Amosi 7:4 - Luganuzi Luswanu Kuli Wanhu Wose 2002

⁴ Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.

Amosi 7:4 ပူးပေါင်းရင်းမြစ်များ

Isaya 27:4

Hamba nghali si nawukolelwa likuwo yaye u mugunda wuwu. Na hono gawe mogali mamivya ne mabijili, gono gosaka gawutitilize, ane nigalimaga niwa kuganyanya.

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 4:4

Mukamise i cilagane cenyu cono calagana nanye, ane no Muwaha Mulungu wenyu. Kanyhi mwiyilavye kuli'ne nyenye nyo weneco, anye nyo wanhu wa Yuda na Yelusalemi. Ninga hono mwijelele du, mulece kunoza nhavivyo, likuwo lyangu lyokwaka nha moto, ku soko ye metumo mabi gono mwetuma. Na kolo likuwo lyangu lyaka, hasina hamba yunji wo wose mono kosuma kulituza yaye.”

Ezekiyeli 21:3

Hambi ane no Muwaha Mulungu, nha neza nili mulugu wenyu. Nowusola mumaje wangu, nimuwulajenyi nyenye wose, i waswanu ne wabi, wose hamonga.

Yoweli 1:19

Ane nghukulilila agwe go Muwaha Mulungu, ku soko yo wudimo hamonga ne mibici, vyono vyanyala kotya nha vitakamizwe no moto.

Yoweli 2:30

“Nane nololajila citanjilo ce lizuwa lilyo ku wulanga, na kono'nze kolowa sakami no moto ne mavunde ge nghungulyosi.

Walawi 10:2

Holeka Muwaha Mulungu yakawa kuwagumilila moto nhinicizo, wukawa kuwawulajila baho ha mwande yo Muwaha Mulungu.

Amosi 1:4

Holeka nane nolipembela moto likaya lyo wutemi, lyono mutemi Hazayeli yazenga, kanyhi nogakongoga makaya go mutemi Benehadadi.

Amosi 1:7

Holeka notegula moto nigatakamize majinji ge likaya lye Gaza no kugatakamiza makaya gayo.

Amosi 2:5

Holeka nane notegula moto kuli Yuda, no kuganyanya makaya ga Yelusalemi.

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.

Amosi 5:6

Mumubitilaje Muwaha Mulungu, nanye mowumipa. Ninga hono mwikale simumubitiye, mwene komukongojezenyi ne likuwo lyakwe nha moto nyo Waisilayeli. Moto wolowanyanya ne wanhu wa Beteli, hasina hamba yunji mono kolosuma kuwuzimya.

Amosi 7:1

Nane nghatuga wulajilwe ku wulawa kuli Muwaha Mulungu. Muli zizo, nghamuwona yakuwumba yitewa lya nzije lono u mulimo wo kutema mahanze go mutemi, go kulisa zing'ombe zakwe wali wakondya, ne lihanze lyali lyanza kuwiluka kanyhi.

Amosi 7:7

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene Mulungu, yali yemile behi ne lijinji, lyono lyali lizenjigwe ko wutazi we cipimilo, ne cipimilo cali cili mu muwoko wakwe.

Mika 1:4

Ne matunda gokwenjeduka hali mwene, kotya lihula vyono lyenjedukaga mu moto, gohulumila mu malolo, kotya malenga gakuhuluma gakulawa mu cigongo.

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Wuwale 16:35

Hanyuma Muwaha Mulungu yakaleta moto, wukawakongoga wawalya wanhu magana mejete na makumi mahano wono walavyaga wuvumba.

Wukumbucize wo Wulajilize 32:22

Likuwo lyangu nane lyokwaka nha moto nalyo lyovitakamiza vinhu vyose mono'nze. Lyovificila na vyose vyono vili hasi ku yinze ye wafu, no kuyitakamiza ne misinji ye matunda.

Wahebelaniya 1:7

Na kuli ze wamalayika, u Mulungu yakutya, “U Mulungu yakuwanoza wamalayika wakwe kuwa myuhe, ne wetumami wakwe kuwa lilambi lyo moto.”

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”