Danyeli 11:4 - Luganuzi Luswanu Kuli Wanhu Wose 2002

⁴ Ninga ku soko yo wuteme wakwe we vilungo, wutemi wakwe wolokwigawa no kulawa hane. Ne watemi wanji wono si wali mu lulelo lwakwe, wawo wo wolowuhala wutemi wakwe. Ninga hamba nhavivyo, si wolowa ne vilungo nha vyono yali yenha mwene.

Danyeli 11:4 ပူးပေါင်းရင်းမြစ်များ

Zabuli 39:6

Na mbeka, munhu wo wose kapulutaga nho mwenzenze du. No wuhidimbazi wakwe wose, wukuwa nghani ya bwete du, mwene kakongholaga sawo, hamba kumanya mono koyitumila nani.

Muganuzi 4:8

Namuwona munhu yunji mono yasina mwana hamba nduguye, hamba nhavivyo, mwene si kalekaga kwituma milimo, kanyhi mwene hamba si yakuwa kuca ne sawo yakwe, hamba si ketuzaga akuno yakwiwuza yakutya, “Ale mwene, nghumwitumamila nani mwene mono yakunyambuza nghwikapisa sunga ndece kusangalala mu ziswanu?” Ayo mbeka yo nghani ya bwete du kanyhi yo nzila'mbi ye nyikala.

Yelemiya 12:15

Nane kolo nakondya kuwawusiza lukulu, ale, baho langa nane ho nolowawonelela nawo lusungu, niwagomole kanyhi mu zi'si zawo, wanhu na yisi yawo.

Yelemiya 12:17

Ninga likungugo lyo lyose lyono lyowa lisina cihuliko, nane noliwusiza lukulu likungugo lilyo, nilyongomeze. Vyo nghutya ane no Muwaha Mulungu.”

Yelemiya 18:7

“Na mu mapango go gose, hono nene no mweneco sace, niwuwuse, hamba niwubenanje, hamba niwongomeze wutemi wo wose, hamba nghungugo yo yose,

Yelemiya 31:40

Ne lilolo lyose lyono wazikaga mivimba, no kugamwaga mavu, ne migunda yose, sunga ko ku cikolongo ca Kidiloni, sunga ko ku nhuzi yo mulango we zifwalasi, ku lubavu lwa kucilima. Mumo mose, mosiwanulwa ku soko yangu. Ne likaya, si lyolokulwa kanyhi hamba kuhodangwa yaye.”

Yelemiya 45:4

“Ninga ane no Muwaha Mulungu, nghuzimwagula zono nazizenga, kanyhi nghuzikulanga na zono nazihadika. Nane nozinoza zizi, mono yisi yose.

Yelemiya 49:36

Noleta mbeho yiyipute Elamu, ku wulawa mbavu zose, niweyagazize wanhu wayo mbavu zose, nawo weyagale watizize mu ma'si gose, hawe hasina hamba yisi monga yono si wotiziza.

Ezekiyeli 37:9

U Mulungu yakanonjela yakatya, “Gwe go munhu, aluno, wuyiwililaje mbeho. Wuyilonjele mbeho, nha vyono u Muwaha Mulungu yakukutya nhavi, alu wuze ku wulawa mu zimbavu zose vyono yine, wukayehelele i miwili yiyi yono yifwiye ho yiwumipe.”

Danyeli 7:2

nazo zono naziwona mu ndoto mu cilo cico, zo zino, Mbeho yakukunzaga kulawa mbavu zose, yikwisumaniza mucanyha ye lilenga.

Danyeli 7:6

Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize.

Danyeli 7:8

Na lono nagasunjililaga mahembe gaga, nghawona kanyhi yihembe linji yidodo lyono lyakunghumukaga likulawila ha ciligati ye mayagwe. Likagakula i mahembe madatu ga muli gono gali gali baho wulawa mwamulizo. Ne lihembe lilyo lyali lina meso ga munhu, no mulomo wono walongaga ko widunhumuzi muno muno.

Danyeli 8:22

Nago i mahembe mane gono gacindice lono lihembe lilongozi libeneceye, wo watemi wane wono wololawa mwi'kungugo limonga lyono lyologawanuka, kanyhi lyolowa lisina vilungo nha vyono wutemi wulongozi wono wali wina vilungo.

Danyeli 8:8

Nayo mvulati, yikedunhumula muno muno, na ku soko yo widunhumuzi wayo, lihembe lyayo likawa kubeneka.

Zakaliya 2:6

Muwaha Mulungu yakalonga ne wanhu wakwe yakatya, “Naweyagaza anye wose mu malanga gose.

Zakaliya 6:5

Nayo yakamhitula yakatya, “I magali gaga zo mbeho yine za ku wulanga, nazo zizi zikulawa kuli Muwaha Mulungu yinze yi yino yose.”

Matayo 12:25

Ninga Yesu vyono yali yagamanyile i mahweso gawo, baho yakawatya, “U wutemi wo wose wono witemanuce weneco wose vipuga vipuga vyono si vikwilumvya vyeneco vyose, u wutemi wuwo si wosuma kujendelela hamba hadodo, ne likaya lyo lyose hamba mhuga yo yose yono yitemanuce vipuga vipuga vyono vitemanuye, lilyo lyogwa.

Luka 12:20

Ningo Mulungu yakamutya, ‘Go mulele gwe, mu cilo cici du wumi wako nha wosolwa na zono wiwikanizize zowa za nani?’ ”

Wugubule 7:1

Hanyuma ya zizo, nghawona wamalayika wane, wemile mu zinhuzi zose ze yinze vyono yine, akuno webatilize mbeho ze yinze, ho mbeho yilece kuputa mu'nze hamba hadodo, hamba mu yisi, hamba mu malenga, hamba mu mabici.