Danyeli 1:15 - Luganuzi Luswanu Kuli Wanhu Wose 2002

¹⁵ Ne vilo yikumi vyali vyeza kupuluta, wakejela wajinile, kanyhi watuga ne vilungo, kuciza i wazelelo walya wono walizaga zindigwa za mu nyumba yo wutemi.

Danyeli 1:15 ပူးပေါင်းရင်းမြစ်များ

Zabuli 37:16

Isawo ndodo yo munhu we ling'ani yili ciba, si nhe sawo nyinji yono wena nayo i wanhu wabi.

Wutuluce 23:25

Nanye hono muhembe nene, no kunyitumamila nene no Muwaha Mulungu, u Mulungu wenyu, nane nomulugutizenyi mu ndigwa zenyu ne malenga genyu, nogawusa ne matamwa muli'nye.

Zimbazi 10:22

U wumoti wo Muwaha Mulungu, wo wugolifyaga. Ninga wituma milimo kwe vilungo, si wokugolifya yaye.

Danyeli 1:14

Yuyo yakalumba wajele kulya nhavivyo mwi'daha lya vilo yikumi.

Hagayi 1:6

Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce.

Hagayi 1:9

“Mwali mwitumbiye vyono motuga nhwanga mbaha, ninga yipituka yiwa ndodo. Nanye mwali mweza kugomola nhwanga yenyu mu zikaya, nane nghayipemhelusa. Na ku sokoci nghazinoza zizo? Vyono Nyumba yangu yikaye mu wuhodanjice, akuno anye mukujendelela kwipiganza mu zikaya zenyu, munhu na kaya yakwe.

Malaki 2:2

Ninga hono mulece kuzihuliciza zono nghulonga, nane nomuletelenyi wulijitwe. Novilijita sunga na vyose vyono mukuvibocela so vitumamilwa vyenyu. Heya, nakondya kuvilijita, ku soko vyono si mukwibata lilajilizo lyangu musimbiliye.

Matayo 4:4

Nayo Yesu yakapitula yakutya, “Mu Mandiko Gono Gelile yandicigwe nhavi, ‘U munhu si kokwikala mumi so mukate du, langa so nghani yo yose yono yikulongwa no Mulungu.’ ”