Danyeli 11:8 - Luganuzi Luswanu Kuli Wanhu Wose 2002

⁸ Nayo kolosola vihwani vye milungu yawo, hamonga ne viya vyawo vye zahabu na vye fweza, vyono wali wavisiwanuliye yiyo milungu yawo, yavitegule vyose ku Misili. Na kolo yikupuluta myaka micefu yo mulamu,

Danyeli 11:8 ပူးပေါင်းရင်းမြစ်များ

Mwamulizo 31:30

Ane manyile vyono agwe watuluka cinyele ku soko ye cisukwa co kusaka wuwuye ku kaya kuli sogo. Ninga alu socici kuhiza vihwani vye milungu yangu?”

2 Samwili 5:21

Nawo Wafilisiti wakatiza, wakavileka vihwani vyawo vye milungu. Nayo Dawudi hamonga ne wanhu wakwe wakaviwusiza lukulu.

Wutuluce 12:12

“Nane mu cilo cico nokola mu yisi yose ya Misili, niwawulaje wana walume wose, walongozi kulelwa. I wana we wanhu, hamonga ne zinyana ze mitugo. Kanyhi noyilipiciza milungu yose yo wulambi ya mu yisi ya Misili. Ane yo nene Muwaha Mulungu.

Isaya 2:16

Kolozidodomeza mu malenga zingalawa zimbaha kanyhi swanu.

Isaya 37:19

Wakayikongoga ne milungu yawo, yono na mbeka si yali milungu yaye, langa gali vihwani vye mabici masese na vye mabwe, yono minoze ne miwoko ye wanhu.

Yelemiya 46:25

U Muwaha Mulungu, we mihanga, u Mulungu wa isilayeli, yakutya nhavi, “Noyilipiciza yisi ya Amoni, u mulungu wa Tabesi, ne yisi ya Misili, hamonga ne milungu yayo, ne watemi wayo. Nomusola u mutemi wa Misili, hamonga ne wanhu wose wono wamwitumbiye,

Danyeli 10:3

Nane mu vilo vivyo vyose, si nalizaga ndigwa swanu, hamba sinalizaga nyama yaye, hamba kung'wa divayi, hamba kucana zimvwili zangu, sunga gakapuluta majuma madatu.

Danyeli 11:9

nayo mutemi wa Siliya koloyihoma Misili, ninga kolowingwa yawuye ku yisi yakwe kanyhi.

Hoseya 13:15

Nayo Isilayeli, hamba yawe yaficile nhe mabalwe, ane noleta mbeho ya kucilima kulawa mu nyika yono yili moto, nayo yonyaza mivwilo yawo ye malenga, hamonga ne masima. Nayo yolovipemhelusa vinhu vyose vyono vikwendeza.

Hoseya 8:6

No munhu munghula mu Waisilayeli, yo munoza cihwani. Ninga yiyo ndama ye zahabu, yono wakuyihemba kuko ku Samaliya, yolobenanjizwa-benanjizwa tici-tici.

Wuwale 33:4

lono wene Wamisili wali wali mu mulimo wo kuzika i wana wawo we cilume i walongozi kulelwa, wono Muwaha Mulungu yawawulaga. Na mu wunoza zizi, Muwaha Mulungu yalajila vyono mwene yali vilungo muno muno kuciza milungu ya Misili.

Wukumbucize wo Wulajilize 12:3

Mugamwagule makumbicilo gawo, mugatulanjize ne masumbili gawo ge mabwe. Muviticimize vihwani vyose vyo mulungu we cicekulu Ashela, muvibenanjize ne vihwani vyawo viseswe, ho walecele lukulu kuhemba kanyhi hanhu baho.

Walamuzi 18:24

Mika yakawapitula yakawatya, “Alu 'nye mukutya nhawule 'lu? Hamba mwina nghanici lu? Hambi nha mumusola mukohani wangu, hamonga ne milungu yangu yono nanoza, hanyuma muwa kutoloka! Alu'ne ho nosigala na cici lo?”