Danyeli 10:18 - Luganuzi Luswanu Kuli Wanhu Wose 2002

¹⁸ Hanyuma kanyhi malayika yakanyibata, na hobaho vilungo vyangu vikawa kumbuyila kanyhi.

Danyeli 10:18 ပူးပေါင်းရင်းမြစ်များ

Jobu 16:5

Nali nimusikamyenyi ko wulonje wangu, njendelele kumusindamicenyi.

Jobu 23:6

Ma! Mulungu, kokwisumaniza nane mu wuwaha we vilungo vyakwe? Aa, ng'o! Langa kohuliciza du zono nghulonga.

Zabuli 138:3

Nane lono nakulilila, nagwe wukahulika, kanyhi wukasikamya kwe vilungo vyako.

Danyeli 10:10

Ninga hanyuma hadodo, u munhu yuyo yakanyibata no muwoko, yakawa kunyinula, yakawa kusimya fugame, ne miwoko yangu yibate hasi. Ninga mwi'daha lilyo, nali nghali du nghucicima.

Danyeli 10:16

Hanyuma malayika yuyo mono yejelaga yehwanile munhu, yakawugolola muwoko wakwe, yakamhamiza mulomo wangu Nane nghamutya, “Gwe muwaha, wugubulilwe wuwu, wukunyhepula vilungo vyangu, si nghusuma no kwiyimila ho ndece kucicima.

Danyeli 8:15

Nane nghasaka ho manye nhunizo yo wugubulilwe wuwo, na kumbe munhu yunji yakema nhinicizo ha mwande yangu.

Danyeli 8:18

Ninga lono yali yakali kulonga, ane nghagwa hasi nghawa kuzilika. Ninga mwene yakanyibata, yakanyinula, yakasimya nghema ne magulu gangu.

Luka 22:32

ninga ane nghukulombela agwe Simoni, wihuwilo wako ho wulece kucepuka; nagwe kolo wukumbuyila kanyhi, ho wuwasikamye wanduguzo.”

Luka 22:43

Malayika kulawa ku wulanga, yakamulawila, yakamupela vilungo.

Metumo ge Watumwa 18:23

Yakekala kuko yidaha yidodo, hanyuma yakajendelela no muhinzo wakwe yakakolela ku zisi za Galatiya na Felugiya yakuwasindamika wejizwa wose.

Waefeso 3:16

Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

1 Samwili 23:15

Nayo Dawudi yakamanya du vyono Sawuli yena wuhile wo kumuwulaga. Holeka Dawudi yakajendelela kuwa kuko ku Holeshi mu nyika ya Zifu.