Danyeli 10:17 - Luganuzi Luswanu Kuli Wanhu Wose 2002

¹⁷ Alu 'ne nha nehwana nho muwanda mono yemile ha mwande yo mutwawe. Alu ho nosuma kulongana nhawule nagwe? Hambi nha neza sina vilungo, no muhe wangu wukudinda.”

Danyeli 10:17 ပူးပေါင်းရင်းမြစ်များ

Mwamulizo 32:20

Ninga hamonga na zizo, mumulonjelaje mutye, ‘Nayo Yakobo u mwitumami wako yali mu nyuma, yakuza.’ ” Yakobo yazinoza zizo vyono yehwesaga, “Na lunji ho nomutuza so vipegwa vivino vyono nghumulongozeza, hanyuma nane ho sume kwiwona nayo wusu kwa wusu, na lunji ho kombocela.”

Wutuluce 33:20

Ninga agwe si kosuma kumbonela lukulu wusu wangu, hambi nha hasina munhu wo wose, mono kosuma kuwuwona wusu wangu yekale mumi.”

Danyeli 10:8

Wakawa kundeka nene du nili wene, nane nghawa niyilanjiliye yiyo nghani yo wizine. Ninga nane nghawa sina vilungo muli'ne, sunga no wusu wangu wukesima so woga, sunga hakawa hasina munhu wo wose mono yali yanhanje vyono yo nene Danyeli.

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Maluko 12:36

Na Dawudi mweneco mu wutongwe no Muhe Mono Yelile yalonga yakatya, ‘U Muwaha yamulonjela Muwaha wangu yakatya, Wikale ku lubavu lwangu lo kulume, sunga kolo nghuwika iwalugu wako wukanyago we magulu gako.’

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Walamuzi 6:22

Baho Gideyoni yakamanya vyono mbeka ayu yali Malayika wo Muwaha Mulungu, yakalonga kwe cogopo yakatya, “Woyi he! Gwe go Muwaha Mulungu we mihanga, nakondya kumuwona Malayika wako wusu kwa wusu!”