Danyeli 10:12 - Luganuzi Luswanu Kuli Wanhu Wose 2002

¹² Hanyuma malayika yakajendelela kulonga nane, yakatya, “Gwe Danyeli, wulece kogopa. Hambi Mulungu nha yakondya kuwuhulika wulombe wako, ku wulawilila lono wamulombela ha lulongozi, wukenenenyheza, ho wutuje wizuce. Holeka nane niza ho nghuletele lipitulo lyo wulombe wako.

Danyeli 10:12 ပူးပေါင်းရင်းမြစ်များ

Zabuli 69:10

Na lono nenenenyhezeza mu wuleka kulya, wanhu wakahosa muno.

Isaya 35:4

Muwalonjele wono wena nhumbula nyoga, mutye, “Ale, mweze ne vilungo, mulece kuwa na woga! Mulungu kokuza no kumuponyenyi kokuza yawalipicize walugu wenyu.”

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 58:9

Na lono mukulomba, nane nomupitulenyi wulombe wenyu. Na hono munyheme, nane nokwidika. “Na hono mbeka mulecele lukulu kuwewonela wanji, hamonga no wukonyeza wanhu na cidole ko kuwabedegala, no kulecela lukulu makani gose mabi,

Isaya 65:24

Nane nowa kuwapitula u wulombe wawo kuli'ne na lono wene wakali si nadumya wulombe wawo.

Danyeli 10:11

Nayo malayika yakanonjela yakatya, “Gwe Danyeli, u Mulungu yakwendile muno. Holeka alu winukaje wime, wuhulicize viswanu kuli zono nghusaka nghulonjele, zono zindetile kuli'gwe.” Nayo malayika yali yeza kukondya kuzilonga zizo, hodu, nghawa kwinuka, ninga akuno vyo nali nghali nghucicima du.

Danyeli 10:19

Yakawa kunyitya, “U Mulungu yakwendile 'gwe Danyeli, holeka wulece kogofywa na cinji co cose, hamba kuwa na mahwele.” Nayo yali yeza kukondya kuzilonga zizi, nane nghewona nhondo vilungo vyangu vyose vyakondya kumbuyila kanyhi, nane nghamutya, “Gwe muwaha wangu, wulonje zono wina, hambi nha wakondya kumhela vilungo.”

Walawi 16:29

Awu nawo wowa wulajilize, wono munojeye muwukamise sunga mu vilo vyose vyono vyokuza. Mwi'zuwa lye likumi lya mu mwezi wo mupunghati, yinojeye wanhu wose Waisilayeli, hamonga ne wajenzi wono wekalane nawo, wose walece kulya mwi'zuwa lilyo, hamba kwituma mulimo wunji.

Walawi 16:31

Ne lizuwa lilyo, yo sabato yo wucehe no kunoza wuhembi munojeye mulinoze liwe lyelile muno muno, lyo lizuwa lyono woleka kulya, kanyhi walece kwituma hamba mulimo wunji wowose. No wulajilize wuwu wunojeye wukamiswe sunga mu vilo vyose vyono vikuza.

Wuwale 29:7

Kanyhi, mweze kwihanguliza hamonga, mwizuwa lye likumi lyo mwezi wo mupunghati, so wuhembi. Na mwizuwa lilyo, mulece kulya cinji hamba kwituma mulimo wunji.

Matayo 28:10

Nayo Yesu yakawalonjela yakawatya, “Ale, mulece kogopa! Ninga aluno mubite mukawalonjele wandugu zangu, vyono wabite ku Galilaya, nawo ko wombonela kuko.”

Matayo 28:5

Ninga Malayika yuyulya yakawatya i wacekulu wawalya, “Anye, mulece kogopa! Ane manyile vyono anye mukumulondola Yesu, mono yatumbikwa mu musalaba.

Maluko 16:6

Ninga u muzelelo yuyo yakawatya, “Mulece kwizina. Mukumulondola Yesu wa Nazaleti mono yatumbikwa mu musalaba. Kazuka, ahano yali hasina. Lanjenyi ta, hono wali wamuwicile.

Luka 1:13

Ninga malayika yakamutya, “Zekaliya, wulece kogopa, hambi wulombe wako nha wuhulikwa, no mugolece wako Elizabeti kokulelela mwana wa cilume, nagwe komucemela litagwa lyakwe Yohana.

Luka 1:30

Malayika yakamutya, “Wulece kogopa Malyamu; hambi Mulungu nha kakupela lihewa.

Luka 2:10

Malayika yakawatya, “Mulece kogopa, ane nghumuletelenyi Luganuzi Luswanu lwe nyemo mbaha kuli wanhu wose,

Luka 24:38

Ninga mwene yakawatya, “So cici mwina woga, na so cici mwina mahwele mu zinhumbula zenyu?

Metumo ge Watumwa 27:24

kawa kunyitya, ‘Pawulo, Wulece kogopa, nha si koleka kwima hali Kayisali, na langa ta, u Mulungu so wuswanu wakwe, kakuwonela lusungu ko kuwaponya wose wono mukujendana nawo ho walece kwajilila.’

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.