Danyeli 11:22 - Luganuzi Luswanu Kuli Wanhu Wose 2002

²² No munhu wo wose mono kolojela kumwimila, hamba yawe mukohani Muwaha wo Mulungu, munhu yuyo kolofwagulwa no kuwusizwa lukulu.

Danyeli 11:22 ပူးပေါင်းရင်းမြစ်များ

Isaya 28:15

Hambi 'nye nha mukwilumba mukutya vyono mwakondya kwilumbaniza ne lifwa, hamonga ne yisi ye wafu. Na kanyhi mwitumbiliye lukulu nha vyono wongomele si wolomuzizenyi yaye, vyono anye mwitumbiye wulambi wenyu hamonga no wukoci wenyu, mukutya wuwo wo womuponyenyi.

Danyeli 11:10

“Nawo i wana wo mutemi wa Siliya, wolokonghola yipuga yiwaha muno lye wasilikale, wewikanize so wulugu. Nayo yumonga wa muli wene, kolokwipongholeza nhe lihwazi, yakagakundujize magomawakali ge walugu.

Danyeli 11:23

Na mu wungwele wakwe, kowakonga-konga we zinghungugo zinji, nayo kolocila kuwa ne vilungo muno, hamba yiwe mwene yatemile mu nghungugo ndodo du.

Danyeli 8:25

Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Danyeli 9:26

Na ku ndumilizo ye vilo vivyo, u mulongola muhagulwa wo Mulungu, kolowulagwa mbula soko. Nalyo likaya hamonga ne Nyumba yo Mulungu, vyolokongomezwa ne wasilikale wo mutemi we vilungo. Nayo ndumilizo yolokuza nhe lihwazi. Kanyhi wolokuza wulugu hamonga ne magazo, vyono Mulungu yakondya kuviwikaniza.

Amosi 8:8

Na ku soko yiyo, holeka yisi yocicima, ne wanhu wose wa mu'si yose, wowa mu wugaye. Ne yisi yose yolosinjisika; yolokwibuka no kung'welela, nhe likolongo lye Nile ku Misili.

Amosi 9:5

Muwaha Mulungu we mihanga kayipamizaga yisi, nayo yinze yiwa kucicima, na wose wono wekaye mumo wolila. Ne yinze yose yolokwibuka no kug'welela kotya nhe likolongo lye Nile ku Misili.

Nahumu 1:8

Langa mwene kawongomezezaga lukulu walugu wakwe, nhe 'hwazi lyono likuhuluma. Nawo wono wakwisumaniza nayo, kawafisaga sunga ko ku wufwe wawo.