Danyeli 11:24 - Luganuzi Luswanu Kuli Wanhu Wose 2002

²⁴ Nayo koloyihoma nhinicizo yisi yono yina wugoli. Kanyhi kolokwituma nghani zono hamba ne walezi wakwe si wazituma yaye. Hanyuma kolozisola zisawo, zono yazitecile kuko ku wulugu, yawagawile i wanhu wakwe. Kanyhi kolokwiwikaniza ho yagakumulanje magomawakali, ninga kolowa yaceleza, i cipango cakwe colowa cakondya malika.

Danyeli 11:24 ပူးပေါင်းရင်းမြစ်များ

Nehemiya 9:25

Wanhu wako wakatema ne makaya gono gali mazenjelwe magomawakali, ne yisi yo moso, ne zikaya zono zali zina sawo, hamonga ne masima, ne mibici ye mizeyituni, ne mibici ye mikalo miswanu, hamonga ne Mizabibu. Wakalya vyose vyono wasakaga, wakajina muno, wakendezwa ne vinhu vyose viswanu vyono wawapela.

Zimbazi 17:8

Wanhu wanji wehwesaga vyono, mulimo wo kulavya mafupo, wuwezaga nha wuganga, nawo wehuwiye vyono wosuma kuwapela wutazi.

Zimbazi 19:6

Munhu wo wose, yendile yatuje wendezwe kuli wanhu we lilumbo. Kanyhi wenji, wono wendile wawe wendece kuli wono walavyaga vipegwa.

Zimbazi 23:7

Hambi mwene nha kokutya, “Ale wonjeleze, wujendelele kulya.” Ninga yakulonga ha mulomo du, hamba si zikulawa mu nhumbula yakwe ng'o.

Ezekiyeli 34:14

Nolozidimila mu wudimo wuswanu, mucanyha ye litunda litali na mu malolo, mono mogali mahanze ge dedede, mu yisi ya Isilayeli.

Ezekiyeli 38:10

Ne zinghani zizi, zo Muwaha Mulungu yakumulonjela Gogu yakutya, “Ne mapango gago kolo gakondya kuza, agwe Gogu kolokwanza kwihwesa zo wuhile wubi du mu nhumbula yako.

Danyeli 11:23

Na mu wungwele wakwe, kowakonga-konga we zinghungugo zinji, nayo kolocila kuwa ne vilungo muno, hamba yiwe mwene yatemile mu nghungugo ndodo du.

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

Wuwale 13:20

Kanyhi muwulanje no muhangha wayo, hono wina moso hamba ng'o, na hono mogali mabici hamba yihala du. Kanyhi kolo mweza kuwuya akuno, mukumbucile muleteleze ne mikalo yono wayilimaga kuko.” (Naco cali co cipango co wupilo we zi zabibu.)

Matayo 9:4

Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

Walamuzi 9:4

Baho wakamupela zifweza makumi mupunghati ku wulawilila mu nyumba ye cilagane ya Baali-beliti, zifweza zizi Abimeleki yakawafupa i wafyuzi ne wenyanyaguzi ho wamutyatye mwene.