Danyeli 11:40 - Luganuzi Luswanu Kuli Wanhu Wose 2002

⁴⁰ “Ne madaha ge ndumo go mutemi wa Siliya kolo geza kufika, u mutemi wa Misili kolomuhoma. Ninga mwene mutemi wa Siliya, nayo kolokwitaza, yehome no mutemi wa Misili kwe vilungo vyakwe vyose, akuno yakwitumamila ne matuka gakwe go wulugu, ne zifwalasi, hamonga ne zingalawa nyinji muno. Nayo kolozisuma zi'si nyinji, kolokwinjila mu zi'si zizo yakuhuluma nhe 'hwazi lya malenga.

Danyeli 11:40 ပူးပေါင်းရင်းမြစ်များ

Isaya 21:1

Ayi yo nghani ya kuli Babiloni. Ale, wongomele wokuza ku wulawa mu yisi yo kogofya. Nawo wokuza nha civulavumbi cono cikufwagula nyika cikulowoka.

Isaya 5:28

Ne zisonga zawo nghali muno, no wupinde wawo, wolowa wutawiciywe lukulu, wawuwikanize so wugume du. Ne magaga ge zifwalasi zawo, makavu gehwanile libwe lye ng'anga. Ne matuka gawo go wulugu, matayili gayo, gowa kupilima nhe civulavumbi.

Isaya 66:15

Langa ta! U Muwaha Mulungu kolokuza nha moto. Kolokuziza mu mabawa ge civulavumbi, yawaling'anize wose wono yawakoleywe likuwo.

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

Ezekiyeli 38:4

Holeka yamanye nha vyono nomupitula, nimutajile ndobogo mu zinzagasa zakwe, nimulavye nimukwejenhele kutali, hamonga ne mapuga gakwe ge wasilikale. I wasilikale wakwe, hamonga ne zifwalasi, wono si wavwalile myenda ye cisilikale, nawo wowa mhuga mbaha muno. Ne wasilikale wawo wose, wowa wadinghuye hamonga ne vitwalo vyawo, nha cinji, zingula, hamonga ne mimaje yawo.

Ezekiyeli 38:9

Nayo mutemi Gogu ne lipuga lyakwe lye wasilikale, hamonga ne wanhu wenji wono wololawa mu makungugo menji, woloyihungucila yisi nhe mbeho mbaha yo mukukunzo, kanyhi wolotandala mu yisi yose nhe mavunde.”

Danyeli 11:10

“Nawo i wana wo mutemi wa Siliya, wolokonghola yipuga yiwaha muno lye wasilikale, wewikanize so wulugu. Nayo yumonga wa muli wene, kolokwipongholeza nhe lihwazi, yakagakundujize magomawakali ge walugu.

Danyeli 11:11

Nayo mutemi wa Misili, ku soko ye nghani yiyo, hobaho kolokolwa ne likuwo yiwaha, yabite vikehome no mutemi wa Siliya. Nayo mutemi wa Misili, kololiteka lipuga lyose lye wasilikale wo mutemi wa Siliya.

Danyeli 11:13

“Nayo mutemi wa Siliya, kolowuya yakakonghole lipuga yiwaha muno lye wasilikale, wacizize i walongozi. Na kolo vipango vyafika, kolobita kanyhi ku Misili yena ne lipuga yiwaha lye wasilikale vitung'ati.

Danyeli 11:22

No munhu wo wose mono kolojela kumwimila, hamba yawe mukohani Muwaha wo Mulungu, munhu yuyo kolofwagulwa no kuwusizwa lukulu.

Danyeli 11:25

“Nayo kololiwikaniza lipuga yiwaha muno lye wasilikale, akuno yasina woga, yabite yakamuhome u mutemi wa Misili. Nayo mutemi wa Misili, kolokwiwikaniza ne lipuga lyakwe yiwaha lye wasilikale, ho vihome no mutemi wa Siliya. Ninga mutemi wa Misili, si kolomusuma mutemi wa Siliya. Hambi mutemi wa Misili nha kolokongwa-kongwa, ho yalece kuwufisiliza wuhile wakwe.

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Danyeli 11:39

Nayo kolowetumamila wanhu wono wakuyihemba milungu mijenzi, wagadime magomawakali gakwe. Kanyhi kolowapela lilumbo yiwaha muno, wose wono wolomubocela nha mutemi wawo. Kolowawika mu milimo ye lilumbo yiwaha. Kanyhi kolowagawila sunga ne yisi, yawafupe.

Danyeli 11:7

Na hanyuma ya zizo, yumonga wa muli wanduguze, yo kolotema. Nayo hanyuma kololihoma lipuga lye wasilikale wo mutemi wa Siliya, yenjile mu magomawakali gawo no kuwasuma.

Danyeli 12:4

Yakanonjela kanyhi yakatya, “Danyeli 'gwe, aluno zinghani zizi zeze za cinyele kuli 'gwe, wucigubikaje citabu, wuciwicile ne citanjilo, cilece kugubulwa kanyhi, sunga ku ndumilizo ye yinze. I wanhu wenji wolowa wena lumangho ako na ako, ne mahala gokonjezeka.”

Danyeli 12:9

Nayo malayika yakamhitula yakatya, “Alu Danyeli, wubite, hambi nghani zizi nha zowa za cinyele, kanyhi zowa hundikwe sunga lono mudumo wulaziza.

Danyeli 8:17

Nayo Gabuliyeli yakawa kuza kwima behi nane. Ninga 'ne nghenjilwa no woga wuwaha muno, nghagwa ho hasi. Nayo Gabuliyeli yakanonjela yakatya, “Gwe go munhu, ale wuhulicizaje wuyimanye nhunizo yayo. Wugubulilwe wuwu, wukulajila ze ndumilizo ye yinze.”

Habakuki 3:14

Ne zisonga zako, zikamuguma musilikale mulongola we wasilikale wakwe wo wulugu, lono wakuza nhe 'wingo yiwaha ho waciyagaze 'se, wakucisimanga nhe wanhu wono wakuwewonela i waciwa mu nzila ye cinyele.

Zakaliya 9:14

Nayo Muwaha ho kokwilajila mu wanhu wakwe koguma zi songa zakwe, nazo zobita kotya limuli. U Muwaha Mulungu yo kotowa ne ndulele. Nayo kojenda ne mbeho ye civulavumbi kuwulawilila ku takama ye yisi.

Wugubule 16:12

Nayo Malayika wo mutandatu yakalijidila libakuli lyakwe mwikolongo liwaha lyono likucemwa Efulata. Ne malenga galyo gakawa kunyala, na mu nzila yiyo, yinzila yikawa kunozwa so watemi wono wazaga wakulawa kucilima.

Wugubule 9:16

Nghahulika ne liwalo lye wasilikale wapanda fwalasi, wali waficile wasilikale milyoni magana mejete.