Danyeli 1:7 - Luganuzi Luswanu Kuli Wanhu Wose 2002

⁷ Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.

Danyeli 1:7 ပူးပေါင်းရင်းမြစ်များ

Mwamulizo 41:45

Falawo yakamucemela Yusufu, litagwa lye Cimisili, lya Zefanati-paneya. Yakawa kumutoza mugolece mono yakucemwa Asenati, mwana we cicekulu wa Potifela u mukohani we likaya lya Oni. Hobaho baho nayo Yusufu, yakawa kwanza kuyijendela yisi yose ya Misili.

2 Watemi 23:34

Mutemi Falawo Neko, yakamutemya Eliyakimu u mwana wa Yosiya, yawe mutemi wa Yuda, yahale hanhu ha Yosiya. Nayo Eliyakimu yakepitula litagwa lyakwe yakecema mwene Yehoyakimu. Nayo Yowahazi yakategulwa ku Misili no mutemi Neko, yakafwila kuko.

2 Watemi 24:17

Nebukadineza, yakamutemya Mataniya, u mwihwawe wa Yehoyakimu, yawe mutemi wa Yuda. Nayo Mataniya yepitula litagwa lyakwe, yakecemela litagwa lya Zedekiya.

Danyeli 1:19

Mutemi yakaduwana na wose yumonga yumonga. Ninga Danyeli, Hananiya, Mishayeli na Azaliya, wakamwendeza muno mutemi si nhe wayawo wose. Na ku soko yiyo, wakawikwa wawe wetumami wo mutemi.

Danyeli 1:3

Mutemi yakamulonjela Ashipenazi, u muwaha we wapaswe wakwe, yawahagule wanji wa muli wana wa Isilayeli i wahamywa, wa mu lulelo lwe citemi-temi, na wa mu zindelo zinhambule.

Danyeli 10:1

(Na mu mwaka we kadatu wa Kulo u mutemi wa Pelisiya, Danyeli mono yacemwa Beliteshaza, yagubulilwa nghani. Ne nghani yiyo yali ya mbeka, ninga yali nghani nghamu muno ku wizuce. Ninga yikaloloswa kuli mwene mu nzila yo wugubulilwe.)

Danyeli 2:26

Mutemi yakamutya Danyeli (Mono yacemwaga Beliteshaza). “Wudahile kunonjela ndoto yangu hamonga ne nhunizo yayo?”

Danyeli 2:49

Na Danyeli yakamulomba mutemi, yakawawika Shedilaki, Meshaki na Abedinego, nawo wawe wawaha wa mu zinghani zose za mu matumbi ga mu Babiloni. Ninga mwene Danyeli, yakajendelela kwikala mwi'kulu.

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Danyeli 4:8

Lulo lulo Danyeli yakawa kuza, (mono yakucemwa Beliteshaza, litagwa lyo mulungu wangu.) Kanyhi muli mwene wikaye muhe we milungu yono yelile. Nane hobaho nghamuloloseza ze ndoto yangu yono nghalota. Nghamutya,

Danyeli 5:12

Mbeka yena wizuce no wumanye mu wulolosa zinhunizo ze zindoto, no kuzilolosa zinghani ze mafumbo, hamonga ne zinghani zose zono hundikwe. Holeka wutume yunji yakamulete Danyeli mono mutemi yamupela litagwa lya Beliteshaza, nayo kosuma kukulonjela nhunizo ya zizo zose.”