Danyeli 1:20 - Luganuzi Luswanu Kuli Wanhu Wose 2002

²⁰ Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 1:20 ပူးပေါင်းရင်းမြစ်များ

Mwamulizo 31:7

Ninga mulanje, vyono hamba nhavivyo, mwene yakanghonga, yakakawaniza musahala wangu nghanghulo yikumi, ninga hamba nhavivyo, Mulungu siyamukombola yanhamise.

Mwamulizo 41:8

Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

Nehemiya 4:12

Ninga hanji na hanji, i Wayahudi wono wekalanaga ne walugu wetu, wazaga kucisugula zo wiwikanize, wono walugu wetu wanozaga so kwihoma nase.

Jobu 19:3

Nha mwasola katali nhondo mukunhovulanga du, sunga zafika nghanghulo yikumi. Hamba si mukuwona cevu yaye mu nzila yenyu yono mukuhoseza'ne.

Zabuli 119:99

Nane nina wizuce muno, kuciza ne wejizi wangu wose, vyono 'ne nghwihwesa muno ze mejizo gako du.

Wutuluce 7:22

I waganga wa mu Misili nawo, wakanoza nha vivyo no wuganga wawo. Na ku soko yiyo, nhondo mutemi Falawo ho yakacila muno muno kuwa mukamu ku wuhulice. Yikawa nhavivilya du vyono Muwaha Mulungu yali yalonga. U mutemi yakalemela lukulu kuwahulika Musa na Haluni.

Wutuluce 8:19

Nawo waganga nhondo wakamutya Falawo, “Gwe mutemi Falawo, azi zinozwa no Mulungu du!” Ninga Falawo yakacila kuwa yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Wutuluce 8:7

Ninga nawo waganga wakanoza nhavivyo no wuganga wawo, nawo wakagalavya madelu menji, nago gakamema mu yisi yose.

Isaya 19:3

Nowudumuciza wuhile we mahweso ge Wamisili, nolihodanga ne lihala lyawo. Nawo wolondola wutazi kuli vihwani vyawo, wokwitoweleza visangu mu waganga, wowuza mahweso kuli myuhe ye wafu.

Ezekiyeli 28:3

Kanyhi agwe, wukwihwesa nha vyono wina mahala menji si nha Danyeli, na vyono hasina nghani yo yose ye cinyele, yono yowa hundikwe hali'gwe.

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 2:13

Lolulo lulo wulajilize wukanzwa nha vyono we mahala wose wawulagwe hamonga na Danyeli ne wayagwe.

Danyeli 2:21

Umwene kakawanizaga vidaha ne mapango. Kawawikaga no kuwawusa watemi. Yo mwene mono kawapelaga wanhu wumanye no wizuce.

Danyeli 5:17

Danyeli yakapitula yakatya, “Gwe mutemi, vipegwa vyako wikalaje navyo du, hamba lunji wumupelaje munhu wo wose. Ninga ane, nokusomela bwete du mandiko gaga, no kukuloloseza ze nhunizo yayo, gwe go mutemi.

Wuwale 14:22

hasina munhu hamba monga wa muli wawa, mono kokwikala mumi sunga yaze yenjile mu yisi yiyo. Hambi nha waluwona lukumyo lwangu lono lukundajila vyono nili baho, kanyhi wakagawona ne mapoto gono naganoza mu yisi ya Misili, sunga na mono nyika, kanyhi wakanjela no wukangalizi wangu kali kenji, ninga hamba nhavivyo, si wahulika 'ne yaye.