Danyeli 11:16 - Luganuzi Luswanu Kuli Wanhu Wose 2002

¹⁶ Nayo mutemi wa Siliya kolowatendela wanhu wa Misili, nha vyono kolowa yendile mweneco, na holowa hasina witazize. Kanyhi kolokwinjila mu yisi ye cilagane, no kuyitemela lukulu.

Danyeli 11:16 ပူးပေါင်းရင်းမြစ်များ

Isaya 8:8

Nayo kohuluma no kufika sunga ko ku Yuda, kokola mose, koyigubika yisi yako yose 'gwe go Imanuweli. Ninga Mulungu yali hamonga nase! Mwene kogatandakula mabawa gakwe yayicitile yisi.”

Yelemiya 3:19

U Muwaha Mulungu yakutya nhavi, “Gwe Isilayeli, ane nasakaga nghubocele 'gwe kotya wuli mwanangu, nghupele ne yisi swanu muno, i hanhu haswanu hono hacizize yinze yose. Ane nasakaga agwe wunyheme'ne, baba, ho wulece kundeka 'ne kanyhi.

Danyeli 11:3

Hanyuma kanyhi, u mutemi we vilungo nayo kolokwinuka. Nayo kolotema kwe vilungo no kwituma nha vyono yakusaka mweneco.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 11:41

Kanyhi koloyihoma sunga ne yisi ye Cilagane, kolowawulaga makumi na makumi ga maelufu. Ninga langa zi'si za Edomu, na Mowabu ne yisi ya Amoni yono yowa yikali yisigaye, azo langa zolopona,

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 8:4

Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.

Danyeli 8:7

Nane nghawa vyo niyilanjiliye mvulati yiyo du, vyono yikuyitowanga nduwilu. Mvulati yiyo yali yina yikuwo yiwaha, yikagabenanga sunga ne mahembe gagalya mejete ge nduwilu. Nayo nduwilu yali yisina vilungo, si yasuma hamba kwitaza bwete ng'o. Holeka yikagumilwa ho hasi no kukanyanjizwa, hakawa hasina hamba munhu mono kosuma kuyiponya yaye.

Danyeli 8:9

Ninga hamba nhavivyo, likacindika kanyhi yihembe linji lidodo, mwi'hembe limonga lya muli gagalya mahembe mane. Ne vilungo vyayo vikatandala sunga ko ku lubavu lwa kutakama, no lubavu lwa kucilima, sunga ko ku yisi swanu muno.

Yoshuwa 1:5

Kanyhi Yoshuwa, wumanye vyono kowa kusina hamba yunji wo wose mono kokusuma, sunga ko ku ndumo yo wikale wako. Nowa hamonga nagwe nha vyono nali nili hamonga na Musa. Nowa hamonga nagwe mu vilo vyose, hamba si nokuleka yaye.