Danyeli 11:27 - Luganuzi Luswanu Kuli Wanhu Wose 2002

²⁷ Ne watemi wawo wejete, wolokwikala wahanje ndigwa ha meza monga. Ninga hamba nhavivyo, mwi'pango lilyo, i mitima yawo, yowa yikali mu wihwesa wituma zimbi. Kanyhi wolowa kwilambila munhu no muyagwe. Ninga si wolocituga cono wakucisaka, hambi lidaha lyayo, nha lyowa likali si naza yaye.

Danyeli 11:27 ပူးပေါင်းရင်းမြစ်များ

2 Samwili 13:26

Nayo Abusalomu yakatya, alu hono yawa nhavivyo, ale nghukulomba wumukombole muwaha wangu Amunoni yaze. Mutemi yakamuwuza yakutya, “So cici 'lu Amunoni yawe yo yanojeye yabite?”

Zabuli 12:2

Wose welonjelaga nghani za wulambi du, ne zinghani zawo zose za wiyendezi du kanyhi za wukoci.

Zabuli 52:1

Gwe go munhu 'gwe, socici wukwilumbila wubi wako, kuli wanhu waswanu?

Zabuli 58:2

Hamba hadodo! Anye langa mwikalaga mukwihwesa, zo wituma zimbi du nhondo zose, kanyhi yo nyenye mono mukuleta, nghani ze mewonezi mu'si.

Zabuli 62:9

Wanhu wose nha wehwanile muhe wo wehele, wawaha ne wadodo, wose yo nghani ya bwete du, na hono wuwapime, si waficile hamba kilo, wose wapelupelu muno si nho muhe wo wehele.

Zabuli 64:6

Wakwilumbaniza mu zinghani zawo zo wuhile wubi, akuno wakutya, “Cakondya kugawikaniza viswanu, i mahweso getu! Alu nani kanyhi 'mbi mono kosuma, kucimanya zo wuhile wetu?” Ilihweso lye cinyele lyo munhu, mbeka lihundice mu nhumbula yo munhu!

Zimbazi 12:20

Wukoci wuli mu zinhumbula za wono wehwesaga zimbi, ninga kuli wono wetumaga ku so ziswanu, wowona nyemo.

Zimbazi 19:21

Heya, i wanhu wosuma kwiwicila nghani nyinji zo kwituma. Ninga wuhile wo Muwaha Mulungu, wo wufisilizwaga du.

Zimbazi 26:23

Ne zinghani zo wulambi, zihundikaga mahweso ge mbeka, zihwanile ne nyungu swanu ye lilongo, yono hiliwe na fweza kunze yayo.

Ezekiyeli 17:9

“Holeka nane no Muwaha Mulungu nghwiwuza nghutya, alu mbeka u muzabibu wuwu, wokwikala wuwiluce hongo? Alo'ndi nongozi, si yoyikula milela yayo, no kuyidumula mikalo yayo, no kugabenanjiza manhambi gayo ho wunyale? Hanyuma wuwe kuwula vilungo, mu nghango yono si wosaka kanyhi wanhu wenji wawukule milela yayo.

Danyeli 10:1

(Na mu mwaka we kadatu wa Kulo u mutemi wa Pelisiya, Danyeli mono yacemwa Beliteshaza, yagubulilwa nghani. Ne nghani yiyo yali ya mbeka, ninga yali nghani nghamu muno ku wizuce. Ninga yikaloloswa kuli mwene mu nzila yo wugubulilwe.)

Danyeli 11:28

Nayo mutemi wa Siliya, kolowuya kwakwe hamonga ne sawo yono yatecile, ninga kuno yena no wuhile wo kuyongomeza dini ye wanhu wo Mulungu. Kolokwituma nha vyono kolosaka mweneco, hanyuma hodu, kolowuya ku yisi yakwe mweneco.

Danyeli 11:29

“Ninga hanyuma yayo kanyhi, kolobita yakayihome Misili. Ninga muhinzo wuwu, nghani zolokwisima.

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Danyeli 11:40

“Ne madaha ge ndumo go mutemi wa Siliya kolo geza kufika, u mutemi wa Misili kolomuhoma. Ninga mwene mutemi wa Siliya, nayo kolokwitaza, yehome no mutemi wa Misili kwe vilungo vyakwe vyose, akuno yakwitumamila ne matuka gakwe go wulugu, ne zifwalasi, hamonga ne zingalawa nyinji muno. Nayo kolozisuma zi'si nyinji, kolokwinjila mu zi'si zizo yakuhuluma nhe 'hwazi lya malenga.

Danyeli 8:17

Nayo Gabuliyeli yakawa kuza kwima behi nane. Ninga 'ne nghenjilwa no woga wuwaha muno, nghagwa ho hasi. Nayo Gabuliyeli yakanonjela yakatya, “Gwe go munhu, ale wuhulicizaje wuyimanye nhunizo yayo. Wugubulilwe wuwu, wukulajila ze ndumilizo ye yinze.”

Danyeli 8:19

Hanyuma yakajendelela kutya, “Ane nghukulajila ze likuwo lyo Mulungu, vyono lyolowa linha mu vilo vya ku ndumo. Hambi wugubulilwe wuwo, nha wukulajila zono zolowa ku vilo vya ku ndumo.

Habakuki 2:3

Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye.

Metumo ge Watumwa 1:7

Ninga Yesu yakawatya, “I madaha ne vilo, vili mu wulajilize wa Baba, holeka si zenyu kumanya zowa nili.

Metumo ge Watumwa 17:31

Hambi nha yakondya kuwika lizuwa lyono koloyiling'aniza yinze mu ling'ani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

1 Watesalonike 5:1

Nye wandugu zangu, hasina soko yo kumwandicilenyi muli ze madaha ne vipango vya muli zizo zono zokuza.