Danyeli 11:25 - Luganuzi Luswanu Kuli Wanhu Wose 2002

²⁵ “Nayo kololiwikaniza lipuga yiwaha muno lye wasilikale, akuno yasina woga, yabite yakamuhome u mutemi wa Misili. Nayo mutemi wa Misili, kolokwiwikaniza ne lipuga lyakwe yiwaha lye wasilikale, ho vihome no mutemi wa Siliya. Ninga mutemi wa Misili, si kolomusuma mutemi wa Siliya. Hambi mutemi wa Misili nha kolokongwa-kongwa, ho yalece kuwufisiliza wuhile wakwe.

Danyeli 11:25 ပူးပေါင်းရင်းမြစ်များ

Zimbazi 15:18

Makuwo galetaga matemanuko. Ninga wukangalizi, wuletaga mulamu.

Zimbazi 28:25

No munhu mubugu, kasagahizaga mazozo. Ninga agwe, wiyohe kumwitumbila Muwaha Mulungu du.

Danyeli 11:10

“Nawo i wana wo mutemi wa Siliya, wolokonghola yipuga yiwaha muno lye wasilikale, wewikanize so wulugu. Nayo yumonga wa muli wene, kolokwipongholeza nhe lihwazi, yakagakundujize magomawakali ge walugu.

Danyeli 11:2

Holeka aluno zono nokulonjela, zo ze mbeka. Nayo malayika yakatya, “Ho wali watemi wanji kanyhi wadatu, wono wotema mu Pelisiya. No mutemi we kane, mono kowatyatya, yuyo kowa mugoli muno si nhe wanji wose. Nayo kolo yakutuga vilungo so wugoli wakwe, kokwisumaniza no wutemi wo Wugiliki.

Danyeli 11:40

“Ne madaha ge ndumo go mutemi wa Siliya kolo geza kufika, u mutemi wa Misili kolomuhoma. Ninga mwene mutemi wa Siliya, nayo kolokwitaza, yehome no mutemi wa Misili kwe vilungo vyakwe vyose, akuno yakwitumamila ne matuka gakwe go wulugu, ne zifwalasi, hamonga ne zingalawa nyinji muno. Nayo kolozisuma zi'si nyinji, kolokwinjila mu zi'si zizo yakuhuluma nhe 'hwazi lya malenga.

Danyeli 11:5

“No mutemi wa Misili, yuyo langa yo kolowa yali vilungo. Na muli yumonga wa muli we citung'ati wakwe, yuyo yo kolowa ne vilungo kuciza, kanyhi yo kolotema wutemi wuwaha muno.