Danyeli 10:16 - Luganuzi Luswanu Kuli Wanhu Wose 2002

¹⁶ Hanyuma malayika yuyo mono yejelaga yehwanile munhu, yakawugolola muwoko wakwe, yakamhamiza mulomo wangu Nane nghamutya, “Gwe muwaha, wugubulilwe wuwu, wukunyhepula vilungo vyangu, si nghusuma no kwiyimila ho ndece kucicima.

Danyeli 10:16 ပူးပေါင်းရင်းမြစ်များ

Wutuluce 4:10

Ninga Musa yakatya, “Ng'o Muwaha Mulungu, nghukunena wulece kunhuma nene, hambi waco'ne nha si nili mulonji, hamba nghali si nawa mulonji ku wulawa lono wamulila kulongana nane. Hambi ane nha nili muzito ku wulonje, nongaga nili mhola mhola, sunga no lulimi lwangu nalo luzito.”

Wutuluce 4:13

Ninga hamba nhavivyo, mwene Musa yakapitula yakatya, “Gwe Muwaha Mulungu ng'o ye, dedede, nghukunena wutume munhu yunji.”

Muganuzi 1:18

Hambi nha mu nghango yono kocila kuwa na mahala menji, yo nghango yiyo du kanyhi, yono kocila kwipela u wu wula mulamu mu nhumbula yako, na mu nghango yono wukucila kuwa no wumanye winji, ale yo nhavivyo kanyhi vyo kocila kwiyonjelezeza wukalale mu nhumbula yako.

Isaya 6:7

Yakamhamiza mu mulomo wangu ne likala lilyo, yakatya, “Alu vyono likala lili lyakupamiza mu mulomo wako, hodu wakondya kuwusizwa masutya gako, kanyhi wanenelwa no wubi wako.”

Yelemiya 1:9

Hanyuma ya zizo, u Muwaha Mulungu yakawugolola muwoko wakwe, yakamhamiza mu mulomo wangu, yakanyitya, “Langa ta, alu, nghukutajila zinghani zangu mu mulomo wako zono kosuma kuzilonga.

Ezekiyeli 1:26

Na mucanyha yo mwanya wa mu mitwe yavyo, hali na cinhu cono cejelaga nhe 'goda lya nhojo, yinozwe ne vibwe vyo wuguzi wukamu vye liwala lye dedede. Na mwi'goda lilyo lye nhojo, cali cikaye cinji cihwanile futa ya munhu.

Ezekiyeli 3:27

Na hanyuma kolo nghulonga nagwe, no kuludohola lulimi lwako kanyhi, ho wusume kulonga, ale baho nhondo ho kowalonjela zono ane no Muwaha Mulungu nghuwalonjela. Na lulo wanji wa muli wene wohulika, ninga wanji wozibedegala zinghani zako, hambi nha wanhu we nghungugo yono yisina cihuliko yaye.”

Ezekiyeli 33:22

Ninga nane, mu mapango ge cinyamihe, lono u munhu yuyo mono yehema yali yakali si nanyiziza, ane nane, nali nakondya kuviwona i vilungo vyo Muwaha Mulungu muli 'ne. Na lono u munhu yuyo mono yehemya yanyizizaga i mitondo yaco hakali mitondo, u Muwaha Mulungu, yali yakondya kumhela i vilungo vyo kusuma kulonga.

Danyeli 12:8

Nane nghazihulika zono yalonga, ninga hamba si nasuma kuzizuka yaye. Holeka nghamuwuza nghamutya, “Gwe muwaha wangu, mudumo we zinghani zizi, zowa wule?”

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 7:15

No wugubulilwe wuwo wono nawuwona, wukanhinusa muno mu nhumbula yangu, nane nghagazika muno mu mutima wangu.

Danyeli 7:28

Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.

Danyeli 8:15

Nane nghasaka ho manye nhunizo yo wugubulilwe wuwo, na kumbe munhu yunji yakema nhinicizo ha mwande yangu.

Danyeli 8:17

Nayo Gabuliyeli yakawa kuza kwima behi nane. Ninga 'ne nghenjilwa no woga wuwaha muno, nghagwa ho hasi. Nayo Gabuliyeli yakanonjela yakatya, “Gwe go munhu, ale wuhulicizaje wuyimanye nhunizo yayo. Wugubulilwe wuwu, wukulajila ze ndumilizo ye yinze.”

Danyeli 8:18

Ninga lono yali yakali kulonga, ane nghagwa hasi nghawa kuzilika. Ninga mwene yakanyibata, yakanyinula, yakasimya nghema ne magulu gangu.

Danyeli 8:27

Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.

Danyeli 9:21

Na lono nali nghali njendeleye mu wulombe wangu, hodu yu yulya Gabuliyeli mono namuwona mu wugubulilwe wangu wulongozi, yakawa kuza yaguluce, yakatima hono nali nimile. Ne madaha gago, gali go madaha go kulavya vilavywa vye makumbiko ge cinyamihe.

Luka 1:64

Ho baho no mulomo wakwe wukadiguka, no lulimi lwakwe lukahogoha, yakalonga yakumulumba Mulungu.

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Yohana 20:28

Tomaso yakapitula yakamutya, “Muwaha wangu no Mulungu wangu!”

Yoshuwa 5:14

Nayo munhu yuyulya yakamupitula yakatya, “Aa! Ng'o. Ane niza, ho niwe citung'ati wo kulilongoza lipuga lye wasilikale wo wulugu lyo Muwaha Mulungu.” Yoshuwa yakafugama, no wusu wakwe wukapamiza ho hasi, yakahemba. Hanyuma yakamutya, “Gwe muwaha, ane nili mwitumami wako, alu wukuhila nitumeci?”

Wugubule 1:13

na haciligati yayo, hakawa hoyuli yunji yenha munhu, nayo yali yavwalile kanzo nhali na musipi wa zahabu mu mhambaga yakwe.

Walamuzi 13:8

Lo lulo lulo Manowa yakamulomba Muwaha Mulungu yakatya, “Gwe go Muwaha Mulungu, nghukulomba, wumulete munhu wo Mulungu mono wumutumile, yaze kanyhi kuli'se, yacilanjize vyono yicinojeye cinoze no mwana yuyu mono kolelwa.”

Walamuzi 6:13

Gideyoni yakamutya “Gwe go muwaha wangu, hone yiwe mbeka Muwaha Mulungu yali hamonga na sese, alu nhawule zose azi zikucijelela nhavivi? Alu ne mezino gakwe gose gali hayi, gono walezi wetu wacilonjela zono Muwaha Mulungu yetuma, na vyono yawawusa ku yisi ye Misili? Alu lanje! Muwaha Mulungu yacileka, kanyhi yacinjiza mu miwoko ye Wamidiyani.”

Walamuzi 6:15

Gideyoni yakapitula yakatya, “Alu Muwaha Mulungu, nosuma wule kuwaponya Waisilayeli? Mhuga yangu yo mhuga yono yisoceye mu mulango wa Manase, kanyhi nane yo nene mudodo mu kaya mwa baba.”