Danyeli 10:14 - Luganuzi Luswanu Kuli Wanhu Wose 2002

¹⁴ Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 10:14 ပူးပေါင်းရင်းမြစ်များ

Mwamulizo 49:1

Hodu, Yakobo yakawa kuwacema wanagwe wose, yakawatya, “Nye wanangu, ale mwikongholelaje hamonga, hambi nha nghusaka nimulonjelenyi zono zomwaganenyi mu vilo vyono vikuza.

Isaya 2:2

Mu vilo vyono vikuza litunda lyono lizenjigwe Nyumba yo Mulungu, lyolosikamya mucanyha ye matunda lyolokwinulwa kuciza vigongo vyose, ne makungugo gose golokuza kuli lyene,

Ezekiyeli 12:27

“Gwe go munhu, i Waisilayeli wakwihwesa nha vyono wugubulilwe wako, hamonga no wuwile wako, vikali vili kutali si vyofisilizwa mbela mbela yaye.

Ezekiyeli 38:16

Nanye mowahoma i wanhu wangu Isilayeli, nhe libeho liwaha lyo mukukunzo lyono likudumula yisi. Na kolo lipango lyakondya kuza, ane nokutegula wukayihome yisi yangu, ho wuwamanyize we makungugo, wamanye vyono nene nani, na kanyhi wuwamanyize zo wele wangu, mu nzila yono nghwitumila muli'gwe.

Danyeli 10:1

(Na mu mwaka we kadatu wa Kulo u mutemi wa Pelisiya, Danyeli mono yacemwa Beliteshaza, yagubulilwa nghani. Ne nghani yiyo yali ya mbeka, ninga yali nghani nghamu muno ku wizuce. Ninga yikaloloswa kuli mwene mu nzila yo wugubulilwe.)

Danyeli 12:4

Yakanonjela kanyhi yakatya, “Danyeli 'gwe, aluno zinghani zizi zeze za cinyele kuli 'gwe, wucigubikaje citabu, wuciwicile ne citanjilo, cilece kugubulwa kanyhi, sunga ku ndumilizo ye yinze. I wanhu wenji wolowa wena lumangho ako na ako, ne mahala gokonjezeka.”

Danyeli 12:9

Nayo malayika yakamhitula yakatya, “Alu Danyeli, wubite, hambi nghani zizi nha zowa za cinyele, kanyhi zowa hundikwe sunga lono mudumo wulaziza.

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 8:16

Hanyuma kanyhi nghahulika lizi likucema ku nhumbi ye likolongo lya Ulayi, likutya, “Agwe Gabuliyeli, wumulolosezaje yuyo nhunizo ya zono yaziwene.”

Danyeli 8:26

Nawo wugubulilwe wono wawona we vilavywa vye makumbiko ge cinyamihe, na ge hakali mitondo, azo za mbeka, nazo zolowa nha vyono wali wakondya kulolosezwa. Ninga agwe wuzikamisaje du mu nhumbula yako, hambi nha zosola vilo vinji muno muno sunga ho zize zificilicile.”

Danyeli 9:22

Ale, Gabuliyeli, yakandoloseza yakatya, “Gwe Danyeli, ane nghuziza, ho nghutaze, wuwizuce wuwizi.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Mika 4:1

Mu vilo vyono vikuza, litunda lyono Nyumba yo Mulungu yizenjigwe, lyolokwinulwa muno hali mayagwe gose, ne cizuli calyo colowa cipulute matunda gose. Ne wanhu we makungugo gose, wololibitila.

Habakuki 2:3

Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye.

Wuwale 24:14

Hanyuma kanyhi Balamu yakawa kumulonjela Balaki yakutya, “Alu ane neza kuwuya kwetu kuli wanhu wangu. Ninga lono nghali sinatuluka, nghukusugula no kukumanyiza, ze Waisilayeli, vyono wolowatendela i wanhu wako mu vilo vyono vikuza.”

Wukumbucize wo Wulajilize 31:21

Ninga kolo i zimbi zikuwaziza hamonga ne magazo mawaha, ale, u lwimbo lulo lolohomelela nha wuhomelezi kuli wene. Ninga hamba nhavivyo nghondizye kuzimanya za mu mahweso gawo sunga na lono nghali hamba nawafisa mu yisi yono nawehuwiziza.”

Wukumbucize wo Wulajilize 31:29

Ninga nane manyile du vyono, kolo nakondya kufwa, wanhu wawa wowa wabi, kanyhi hamba si wozisaka na zono nawejiza. Na mu vilo vyono vyokuza, wolokwitang'anila ne magazo mawaha, hambi nha wolowa wakondya kumukoza likuwo Muwaha Mulungu, so wituma zimbi zono si zinojeye hali mwene.”

Wukumbucize wo Wulajilize 4:30

Nanye kolo mwenjila mu magayo, ne zinghani zizo zose zakondya kumwaganenyi, nhondo, ho molomuwuyila Muwaha Mulungu, kanyhi ho molomuhulika.

2 Timoteyo 3:1

Weze kukumbucila vyono, mu vilo vya ku ndumo, vyolokuza vipango vyo wugaye.

Wahebelaniya 2:3

Alu ase ma! Ho coponela hayi hono ciyileceleze mhonelo mbaha nha yiyi? Yono yamula kulongwa no Muwaha mweneco, na wono wahulika, wakacihomelela vyono yili mbeka.