Danyeli 11:17 - Luganuzi Luswanu Kuli Wanhu Wose 2002

¹⁷ “Nayo mutemi wa Siliya, kolotyatilila, yetumamile wasilikale wakwe wose. Na kolo yakubita, si kolowongomeza yaye wutemi we walugu wakwe, langa kolonoza mulamu, kanyhi welunze nayo. Nayo mutemi wa Siliya, kolomukombola mwanagwe we cicekulu vitole no mutemi wa Misili. Ninga mahweso gakwe go wihomi, si goloficilicila kanyhi yaye.

Danyeli 11:17 ပူးပေါင်းရင်းမြစ်များ

2 Watemi 12:17

Mu mapango ganji, Hazayeli u mutemi wa Siliya, yayihoma Gati, yakayisola, na hanyuma kanyhi yakasaka yabite yakayihome Yelusalemi.

2 Zinghomo 20:3

Nayo Yehoshafati yaza kuzihulika zizo, yakenjilwa no woga wuwaha muno, yakawa kulomba kuli Muwaha Mulungu yamupele wutonji. Hanyuma yakalajiliza yisi yose walece kulya.

Zabuli 56:9

Na lono nghukulomba wutazi wako, baho ne walugu wangu wawuyaga ku nyuma. Nane manyiye lukulu, vyono Mulungu yali hamonga nane.

Zimbazi 19:21

Heya, i wanhu wosuma kwiwicila nghani nyinji zo kwituma. Ninga wuhile wo Muwaha Mulungu, wo wufisilizwaga du.

Ezekiyeli 17:17

Hamba nhavivyo, i vilungo vye lipuga lye wasilikale wa Falawo u mutemi we Misili, si vyosuma kumutaza cinji mu wulugu, hambi u mutemi we yisi ya Babiloni, nha kozenga magagala, hamonga ne magomawakali, ho yawawulaje wanhu wenji muno.

Ezekiyeli 25:2

“Gwe go munhu, wuwalonjelaje wanhu wa Amoni.

Ezekiyeli 4:3

Hanyuma kanyhi, wusole siniya ya cuma, wuyisimye yiwe nhe 'jinji lya cuma haciligati yako ne likaya. Nagwe wulidome likaya. Nalyo likaya lyowa nha lyakondya kupilimwa no wulugu, nagwe kowa yo gwegwe mono walipilima no kulihoma. Na cici cowa co citanjilo kuli nghungugo ya Isilayeli.

Ezekiyeli 4:7

“Nagwe kogadomya meso gako gawe gawulanjile wupilimwe we likaya lya Yelusalemi. Hanyuma wuliyunzize likaya muwoko wako, wuwe kuliwilila.

Danyeli 11:19

Nayo mutemi wa Siliya, kolowuya ku yisi yakwe mweneco mu magomawakali gakwe. Ninga kolowa yakondya kusumilwa lukulu. Na wuwo wo wolowa wo mudumo wakwe.

Danyeli 9:26

Na ku ndumilizo ye vilo vivyo, u mulongola muhagulwa wo Mulungu, kolowulagwa mbula soko. Nalyo likaya hamonga ne Nyumba yo Mulungu, vyolokongomezwa ne wasilikale wo mutemi we vilungo. Nayo ndumilizo yolokuza nhe lihwazi. Kanyhi wolokuza wulugu hamonga ne magazo, vyono Mulungu yakondya kuviwikaniza.

Habakuki 1:9

Ne wasilikale wawo, wena vilungo vyo wusume, ne wanhu wose wakuwogopa kolo wakuwasejelela behi. Ne mateka wono wowateka, wowa wenji nha musawawa.

Matayo 12:30

U munhu wo wose mono si yakwilunza nane, yuyo yali suta nane, yuyo keyagazaga.

Luka 11:23

Mono si cili hamonga na nene ayo yali cinyume nane; nayo mono si cikongholanaga na nene, keyagazaga.

Luka 9:51

Kukawa, vilo vyo wunyasulilwe wakwe Yesu wo kubitila ku wulanga vyeza kusejelela, mwene Yesu yakawa yena yo wubita ku Yelusalemi.

Walumi 8:31

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?