Danyeli 11:3 - Luganuzi Luswanu Kuli Wanhu Wose 2002

³ Hanyuma kanyhi, u mutemi we vilungo nayo kolokwinuka. Nayo kolotema kwe vilungo no kwituma nha vyono yakusaka mweneco.

Danyeli 11:3 ပူးပေါင်းရင်းမြစ်များ

Danyeli 11:16

Nayo mutemi wa Siliya kolowatendela wanhu wa Misili, nha vyono kolowa yendile mweneco, na holowa hasina witazize. Kanyhi kolokwinjila mu yisi ye cilagane, no kuyitemela lukulu.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 7:6

Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize.

Danyeli 8:21

Nayo mvulati yiyo, wo wutemi wo Wugiliki. Nalyo lihembe lyono lili haciligati ye meso, yo mutemi mulongozi.

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

Wahebelaniya 2:4

Nayo u Mulungu yakonjeleza u wuhomelezi wakwe nhavivyo, lono yanozeza vitanjilo ne mezino ge mawala menji, na lono yawagawila wanhu i vipegwa vyo Muhe Mono Yelile nha vyono mweneco yali yendile.

Yakobo 1:18

So wendo wakwe mweneco, yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.