Amosi 9:4 - Luganuzi Luswanu Kuli Wanhu Wose 2002

⁴ Na hono wasolwe wawopwe ne walugu wawo, nowalonjela wawo walugu wawo wawawulaje. Nane hamba si nowataza yaye, anga ndumuye nghani niwongomeze du.”

Amosi 9:4 ပူးပေါင်းရင်းမြစ်များ

Mwamulizo 44:21

Gwe go mulumbwe, wacilajiliza ase co wetumami wako, vyono hono cikuza kanyhi cimulete na yuyo mwanakwetu ho wuze wumuwone nayo.

2 Zinghomo 16:9

Ninga wumanye nha vyono, Muwaha Mulungu kayilangaga yinze yose, ho yawapele vilungo wose wono wamogopile mwene. Ninga agwe kunoza wulele. Holeka ku soko yiyo agwe ku wulawa lulu, kokwikalila milewo du.”

Zabuli 34:17

I wanhu we ling'ani, kolo wakumulilila Muwaha Mulungu, nayo kawahulicizaga, no kuwaponya mu magayo gawo gose.

Wutuluce 14:24

Wusiku wali weza kuwa wuli behi no kwelelecela, Muwaha Mulungu yakalilanga lipuga lye Wamisili ku wulawilila mwi'vunde lyo moto lyono lipalinjile kotya nhe lisumbili, yakawatajila Wamisili woga wuwaha muno muno.

Yelemiya 12:12

Ne wanhu wakulawa mu yisi yose yono yili mu matunda, mu nyika, wakuza kuyiteka yisi yangu. Holeka nane luno, nayiletela wulugu wuyongomeze yisi yose. Na howa hasina hamba monga mono kokwikala yapolile.

Yelemiya 21:10

Hambi 'ne nha nakondya kudumula nghani, nha vyono si nolileka yaye likaya lili, langa nolyongomeza du. Nolikombola lisolwe no mutemi wa Babiloni, yalipembele moto likongojele. Vyo nghutya ane no Muwaha Mulungu.”

Yelemiya 24:6

Nowadima sunga nize niwagomole, wawuye mono yisi yiyi, kanyhi nowakamisiza mu ziswanu zose, hamba si nowaleka yaye. Nowazenga, hamba si nowamwagula yaye. Kanyhi nowahadika, hamba si nowakula yaye.

Yelemiya 39:12

“Alu, wubite wukamusole Yelemiya, wumukamise viswanu, wulece hamba kumunozeza nghani 'mbi yo yose, langa wumunozezaje du nha vyono mweneco kowa kusaka wumunozeze.”

Yelemiya 39:16

vyono mbite nghamulonjele Ebedimeleki u Muetiyopiya, nha vyono yalonjile u Muwaha Mulungu, we mihanga, u Mulungu wa Isilayeli. Nghawa kumubitila Ebedimeleki nghawa kumulonjela nghatya vyono, u Muwaha Mulungu katya nhavi, “Lanje! Ane nolilipiciza likaya lili nha vyono nalonga, hamba si nolimotya yaye. Na kolo zizi zikwijela, nagwe go mweneco koloziwona kwe meso gako.

Yelemiya 44:11

“Holeka aluno nane, ane no Muwaha Mulungu, we mihanga, Mulungu wa Isilayeli, nomulecenyi, niyongomeze yisi yose ya Yuda.

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Ezekiyeli 5:2

Wusole lifungu limonga, wuziticimize mu moto, wuziticimizize mwi'kaya mugati, lono milewo yamalika. Hanyuma kanyhi wulisole lifungu linji, nazo wuzidumulanje no mumaje wako, akuno wukujenda, lono wukuwuka mwi'kaya. Ne lifungu lyono lisigaye, nazo wuzigumile mucanyha ziyagale mu mbeho, nane nozityatilila no mumaje wangu.

Walawi 17:10

Na hono Mwiisilayeli wo wose, hamba mujenzi mono wekalane, hono yalye nyama hamonga ne sakami yayo, hodu Muwaha Mulungu komuleka, si kowalilizwa kanyhi hamonga ne wanhu wo Mulungu.

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Amosi 9:8

Nane yo nene Muwaha Mulungu, mono nghuwulanga wutemi wa Isilayeli, wono wina wubi, nane nowongomezeza lukulu mono yinze. Ninga hamba nhavivyo si nolongomeza lulelo lose lwa Yakobo.

Zakaliya 8:10

Na mbeka hono zizi zali zikali nejela, hasina yunji mono yasuma kumuhumbiliza muyagwe hamba mutugo, kanyhi hali hasina mono yali yena mulamu kuli walugu wakwe. Vyono ane nghawaleka ho wagombane munhu na muyagwe.