali wanhu maelufu na maelufu wono wakumwitumamila, hamonga ne wanhu waficile mamilyoni na mamilyoni, wono wemile hali mwene wakumwitumamila. Nago mahakama gakawa kwanza milimo yayo yo wu wuling'anizi ne vitabu vikagubulwa.

Danyeli 9:12

Hambi 'gwe nha wakondya lu kwituma zono watya vyono kocitendela 'se, hamonga ne walongola wetu. Wukayilipiciza Yelusalemi kwe magazo mawaha gono gakali hamba si gananozwa mwi'kaya linji lyo lyose mono yinze yiyi.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Malaki 3:16

Ne wanhu wono wamogopile Muwaha Mulungu, walonganaga weneco wose, nayo Muwaha Mulungu, yakawahuliciza, yakahulika zono walonganaga. Hali Mulungu, hakawa na citabu cono candikwe matagwa ga wose wono wamogopaga Muwaha Mulungu no kumuhulika.

Matayo 24:21

Hambi mu vilo vivyo nha vyolowa vyo wugaye wuwaha muno muno, wono wukali si nejela hamba hadodo kuwulawa ku mwamulizo we yinze sunga nalu, hamba si wulejelela lukulu kanyhi.

Maluko 13:19

Hambi mwipango lilyo, nha kolowa no wugazwe wono wukali sinejela ku wulawa vyono u Mulungu yayiwumba yinze sunga nalu, hamba siwulejela kanyhi.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Walumi 11:15

Hambi hono yiwe u wulemwe wawo wukayiletela iyinze u wilamule no Mulungu, alu ho yowa wule mu cipango cono wovumililwa no Mulungu? Iwafu wolozuka!

Walumi 11:26

Baho nhondo ho lyopona ilikungugo lyose lya Isilayeli, nha vyono i Mandiko Gono Gelile gakulonga. “U Muponyi kololawa mu Sayuni Kolowuwusa u wubi wa Yakobo.

Waefeso 1:21

Na kuko Kilisito yatemile muli walongola wose, no wuwaha, ne vilungo, ne cisumisumi cose, nayo yatemile mu wutambule wo wose wono wudahile kuwa mono yinze yiyino, sunga na mu yinze yono yikuza.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Yuda 1:9

Hamba na Mikayeli Malayika u muwaha, si yanoza zono zinha zizo. Na muwiwanganile wawo u mwene na Setani lono wewanganilaga zo muwili wa Musa, Mikayeli si yejelela ho yamuhose Setani na nhovu, langa yamanya kutya du, “U Muwaha mweneco yakukalipilaje.”

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 12:7

Hanyuma kukawa ne milewo ku wulanga, Mikayeli ne wamalayika wakwe, wakawa wakwihoma na lilyo lizoka. Nalyo lizoka hamonga ne wamalayika walyo, vikehoma na Mikayeli ne wamalayika wakwe.

Wugubule 13:8

Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 20:12

Nane nghawona i wafu wawaha ne wadodo, wemile he'goda lyo wutemi, ne vitabu vikagubulwa. Hanyuma citabu cinji, i citabu co wumi, naco nhavivyo cikagubulwa. Iwafu wakaling'anizwa nha vyono genha metumo gawo, nha vyono yandikwe mu vitabu vivyo.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.