Danyeli 11:12 - Luganuzi Luswanu Kuli Wanhu Wose 2002

¹² Nayo mutemi wa Misili kolokwidunhumula so wusume wakwe, hamonga no winji muno we wasilikale wa Siliya wono yawawulaje. Ninga hamba si kojendelela nhondo zose kuwa no wusume wuwo.

Danyeli 11:12 ပူးပေါင်းရင်းမြစ်များ

2 Watemi 14:10

Alu Amaziya, mwene wedunhumula, vyono wawona wawasuma Waedomu hongo. Ane nghuwona vyono ciba wulece kwikumya, wucehe du ha kaya yako. Alu 'gwe nhawule wukusaka wiyambuze bwete, sunga wuwaletele wanhu wako wongomele wuwaha?”

2 Zinghomo 25:19

Mwene Amaziya, alu wedunhumula, vyono wawona wawasuma Waedomu hongo. Ane nghuwona vyono, ciba wulece kwikumya, wucehe du ha kaya yako. Alu 'gwe nhawule wukusaka wiyambuze bwete, sunga wuwaletele wanhu wako wongomele wuwaha?”

2 Zinghomo 26:16

Ninga u mutemi Uziya, yali yeza kuwona vyono yatuga vilungo, hodu yakawa kwinjilwa no wikumye. No wikumye wuwo, wukawa kumwinjiza mu wituma zimbi. Yakamubedegala Muwaha Mulungu, u Mulungu wakwe, so winjila mweneco mu Nyumba yo Mulungu, no kufusa wuvumba, mu cikumbicilo co kufusiza wuvumba.

2 Zinghomo 32:25

Ninga mwene Hezekiya yakamema wikumyi mu nhumbula yakwe, hamba kulajila lilumbo kuli Muwaha Mulungu muli zose zono Mulungu yamutendeye. Na ku soko yiyo, Muwaha Mulungu yakamukolelwa likuwo, hamonga ne wanhu wa Yuda na Yelusalemi.

Zimbazi 16:18

Wiwoni, wulongozaga ku wuhodanjice. Nawo widunhumuzi kwi'fwa.

Ezekiyeli 28:17

Agwe wedunhumulilaga wuswanu wako, ne lilumbo lyako likakunoza witume nghani zo wulele. Holeka ku soko ya zizo, nane nokugwisa ho hasi, nghulece wuwe suguzi kuli watemi wanji.

Ezekiyeli 28:2

“Gwe go munhu, alu, wumulonjelaje u mutemi we yisi ya Tulo, zono ane no Muwaha Mulungu nghumulonjela nghutya nhavi, Alu nha vyono wukwikumya, no kwiwona mu nhumbula yako nha vyono agwe wuli mulungu. Nalu ti, vyono wukwiwona nha wuli mulungu, holeka wikaye mwi'goda lyo wutemi, mu ciligati ye lilenga. Heya, kosuma nhawule kwihwesa wuli mulungu, kumbe nagwe ho wuli munhu du, hamba si wuli mulungu yaye.

Ezekiyeli 28:5

Wukwihwesa kanyhi nha vyono so mahala gako, wanoza wusuluza no kwitujila cambuzi ciwaha muno. Wedunhumula muno so wugoli wako!

Danyeli 11:11

Nayo mutemi wa Misili, ku soko ye nghani yiyo, hobaho kolokolwa ne likuwo yiwaha, yabite vikehome no mutemi wa Siliya. Nayo mutemi wa Misili, kololiteka lipuga lyose lye wasilikale wo mutemi wa Siliya.

Danyeli 11:13

“Nayo mutemi wa Siliya, kolowuya yakakonghole lipuga yiwaha muno lye wasilikale, wacizize i walongozi. Na kolo vipango vyafika, kolobita kanyhi ku Misili yena ne lipuga yiwaha lye wasilikale vitung'ati.

Danyeli 5:23

Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Danyeli 8:25

Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Wukumbucize wo Wulajilize 8:14

mulanjilile, mulecele lukulu kwikumya, muwe kumusemwa no Muwaha Mulungu, u Mulungu wenyu, mono yamuwusenyi ku wulawa ku yisi ya Misili, kono mwali muli wawanda.

1 Timoteyo 3:6

Kanyhi u munhu mono yakali nakangala mu wihuwilo, yalece kunozwa kuwa mulongola mwi kanisa, ho yalece kumema wiwoni, no kuling'anizwa nha vyono Setani yakaling'anizwa.

1 Petelo 5:5

Nanye nhavivyo mo wadodo, munojeye mwiwice mu wulajilize we wanyamhala. Nanye wose munojeye muwe no winenenyhezi ho musume kwiyitumila nyenye wose, hambi i Mandiko Gono Gelile nha gakutya, “U Mulungu sikawasakaga wono wena widunhumuzi, langa kawapelaga lihewa iwenenenyhezi.”