Danyeli 10:19 - Luganuzi Luswanu Kuli Wanhu Wose 2002

¹⁹ Yakawa kunyitya, “U Mulungu yakwendile 'gwe Danyeli, holeka wulece kogofywa na cinji co cose, hamba kuwa na mahwele.” Nayo yali yeza kukondya kuzilonga zizi, nane nghewona nhondo vilungo vyangu vyose vyakondya kumbuyila kanyhi, nane nghamutya, “Gwe muwaha wangu, wulonje zono wina, hambi nha wakondya kumhela vilungo.”

Danyeli 10:19 ပူးပေါင်းရင်းမြစ်များ

Zabuli 138:3

Nane lono nakulilila, nagwe wukahulika, kanyhi wukasikamya kwe vilungo vyako.

Isaya 35:4

Muwalonjele wono wena nhumbula nyoga, mutye, “Ale, mweze ne vilungo, mulece kuwa na woga! Mulungu kokuza no kumuponyenyi kokuza yawalipicize walugu wenyu.”

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Danyeli 10:18

Hanyuma kanyhi malayika yakanyibata, na hobaho vilungo vyangu vikawa kumbuyila kanyhi.

Danyeli 9:23

Wukumbuciye vyono lono wanziza kumulomba Mulungu, nayo yakakupitula. Mwene yakwendile, holeka niza ho nghulonjele lipitulo lyakwe kuli'gwe. Holeka nghukunena wuhulicizaje muno, lono neza kukuloloseza wugubulilwe wuwo.

Hagayi 2:4

Ninga hamba nhavivyo, yunji yalece kutukuwika mutima. Langa anye mwitumaje du mulimo muhidimbaye, hambi ane nha nili hamonga nanye.

Zakaliya 8:13

Nye, nyo wanhu wa Yuda na Isilayeli! Ha mwamulizo, wajenzi welijitaga weneco wose wakatya, ‘Wongomezwe wono wawutuga wanhu wa Yuda na Isilayeli, ale, wukutuje na gwegwe.’ Ninga ane nomuponyenyi, sunga ne wajenzi wapitule ne mahweso gawo kanyhi, walongane munhu na muyagwe wawe kutya, ‘Ale, wubocele wulugutizwe, nha vyono wawubocela wanhu wa Yuda na Isilayeli. Holeka mwime mukamile kanyhi mulece kogopa.’ ”

Zakaliya 8:9

U Muwaha Mulungu we mihanga yakutya, “Mwime mukamile mweze kuli vilungo! Hambi sunga nalu, nha mukuzihulika zinghani zono i wawizi wazilonga, lu lulya, lono wawicilwa u musinji so wuzenji kanyhi we Nyumba yangu.

Yohana 11:3

Ale wawo walumbuze wakatuma munhu kuli Yesu, wakutya, “Muwaha, mwendece wako yatamigwe!”

Yohana 11:36

Iwayahudi wakatya, “Lanjenyi ta vyono yali yamwendile.”

Yohana 11:5

Yesu yali yawendile wa Malita, no mwanakwawe Malyamu, na Lazalo.

Yohana 14:27

“Mulamu nghumulecelenyi, mulamu wangu nghumupelenyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Yohana 19:26

Holeka Yesu yaza kumuwona u nyina, hamonga no mwijizwa mono yali yamwendile, yemile behi no nyina, baho yakamutya nyina, “Yaya, wulanje ta, yuyo yo Mwanago!”

Yohana 21:20

Baho Petelo yakapituka, nayo yakamuwona yuyulya u mwijizwa mono Yesu yali yamwendile, yakuwatyatya. U mwijizwa yuyu, yo ayulya u mwijizwa mono yali yekaye behi muno na Yesu ha zindigwa ze cinyamihe, mono yamuwuza Yesu yakutya, “Muwaha nani mono kokugaluka.”

1 Wakolinto 16:13

Ale, mwikalaje meso, kanyhi mwimaje mukamile mu wihuwilo, akuno musina woga, kanyhi mweze muli vilungo.

2 Wakolinto 12:9

Ninga Mwene yakanhya, “Ilihewa lyangu likukwiliye, hambi vilungo vyangu nha vikwilanicizwaga lono wuli mu wusocele.” Ninga ane nyendile muno kwilumbila wusocele wangu, ho vilungo vya Kilisito vikale muli'ne.

Waefeso 6:10

Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

2 Timoteyo 2:1

Holeka agwe mwanangu Timoteyo, weze ne vilungo mwihewa lyono cikulituga so wilunza na Kilisito Yesu.

Yoshuwa 1:9

Wukumbucile vyono, yo nene nakulajiliza wuwe ne vilungo ne nhumbula yo wutung'ati. Holeka wulece kogopa hamba kukatala, hambi ane no Muwaha, Mulungu wako, nha nowa hamonga nagwe ko kose kono kowa kubita.”

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

Walamuzi 6:23

Ninga Muwaha Mulungu yakamutya, “Weze no mulamu. Kanyhi wulece kogopa, sikofwa yaye.”