Amosi 7:6 - Luganuzi Luswanu Kuli Wanhu Wose 2002

⁶ Hodu Muwaha Mulungu yakakawaniza kanyhi nghani yiyo no kutya, “Nghani yiyi nayo, hodu si yowa yaye.”

Amosi 7:6 ပူးပေါင်းရင်းမြစ်များ

Mwamulizo 6:7

Holeka yakatya, “Hodu, nomuwusiza lukulu mono'nze, u munhu mono namuwumba, ne vilimu, ne vitambala hasi, hamonga ne zindeje za mu mbago. Nghukalala muno muno no kwihwesa vyono, ku sokoci nawawumba no kuwawika mono'nze.”

1 Zinghomo 21:15

Hanyuma kanyhi, yakatuma malayika yayongomeze Yelusalemi. Ninga kanyhi yakawupitula wuhile wakwe wuwo, yakamutya, malayika, “Hodu wulece! Zizo du zakondya!” Nayo malayika, lulo, yali yemile ha cuga ca Olinani u Muyebusi.

Zabuli 106:45

Mulungu yakacikumbucila cilagane cakwe, na ku soko yo lusungu lwakwe lwinji, hodu yakawa kulituza likuwo lyakwe.

Zabuli 135:14

Hambi Muwaha Mulungu, nha kowatetela wanhu wakwe, kanyhi kowa no lusungu kuli wetumami wakwe.

Zabuli 78:38

Ninga hamba nhavivyo, Mulungu yakawa yali lusungu, yakawanenela wubi wawo, hamba si yawongomeza yaye. Yeyimila likuwo lyakwe kali kenji, hamba si yalileceleza likuwo lyakwe limukole muno.

Zabuli 90:13

Ale wuwuye go Muwaha Mulungu! Alo kojendelela kusimba sunga nili lo? Wuciwonele lusungu ase co wetumami wako.

Wutuluce 32:14

Nayo Muwaha Mulungu hodu yakawa kuleka, si yawuleta wongomezwe wuwo muli wanhu wakwe.

Yelemiya 26:19

Ninga u mutemi Hezekiya, hamonga ne wanhu wa Yuda, hamba si wamuwulaga Mikaya yaye. Langa Hezekiya yakalajila cogopo du hali Muwaha Mulungu, yakamunena yawawonele lusungu. Nayo Muwaha Mulungu, yakawupitula wuhile wakwe, hamba si yawaletela kanyhi wongomezwe, wono yali yehwesa nha vyono kowaletela. Holeka nase cilanjilile, hambi nha cikusaka ciyiletele magazo mawaha sese co weneco.”

Yelemiya 42:10

‘Hono muwe mbeka mwendile kwikala mono yisi yiyi, ale, nane nomuzenjenyi, hamba si nomumwagulenyi yaye. Kanyhi nomuhadicenyi, hamba si nomukulenyi yaye. Sunga no wugazice wose wono nene nghamuletelenyi, alu wukumhela wukalale wuwaha muno.

Yoweli 2:13

Kanyhi muwulajilaje winenenyhezi wa mu zinhumbula zenyu ko wukalale wenyu. Hambi wudemulanga vivwalo vyenyu, nha si wukwiliye cinji yaye.” Mumupitucile Muwaha Mulungu, hambi mwene nha yo yena nheto no lusungu. Sikakolagwa ne likuwo mbela, mwene nhondo zose, yewikanize kunenela du, hamba si kulipiciza yaye.

Amosi 7:3

Hodu Muwaha Mulungu yakakawaniza nghani yiyo no kutya. “Azi zono wuziwene, hodu sizokwijela yaye.”

Amosi 7:7

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene Mulungu, yali yemile behi ne lijinji, lyono lyali lizenjigwe ko wutazi we cipimilo, ne cipimilo cali cili mu muwoko wakwe.

Yona 3:10

Nayo Muwaha Mulungu yakawona vyono wanozize, na vyono waleka ze metumo gawo mabi. Hobaho nayo yakawa kuwukawaniza wuhile wakwe wo kuwalipiciza, holeka si yawalipiciza nha vyono yali yehwesize.

Yona 4:2

Yakawa kulomba yakutya, “Muwaha Mulungu, nghani ayi, si yo nghani yono nalonga lono nali nghali nawuka mu yisi yangu, nha vyono azi zo kokwituma? Kanyhi co caleka nghawa kutiziza ku Talishishi!” Hambi nha nali manyile vyono agwe wumemile lihewa, kanyhi wuli Mulungu wo lusungu, kanyhi si kusimbaga mbela, na nhondo zose agwe wiwikanize kuwukawaniza wuhile wako no kuleka kulipiciza.

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.

Walamuzi 2:18

Mu vilo vyono Muwaha Mulungu yawapelaga Waisilayeli mulongola, Muwaha Mulungu yamupelaga wutazi wuwaha, yuyo mulongola, hamonga no kuwaponya wanhu kuli walugu wawo, mu vilo vyose vyo wikale wo mulongola yuyo. Kanyhi Muwaha Mulungu yawawonelaga lusungu ko soko ye mawine gawo, na so wutamiswe wawo hamonga no wiwonelwe wawo.