Danyeli 10:1 - Luganuzi Luswanu Kuli Wanhu Wose 2002

¹ (Na mu mwaka we kadatu wa Kulo u mutemi wa Pelisiya, Danyeli mono yacemwa Beliteshaza, yagubulilwa nghani. Ne nghani yiyo yali ya mbeka, ninga yali nghani nghamu muno ku wizuce. Ninga yikaloloswa kuli mwene mu nzila yo wugubulilwe.)

Danyeli 10:1 ပူးပေါင်းရင်းမြစ်များ

Mwamulizo 41:32

No wuwuyajile we ndoto yako, 'gwe Falawo, yikukulajila vyono Mulungu yalamula, nayo kozituma zizo mu vilo vivi du.

2 Zinghomo 36:22

Na mu mwaka mulongozi, lono Koleshi mutemi wa Pelisiya yatemela, hobaho yakayifisiliza nghani yono Muwaha Mulungu yayilonjela muli muwizi Yelemiya. Hambi Muwaha Mulungu nha yayisinhusa nhumbula yo mutemi Koleshi, yakalajiliza no kuwandika wulajilize wuwo, ho wusomwe kwe lizi yiwaha muno mu wutemi wakwe wose, yakutya,

Ezila 3:7

I wanhu wakalavya zipesa ho walipwe misahala i wazenji ne wasesa zimbawo. Wakalavya ne zindigwa ne ving'wegwa ne mafuta, ho vitegulwe mu makaya ga Tulo na Sidoni, wakavikawe ne zimbawo ze mihagata ku yisi ya Lebanoni, nazo zimbawo zizo zikaletwa mu nzila ye lilenga sunga ha Yopa. Na zizi zose ziketumwa so wulajilize wo mutemi Koleshi wa ku Pelisiya.

Ezila 4:3

Nayo Zelubabeli, hamonga na Yoshuwa ne walongola wose wa mu zindelo ze wana wa Isilayeli wakawapitula wakawatya, “Kaa! Ase cisina wuhile na nyenye mucitaze kuyizenga Nyumba yo Mulungu, u Mulungu wetu. Ase cozenga sese co weneco du cili wene, nha vyono calajilizwa na Koleshi u mutemi wa ku Pelisiya.”

Ezila 4:5

Nawo wajendelela kwituma nhavivyo mu vilo vyo wutemi wa Koleshi u mutemi wa Pelisiya, sunga na mu vilo vyo wutemi wa Daliyo u mutemi wa Pelisiya.

Ezila 6:14

I walongola we Ciyahudi, wakajendelela viswanu no luzengo lwe Nyumba yo Mulungu, ko wutazi we wawizi Hagayi na Zekaliya. Wakamalila kuluzenga luzengo lulo lwe Nyumba yo Mulungu nha vyono walajilizwa no Muwaha Mulungu we Waisilayeli hamonga na Koleshi, na Daliyo na Alitashasita i watemi wa ku Pelisiya.

Ezila 6:3

“Mu mwaka mulongozi wa mu wuteme wakwe mutemi Koleshi, yalajiliza vyono Nyumba yo Mulungu yizengwe ku Yelusalemi. Ho hanhu hono gonozezwa makumbiko gose, hamonga ne vilavywa vinyanywe. Ne Nyumba yiyi yo mulungu yiweze no wutali wo kubita kucanyha, wa mita makumi mejete na mupunghati, no wugazi wa mita makumi mejete na mupunghati.

Isaya 44:28

Nghumulonjela Kulo, nghutya, ‘Agwe yo gwegwe mono kowufisiliza wuhile wangu, nagwe konoza zono nghukulajiliza kololajiliza Yelusalemi yizengwe kanyhi hamonga no musinji we Nyumba yo Mulungu.’ ”

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 1:21

Danyeli yakajendelela kuwa kuko, sunga lono Kulo u mutemi wa Pelisiya yayihomela Babiloni no kuyisuma.

Danyeli 1:7

Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.

Danyeli 10:14

Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 11:2

Holeka aluno zono nokulonjela, zo ze mbeka. Nayo malayika yakatya, “Ho wali watemi wanji kanyhi wadatu, wono wotema mu Pelisiya. No mutemi we kane, mono kowatyatya, yuyo kowa mugoli muno si nhe wanji wose. Nayo kolo yakutuga vilungo so wugoli wakwe, kokwisumaniza no wutemi wo Wugiliki.

Danyeli 12:4

Yakanonjela kanyhi yakatya, “Danyeli 'gwe, aluno zinghani zizi zeze za cinyele kuli 'gwe, wucigubikaje citabu, wuciwicile ne citanjilo, cilece kugubulwa kanyhi, sunga ku ndumilizo ye yinze. I wanhu wenji wolowa wena lumangho ako na ako, ne mahala gokonjezeka.”

Danyeli 12:9

Nayo malayika yakamhitula yakatya, “Alu Danyeli, wubite, hambi nghani zizi nha zowa za cinyele, kanyhi zowa hundikwe sunga lono mudumo wulaziza.

Danyeli 2:21

Umwene kakawanizaga vidaha ne mapango. Kawawikaga no kuwawusa watemi. Yo mwene mono kawapelaga wanhu wumanye no wizuce.

Danyeli 4:8

Lulo lulo Danyeli yakawa kuza, (mono yakucemwa Beliteshaza, litagwa lyo mulungu wangu.) Kanyhi muli mwene wikaye muhe we milungu yono yelile. Nane hobaho nghamuloloseza ze ndoto yangu yono nghalota. Nghamutya,

Danyeli 5:12

Mbeka yena wizuce no wumanye mu wulolosa zinhunizo ze zindoto, no kuzilolosa zinghani ze mafumbo, hamonga ne zinghani zose zono hundikwe. Holeka wutume yunji yakamulete Danyeli mono mutemi yamupela litagwa lya Beliteshaza, nayo kosuma kukulonjela nhunizo ya zizo zose.”

Danyeli 5:17

Danyeli yakapitula yakatya, “Gwe mutemi, vipegwa vyako wikalaje navyo du, hamba lunji wumupelaje munhu wo wose. Ninga ane, nokusomela bwete du mandiko gaga, no kukuloloseza ze nhunizo yayo, gwe go mutemi.

Danyeli 6:28

Nayo Danyeli yakamoteswa muno, mu vilo vyo mutemi Daliyo na Kulo u Mupelisiya.

Danyeli 8:16

Hanyuma kanyhi nghahulika lizi likucema ku nhumbi ye likolongo lya Ulayi, likutya, “Agwe Gabuliyeli, wumulolosezaje yuyo nhunizo ya zono yaziwene.”

Danyeli 8:26

Nawo wugubulilwe wono wawona we vilavywa vye makumbiko ge cinyamihe, na ge hakali mitondo, azo za mbeka, nazo zolowa nha vyono wali wakondya kulolosezwa. Ninga agwe wuzikamisaje du mu nhumbula yako, hambi nha zosola vilo vinji muno muno sunga ho zize zificilicile.”

Luka 1:20

Alu hulicize, vyono si wihuwiye zinghani zangu, alu kowa cibwibwi, nagwe si kosuma kulonga, sunga zizi zono nghulonjeye kolo zakondya kufisilizwa.”

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”