Danyeli 10:8 - Luganuzi Luswanu Kuli Wanhu Wose 2002

⁸ Wakawa kundeka nene du nili wene, nane nghawa niyilanjiliye yiyo nghani yo wizine. Ninga nane nghawa sina vilungo muli'ne, sunga no wusu wangu wukesima so woga, sunga hakawa hasina munhu wo wose mono yali yanhanje vyono yo nene Danyeli.

Danyeli 10:8 ပူးပေါင်းရင်းမြစ်များ

Mwamulizo 32:31

Nayo Yakobo lono yawukaga baho ha Penuweli, lizuwa lyali lyakondya kusosomoka, nayo yakawa yakujenda akuno yakusenzegula ku soko ye cima cakwe.

Wutuluce 3:3

Musa yakehwesa yakatya, “Kaa nye, nghani yiyi njenzi ayi. Alu si kotya cititika cikwaka moto? Lekata sejelele behi ta, nghalanje.”

Danyeli 10:16

Hanyuma malayika yuyo mono yejelaga yehwanile munhu, yakawugolola muwoko wakwe, yakamhamiza mulomo wangu Nane nghamutya, “Gwe muwaha, wugubulilwe wuwu, wukunyhepula vilungo vyangu, si nghusuma no kwiyimila ho ndece kucicima.

Danyeli 10:17

Alu 'ne nha nehwana nho muwanda mono yemile ha mwande yo mutwawe. Alu ho nosuma kulongana nhawule nagwe? Hambi nha neza sina vilungo, no muhe wangu wukudinda.”

Danyeli 7:28

Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.

Danyeli 8:27

Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.

Danyeli 8:7

Nane nghawa vyo niyilanjiliye mvulati yiyo du, vyono yikuyitowanga nduwilu. Mvulati yiyo yali yina yikuwo yiwaha, yikagabenanga sunga ne mahembe gagalya mejete ge nduwilu. Nayo nduwilu yali yisina vilungo, si yasuma hamba kwitaza bwete ng'o. Holeka yikagumilwa ho hasi no kukanyanjizwa, hakawa hasina hamba munhu mono kosuma kuyiponya yaye.

Habakuki 3:16

Nane nghuzihulika zizi zose, kuno nghucicima, no mulomo wangu wuleceye wukucicima so woga. No muwili wangu wose wanyong'onyela, sunga ne magulu gangu nhondo, gakucicima lono nimile. Ninga ne, nolindila du nhulile, sunga lizuwa lize lyono Mulungu kolowalipiciza wose wono wakuwa kucihoma.

Matayo 17:6

Nawo i wejizwa wali weza kuzihulika zizo, wakagwa gubama, akuno wakogopa muno muno.

Maluko 9:6

Umwene ne wayagwe wakogopa muno, sunga yikamunoza Petelo yalece kumanya na cono yakulonga.

Yohana 16:32

Lanjenyi ta, cidaha cikuza, sunga na lulu caza, hono mokwiyagalila munhu kwakwe, munhu kwakwe, na mondeka nene nili wene. Ninga kumbe hamba si nili wene ng'o, hambi nha cina na Baba.

2 Wakolinto 12:7

Ninga ho ndece kwilumba so zinghani zizi zimbaha zono nagubulilwa, napegwa wusungu mu muwili wangu kotya yimiya, u mwitumami wa Setani, mono yakunhowa, ho ndece kwilumba kuciza.

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.