Danyeli 1:17 - Luganuzi Luswanu Kuli Wanhu Wose 2002

¹⁷ Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 1:17 ပူးပေါင်းရင်းမြစ်များ

1 Watemi 3:12

Ale nane nokutendela nha vyono wulombile. Nokupela mahala menji, hamonga no wizuce wuwaha wono munhu wo wose yakali si nawa nawo, hamba mono kolowa nawo.

1 Watemi 3:28

Nawo i wanhu wa Isilayeli wali weza kuhulika zo wuling'anizi wo mutemi Solomona, wose wakawa na cogopo ciwaha muno kuli mwene. Hambi wose nha wakamanya vyono, Mulungu yo yamupelile mahala go kuling'aniziza zinghani viswanu.

2 Zinghomo 1:10

Holeka ane, nghukulomba wumhele mahala no wizuce, wono wonghwila kunhaza, ho sume kuwatema wanhu wawa. Hono si nhavivyo, ane ho nosuma wule kuwatema wanhu wako wawa i wenji muno?”

2 Zinghomo 1:12

Holeka nane lu, nghukupela mahala no wizuce. Ninga hamonga na zizo, ane nokupela sunga ne sawo, no wugoli, ne nhojo, kuciza vyono wali wena navyo i watemi wose wono wakulongolela, lono agwe wali wukali natema. Hamba wono wotema hanyuma yako, howa hasina hamba monga, mono kolowa yena vinhu vinha vivyo.”

2 Zinghomo 26:5

Na mu mapango gose, lono Zekaliya yali yakali mumi, mono yamutazaga muli ze nghani yo Mulungu, Uziya yakamwitumamila Muwaha Mulungu ko wihuwilwa, na ku soko yiyo, nayo Mulungu yakamulugutiza.

Jobu 32:8

Ninga mumanye, vyono, wo muhe wo Mulungu du mono yali vilungo, yo kawazizaga wanhu no kuwapela mahala.

Zimbazi 2:6

Hambi nha yo Muwaha Mulungu du, mono kawapelaga wanhu mahala, na muli mwene, mo vilawaga wumanye wose no wizuce.

Muganuzi 2:26

Hambi Mulungu nha kamupelaga mahala munhu mono yamwendile mweneco, hamonga no wizuce ne nyemo. Ninga u munhu mubi, Mulungu kamupelaga mulimo wo kududula no kulundilila du, hanyuma Mulungu kawa kumupela munhu yunji mono yakumwendeza. Ninga 'gwe, zizo zose nazo, nha nghani ya bwete du, kanyhi wo wigaze we bwete du, wono wusina cambuzi co cose.

Isaya 28:26

Kanyhi mwene yakuwa yamanyile nha vyono yimunojeye yetume mulimo wakwe, hambi Mulungu nha yakondya kumwijiza.

Ezekiyeli 28:3

Kanyhi agwe, wukwihwesa nha vyono wina mahala menji si nha Danyeli, na vyono hasina nghani yo yose ye cinyele, yono yowa hundikwe hali'gwe.

Danyeli 1:18

Ne myaka yiyilya midatu, yono yawagwa no mutemi yali yeza kupuluta, Ashipenazi yakawasola wazelelo wawa wose yakawategula kuli Nebukadineza.

Danyeli 1:20

Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 1:4

Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni.

Danyeli 10:1

(Na mu mwaka we kadatu wa Kulo u mutemi wa Pelisiya, Danyeli mono yacemwa Beliteshaza, yagubulilwa nghani. Ne nghani yiyo yali ya mbeka, ninga yali nghani nghamu muno ku wizuce. Ninga yikaloloswa kuli mwene mu nzila yo wugubulilwe.)

Danyeli 2:19

Mu cilo cicilya, nghani yiyilya hundikwe, yikejela kuli Danyeli mu wugubulilwe. Lulo yakamukumya Mulungu wa ku wulanga yakatya,

Danyeli 2:21

Umwene kakawanizaga vidaha ne mapango. Kawawikaga no kuwawusa watemi. Yo mwene mono kawapelaga wanhu wumanye no wizuce.

Danyeli 2:23

Nghukulumba no kukukumya, gwe go Mulungu we walezi wangu. Wamhela wumanye ne vilungo, wahulika no wulombe wangu. Wacilajila na zono comuloloseza Mutemi.”

Danyeli 2:30

Alu, nghani yiyo hundikwe, yakondya kugubulwa kuli'ne. Ninga si vyono ane yo nina mahala menji kuciza wose ng'o. Langa du agwe go mutemi ho wusume kumanya ze nhunizo ye ndoto yiyi, nagwe ho wugamanye mahweso ga mu nhumbula yako.

Danyeli 4:6

Nghawa kuwalajiliza we mahala wose wa mu Babiloni, waze ho wandoloseze ze nhunizo ye ndoto yiyo.

Danyeli 5:14

Nahulika vyono muhe we milungu yono yelile yili muli'gwe. Na vyono agwe wina wumanye no wizuce ne mahala.

Danyeli 7:1

Ale, mu mwaka mulongozi wono Belishaza yali yatemile ku Babiloni. Nalota ndoto, na mu ndoto yiyo, nghawona wugubulilwe mu cilo cico. Nane nghawa kuyandika ndoto yiyo,

Danyeli 8:1

Na mu mwaka we kadatu wo wutemi wa Belishaza, nghawona wugubulilwe wunji kanyhi.

Wuwale 12:6

Muwaha Mulungu yakawatya, “Alu, muhulice ta zono nghumulonjelenyi! Hono ho wali wawizi muli'nye, ane yo nene mono nghwilajila kuli wene mu nzila yo wugubulilwe, kanyhi nghulonganila nawo mu zindoto.

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

Metumo ge Watumwa 6:10

Hamba si wamusuma ng'o, ku soko ye mahala gakwe, na ku soko ya yuyo Muhe mono yamutongaga mwipango lono yalongaga.

Metumo ge Watumwa 7:10

Yamuponya mu magayo gakwe gose. U Mulungu yakamupela lihewa ne mahala hali Falawo u mutemi wa Misili, sunga Falawo yakamuwika yawe muwaha mu yisi yiyilya, sunga na mu nyumba yakwe yo wutemi.

Metumo ge Watumwa 7:22

Musa yakafundwa zinghani zose ze mahala ge Wamisili, yakawa yali vilungo mu zinghani na mu milimo yakwe.

Wakolosayi 1:9

Ku soko yiyo nase kanyhi, vyono calawa lizuwa lyono cahulicila i zenyu, si cidilaga kumulombelenyi. Cikumulomba u Mulungu yamumemyenyi u wumanye wose wo wuhile wakwe, yamumemyenyi mahala gose no wutanje wono wukuletwa no Muhe wakwe.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo yo munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose ko winji, na kwe nhumbula swanu.