Danyeli 1:19 - Luganuzi Luswanu Kuli Wanhu Wose 2002

¹⁹ Mutemi yakaduwana na wose yumonga yumonga. Ninga Danyeli, Hananiya, Mishayeli na Azaliya, wakamwendeza muno mutemi si nhe wayawo wose. Na ku soko yiyo, wakawikwa wawe wetumami wo mutemi.

Danyeli 1:19 ပူးပေါင်းရင်းမြစ်များ

Mwamulizo 41:46

Yusufu yali yaficila myaka makumi madatu lono yamulila kumwitumamila Falawo, mutemi wa Misili. Nayo yatulucila mwi'kulu lya Falawo, yakawa kubita kuyijendela yisi yose ya Misili.

1 Watemi 17:1

Kwali no muwizi litagwa lyakwe Eliya, mulawa ku Tishibi mu yisi ya Gileyadi. Muwizi Eliya yakamulonjela mutemi Ahabu yakamutya, “Ane nghukulonjela mwi'tagwa lyo Muwaha Mulungu, u Mulungu mumi, u Mulungu wa Isilayeli, mono ane nghumwitumamila, nha vyono, kowa kusina buhe, hamba mvula yono yotonya, sunga yipulute myaka myejete, hamba midatu, sunga nene kanyhi kono nolotela.”

Zimbazi 22:29

Wundajilaje ta, u munhu mono ketumaga milimo viswanu, nane nokulajila munhu mono ketumaga viswanu kuciza. Nayo yena ne lilumbo lyo kusuma kwimana ne watemi.

Yelemiya 15:19

Nayo Muwaha Mulungu yakamhitula yakatya, “Hono wuwuye, nane nokugomola, nagwe kowa wuli mwitumami wangu kanyhi. Na hono wuzilece zinghani ze cibwete-bwete, wuwe kuganula zinghani zangu, baho langa ho kowa wuli muwizi wangu kanyhi. Ne wanhu wokuziza gwegwe, ninga agwe kowa wusina soko yo kuwabitila wene.

Danyeli 1:18

Ne myaka yiyilya midatu, yono yawagwa no mutemi yali yeza kupuluta, Ashipenazi yakawasola wazelelo wawa wose yakawategula kuli Nebukadineza.

Danyeli 1:4

Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni.

Danyeli 1:5

Kanyhi mutemi yakalajiliza vyono, i wazalelo wawa, weze kupegwa nhondo zose zindigwa, hamonga ne divayi, nha vyono walizaga wa mu mhuga yo wutemi. Na kolo wakondya kwijizwa myaka midatu, wategulwe ha mwande yo mutemi.

Danyeli 1:6

Na muli wawo wono wahagulwa, yali Danyeli, Hananiya, Mishayeli na Azaliya. Na wose wawa, wali wo mulango wa Yuda.

Danyeli 1:7

Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.

Danyeli 2:13

Lolulo lulo wulajilize wukanzwa nha vyono we mahala wose wawulagwe hamonga na Danyeli ne wayagwe.

Danyeli 3:29

Alu nane nghulajiliza vyono, munhu wo wose wa mu nghungugo yo yose, hamba wa mu lulelo lo lose, hamba wa mu milonjele yo yose, mono kolonga nghani yo yose yimbi kuli Mulungu wa Shedilaki na Meshaki na Abedinego, munhu yuyo kodumulwa vipiligwa piligwa, ne kaya yakwe yonozwa yiwe 'tongo. Ku soko nha kusina Mulungu yunji mono kosuma kuponya nhavivi.”