Amosi 7:9 - Luganuzi Luswanu Kuli Wanhu Wose 2002

⁹ Ne hanhu hono lulelo lwa Isaka wahembelaga, naho holo kongomezwa. Ne hanhu hose hono helile ha Isilayeli, holekwa matongo du. Nane noloyidumya ne mhuga yo mutemi Yelobowamu.”

Amosi 7:9 ပူးပေါင်းရင်းမြစ်များ

Mwamulizo 46:1

Nayo Isilayeli, yakawa kutuluka na vyose vyono yali yena navyo. Nayo yali yeza kufika ha Beli-sheba, yakamulavizya Mulungu wo sogwe Isaka makumbiko.

2 Watemi 14:24

Ninga nayo Yelobowamu we kejete, yaketuma wubi hali Muwaha Mulungu, yakatyatya zimbi zose zono yetuma Yelobowamu mwana wa Nebati mono yali mutemi wa Isilayeli, mono yawanoza Waisilayeli wetume wubi.

Isaya 63:18

Ase co wanhu wako wasiwanulwe, cali cakondya kusolwa ne walugu wetu kwa cidaha cidodo du, nawo wakawukanyajizanga wuhembelo wako.

Yelemiya 51:51

Ninga 'nye mukutya ti, ‘Oo! Ase nha cikozwa cevu, kanyhi cikuwona soni, kanyhi cikwiwona nha cisina wutazi wo wose, hambi i wajenzi nha wenjila hono helile mu Nyumba yo Mulungu.’

Ezekiyeli 6:3

Wugalonjelaje matunda ga Isilayeli vyono ganojeye gazihulice zinghani zo Muwaha Mulungu. Gahulice zono ane no Muwaha Mulungu, nghugalonjela matunda, ne vigongo, hamonga ne makolongo, ne malolo. Vyono ane nohongomeza no mumaje hanhu baha hose hono wanhu wakuvihembela vihwani.

Hoseya 10:8

Na mucanyha ye cigongo ca Aveni, hono Waisilayeli wakuhemba vihwani, naho holokongomezwa. Mamivya ne mabalwe, vyolowiluka mu makumbicilo gawo. Ne wanhu wologalonjela matunda wawe kutya, “Mucihundikaje!” Ne vigongo wakutya, “Mucigubikaje!”

Amosi 3:14

Mwi'zuwa lyono nolowalipiciziza wanhu wa Isilayeli so wubi wawo, nolovihodanga vikumbicilo vya Beteli. Ne zinhuzi zose ze cikumbicilo vyose zolobenangwa no kuga hasi.

Amosi 5:5

Mulece kubita kanyhi kuhemba ku Belisheba. Hamba mulece kujela kunondola ku Beteli. Hambi Beteli nha yolokwambuka bwete. Hamba mulece kubita ku Giligali, hambi wanhu wayo nha wolosolwa wategulwe ku wuwanda.”

Amosi 7:11

Hambi mwene nha yakulonga yakutya, ‘Yelobowamu kolofwila ku wulugu, ne wanhu wa Isilayeli wolosolwa ku wulawa ku yisi yawo, wategulwe kutali nha wawopwe.’ ”

Amosi 7:13

Ninga wulece kuwila kanyhi ahano hono Beteli. Hambi aha, nha ho hanhu hono mutemi kahembelaga ho ha wuhembelo we likungugo.”

Amosi 8:14

Na wono welahilaga vihwani vye milungu vye Samaliya, wono watezaga, ‘Ko mulungu wako Dani,’ hamba, ‘Ko mulungu wa Belisheba!’ Wanhu wawo wologwa, na hamba si wolokwinuka kanyhi yaye.”

Amosi 9:1

Nane namuwona Muwaha Mulungu yemile ha cikumbicilo. Yakanyitya, “Wutowe mu midumo ye masumbili gono gawukamizye wuhembelo, ne likumbo lyose lyosinjisika. Nagwe wugabenanjize no kugaleka gawagwile wanhu mu mitwe ye wanhu. Ne wanhu wono wasigaye ku wulugu ane nolowawulaga no mumaje. Hasina hamba munhu monga mono yalatiga, hamba yumonga mono yalapona muli wene.

Mika 1:5

Azi zose zokwijela, ku soko ye wanhu wa Isilayeli, wono wetuma wubi no kumuleka Muwaha Mulungu. Alu nani 'mbi mono kohoswa ku soko ye lisutya lya Isilayeli? Hono si Samaliya du! Hamba nani mono yena lisutya lyo kuhemba vihwani mu'si ya Yuda? Hono si Yelusalemi!