Amosi 7:8 - Luganuzi Luswanu Kuli Wanhu Wose 2002

⁸ Hodu Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona cipimilo.” Nayo yakanyitya, “Ane nghwitumamila cipimilo cici, kulajila vyono wanhu wangu wenha lijinji lyono si ligoloce libinuce, yono lili kunze yo mucilili. Holeka nane sinokawaniza yaye wuhile wangu kanyhi, wo kusaka kuwongomeza wene.

Amosi 7:8 ပူးပေါင်းရင်းမြစ်များ

2 Watemi 21:13

Noyilipiciza Yelusalemi, nha vyono nayilipiciza Samaliya, nha vyono namunozeza Ahabu u mutemi wa Isilayeli, hamonga no lulelo lwakwe lwose. Nowafwagula wanhu wose wa mu Yelusalemi wamalice, hawe hazelu swee, nhe sahani yono yakwemwa no kugubikwa.

Isaya 28:17

“No wiling'ano, wowa wo mulejehe wo kujelela musinji wuwo, nawo wihuwilwa cowa co cijelelo cayo co wima.” Ne mvula ye mabwe yolowuwusiza lukulu wutizizo we walambi wose, nalyo lihwazi lyolohuluma mucanyha yo wihundiko wawo liwuhodanje.

Isaya 34:11

Nago matuwi ne mahowe go golokwikala mu yisi yiyo. Nayo Muwaha Mulungu koloyinoza kanyhi yilece kulela yiwe nha vyono yali lono yali yikali si nawumbwa.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

I Cililo 2:8

Muwaha Mulungu yali yasimbiliye, vyono majinji ga Sayuni ganojeye gakumulangwe du. Yakamula kuwalanga, ho yawaletele wuhodanjice wono wuwakwiliye. Majinji hamonga ne minala yayo, vyose vigwiye, nalu gawa matongo.

Hoseya 1:6

Gomeli yakalela mwana we kejete wa cicekulu. Muwaha Mulungu yakamutya Hoseya “Mucemelaje Loluhama (nhunizo yayo, ‘Mono si yakuwonelwa lusungu’) ku soko sinolajila wendo kuli Waisilayeli, hamba kuwanenela.

Amosi 7:7

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene Mulungu, yali yemile behi ne lijinji, lyono lyali lizenjigwe ko wutazi we cipimilo, ne cipimilo cali cili mu muwoko wakwe.

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Zakaliya 4:10

Aluno wakukalala lono wakuwona luzengo lukubita luli mhola mhola. Ninga luno wowona vyono zelubabeli yakulujendeleza luzengo lwe Nyumba yo Mulungu, nawo wosangalala muno muno.” Malayika yakamhitula yakatya, “Zitala mupunghati, go meso mupunghati go Muwaha Mulungu gono gakusuma kuyiwona yinze yose.”

Zakaliya 4:2

Yakambuza yakutya, “Alu wukuwona cici?” Nane nghamupitula nghamutya, “Nghuwona ciwicilo ce ziala cinozwe na zahabu. Kanyhi mucanyha, mo yili bakuli yono yina mafuta, a mu ciwicila ce zitala, mozili tala mupunghati, zono zina vitajililo vye mafuta mu zitala zizo.

Zakaliya 5:2

Malayika yakawa kumbuza, alu wukuwona cici? Nghamupitula nghatya, nghuwona citabu ciguluce mucanyha, cono cina wutali wa mita yicenda no wugazi wayo mita yine na nusu.