Danyeli 11:36 - Luganuzi Luswanu Kuli Wanhu Wose 2002

³⁶ “Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 11:36 ပူးပေါင်းရင်းမြစ်များ

Zabuli 136:2

Mumulumbe Mulungu, mono Yalawiliciye mu milungu yose, hambi lusungu lwakwe, nha lwikalaga cibitilila.

Zabuli 33:10

U Muwaha Mulungu kawuwembulaga wuhile we makungugo, no kugapata i mahweso gawo.

Zimbazi 19:21

Heya, i wanhu wosuma kwiwicila nghani nyinji zo kwituma. Ninga wuhile wo Muwaha Mulungu, wo wufisilizwaga du.

Isaya 10:23

Na mbeka u Muwaha Mulungu, u Mulungu we mihanga kolo wuleta wongomezwe du nha vyono yatemya mweneco.

Isaya 10:25

Hambi nha cikali cipango cidodo du ane noleka kumulipicizenyi, hanyuma niwapitucile nawo niwongomeze.

Isaya 10:5

Muwaha Mulungu yakatya, “Gwe Ashuli! Ashuli go nghome yangu yono nokwitumamila ho niwalipicize wawo wono niwakoleywe likuwo.

Isaya 14:13

Wukawa wina wuhile wo kubita kucanyha ku wulanga, wukaliwice ligoda lyako lyo wutemi mucanyha ye zinyelezi zono zili kucanyha muno muno. Nagwe wehwesaga nha vyono kolowa wutemile na mu matunda gono gali kusumuka kono milungu yikongholelaga.

Isaya 14:14

Kanyhi wehwesaga nha vyono kobita ko kucanyha ye mavunde wihwane na Mono Yalawiliciye Muli Vyose.

Isaya 26:20

Nye nyo wanhu wangu, alu mwinjile mu zikaya zenyu, mwidindile mumo. Mwihundice mumo cidaha, sunga likuwo lyo Mulungu lipulute.

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Isaya 46:10

Nakondya kuwila ku wulawa katali zono zolokuza na ku wulawa katali nali nakondya kuzilonga zono zolokwijela. Nane nghalonga nghatya vyono mahweso gangu si galasumwa yaye, langa nokwituma zose du nha vyono nali nihwesize nitume.

Isaya 57:9

Mukwitajila wugutika hamonga ne mafuta ge mhunjile, muwa kubita kumuhemba mulungu Moleki. Kanyhi mukutuma wanhu wabite sunga mu ma'si go kutali, sunga ko ku yisi ye wafu, ho wakamulondolelenyi milungu yono mowa kuyihemba.

Ezekiyeli 28:2

“Gwe go munhu, alu, wumulonjelaje u mutemi we yisi ya Tulo, zono ane no Muwaha Mulungu nghumulonjela nghutya nhavi, Alu nha vyono wukwikumya, no kwiwona mu nhumbula yako nha vyono agwe wuli mulungu. Nalu ti, vyono wukwiwona nha wuli mulungu, holeka wikaye mwi'goda lyo wutemi, mu ciligati ye lilenga. Heya, kosuma nhawule kwihwesa wuli mulungu, kumbe nagwe ho wuli munhu du, hamba si wuli mulungu yaye.

Ezekiyeli 35:13

Nane nakondya kuzihulika zinghani zako ze cinyono-nyono, zono wukunonga'ne, ko widunhumuzi wuwaha.”

Danyeli 11:16

Nayo mutemi wa Siliya kolowatendela wanhu wa Misili, nha vyono kolowa yendile mweneco, na holowa hasina witazize. Kanyhi kolokwinjila mu yisi ye cilagane, no kuyitemela lukulu.

Danyeli 11:3

Hanyuma kanyhi, u mutemi we vilungo nayo kolokwinuka. Nayo kolotema kwe vilungo no kwituma nha vyono yakusaka mweneco.

Danyeli 11:37

Nayo mutemi si koloyilumba kanyhi ng'o, i milungu yono walezi wakwe wayihembaga, hamba milungu yono yendigwe ne wacekulu. Nha cinji, si koloyilumbila lukulu milungu yose, hambi mwene nha kolokwihwesa nha vyono mwene yo muwaha yayicizize milungu yiyo yose.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 5:20

Ninga 'lu, vyono yalajila wivuni no wukali, hamonga no wu wula cihuliko, hodu yakawa kuwuswa mu wutemi, no kuwajiliza mukumbo wakwe wo wutemi, yakalyajiliza ne lilumbo lyakwe.

Danyeli 7:8

Na lono nagasunjililaga mahembe gaga, nghawona kanyhi yihembe linji yidodo lyono lyakunghumukaga likulawila ha ciligati ye mayagwe. Likagakula i mahembe madatu ga muli gono gali gali baho wulawa mwamulizo. Ne lihembe lilyo lyali lina meso ga munhu, no mulomo wono walongaga ko widunhumuzi muno muno.

Danyeli 8:19

Hanyuma yakajendelela kutya, “Ane nghukulajila ze likuwo lyo Mulungu, vyono lyolowa linha mu vilo vya ku ndumo. Hambi wugubulilwe wuwo, nha wukulajila zono zolowa ku vilo vya ku ndumo.

Danyeli 8:4

Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.

Zakaliya 11:16

Hambi nha nakondya kumuwika u mudimi we litewa lyangu. Ninga mwene hamba si yakusuma kuzitaza zingholo zono zibenece migulu, hamba kuzilondola yaye zono zajiliye, hamba kuziwopela zono zifyonghoye, hamba kuzilisa zono zina miwili miswanu. Langa mwene, kolya du nyama ye zingholo zono cijinile, no kugapandulanga ne mabangho gazo.

Yohana 5:30

“Ane si nosuma kwitumila cinji mu wulajilize wangu no mweneco, ane nghuling'aniza nha vyono hulikaga kwa Baba, ne ning'aniza yangu ya mbeka, hamba si nyendile kwituma zo wuhile wangu no mweneco, langa vyono yendile mono yanhuma.

Yohana 6:38

Hambi nha natima kulawa ku wulanga, si vyono nitume wuhile wangu, langa ho fisilize u wuhile wa mono yanhuma.

Metumo ge Watumwa 4:28

Heya, wetang'anila ho wanoze zizilya, zono wetemezezya no kuziwikaniza kwe vilungo vyako, na ko wendo wako, ku wulawa mwamulizo.

Wukumbucize wo Wulajilize 10:17

Hambi Muwaha Mulungu, u Mulungu wenyu, nha yo Mulungu we milungu yose, kanyhi yo munghala vilungo vyose. Mwene yo Mulungu mono Yalawiliciye kanyhi yo we vilungo. Holeka yanojeye yogopwe mweneco du. Hambi mwene nha yasina wuwaguzi, hamba si kabocelaga mafupo.

2 Watesalonike 2:3

Mulece kukongwa na munhu wo wose mu nzila yo yose yilya. Hambi i lizuwa lilyo nha silyosuma kuza, sunga awulya u Wubezi Wuwaha wamule kuza, ayulya u Munhu mubi yamule kwijela mono u mudumo wakwe wo wajilile wo lukulu.

2 Watesalonike 2:4

U Mwene kovibeza vyose vyono i wanhu wakuviwona nha Mulungu, hamba cono wakucihemba. Heya, yadahile kwinjila no kwikala sunga mu Nyumba yo Mulungu no kwiyitya mweneco yo Mulungu.

2 Watesalonike 2:8

Ale baho ho yuyo nayo u Mubi ho kolokwijelela, ninga u Muwaha Yesu kolo yakuza, kolomuwulaga ko muhe wo mulomo wakwe, no kumwajiliziza lukulu ko wung'alale wo wuze wakwe.

Yoshuwa 22:22

“Mono yali vilungo, yumonga du, nayo yo Mulungu! Umwene yo Muwaha Mulungu mono yali vilungo yumonga du, nayo yo Mulungu! Umwene yo Muwaha Mulungu. Kanyhi mwene yo yamanyile cono caleka ase ciketuma zizi, nalu cikusaka nanye ho mumanye zizi! Hono yiwe mbeka cagaluka, no kuwusa wihuwilo hali Muwaha Mulungu, ale mulece kucileka cijendelele kuwumipa kanyhi!

Wugubule 10:7

Langa mu cipango cono malayika wo mupunghati kololavizya lizi lyakwe, lono kolotowela ndulele yakwe, u Mulungu ho kolowukondeleza u wuhile wakwe we cinyele, nha vyono yali yawalonjela wetumami wakwe, wawizi.”

Wugubule 12:14

Ninga mucekulu yuyo, nayo yakapegwa mabawa mejete ga numba, ho yaguluce yabite yakekale kutali ne lizoka lilyo, yabite yakekale ku nyika, hanhu hakwe hono kosuma kudimwa viswanu mu myaka midatu na myezi mutandatu.

Wugubule 13:1

Hanyuma, nghawona yilimu linji likulawa kwi'lenga. Nalyo lyali lina mitwe mupunghati ne mahembe yikumi, ne mahembe gose limonga limonga, lyali lina mukumbo. Ne litagwa lye nhovu kuli Mulungu, lyali lyandikwe mu mitwe yiyo.

Wugubule 17:17

Hambi u Mulungu nha katajila mu zinhumbula zawo, wuhile wo kuwufisiliza wuhile wakwe, vyono welumbaniza weneco wose, no kulipela i lilimu u wulajilize wawo wo kutema, sunga kolo i nghani yo Mulungu yikuficilicila.

Wugubule 17:3

Hanyuma nghasolwa no Muhe, yakanhegula sunga ko ku nyika. Na kuko, nghawona mucekulu yekaye mucanyha ye lilimu yidunghu. Ne lilimu lilyo lyali lyandicigwe matagwa ge nhovu hose, mu muwili walyo wose, nalyo lyali lina mitwe mupunghati ne mahembe yikumi.