Amosi 7:3 - Luganuzi Luswanu Kuli Wanhu Wose 2002

³ Hodu Muwaha Mulungu yakakawaniza nghani yiyo no kutya. “Azi zono wuziwene, hodu sizokwijela yaye.”

Amosi 7:3 ပူးပေါင်းရင်းမြစ်များ

Mwamulizo 6:7

Holeka yakatya, “Hodu, nomuwusiza lukulu mono'nze, u munhu mono namuwumba, ne vilimu, ne vitambala hasi, hamonga ne zindeje za mu mbago. Nghukalala muno muno no kwihwesa vyono, ku sokoci nawawumba no kuwawika mono'nze.”

1 Zinghomo 21:15

Hanyuma kanyhi, yakatuma malayika yayongomeze Yelusalemi. Ninga kanyhi yakawupitula wuhile wakwe wuwo, yakamutya, malayika, “Hodu wulece! Zizo du zakondya!” Nayo malayika, lulo, yali yemile ha cuga ca Olinani u Muyebusi.

Zabuli 106:45

Mulungu yakacikumbucila cilagane cakwe, na ku soko yo lusungu lwakwe lwinji, hodu yakawa kulituza likuwo lyakwe.

Zabuli 78:38

Ninga hamba nhavivyo, Mulungu yakawa yali lusungu, yakawanenela wubi wawo, hamba si yawongomeza yaye. Yeyimila likuwo lyakwe kali kenji, hamba si yalileceleza likuwo lyakwe limukole muno.

Zabuli 90:13

Ale wuwuye go Muwaha Mulungu! Alo kojendelela kusimba sunga nili lo? Wuciwonele lusungu ase co wetumami wako.

Wutuluce 32:14

Nayo Muwaha Mulungu hodu yakawa kuleka, si yawuleta wongomezwe wuwo muli wanhu wakwe.

Yelemiya 26:19

Ninga u mutemi Hezekiya, hamonga ne wanhu wa Yuda, hamba si wamuwulaga Mikaya yaye. Langa Hezekiya yakalajila cogopo du hali Muwaha Mulungu, yakamunena yawawonele lusungu. Nayo Muwaha Mulungu, yakawupitula wuhile wakwe, hamba si yawaletela kanyhi wongomezwe, wono yali yehwesa nha vyono kowaletela. Holeka nase cilanjilile, hambi nha cikusaka ciyiletele magazo mawaha sese co weneco.”

Yelemiya 42:10

‘Hono muwe mbeka mwendile kwikala mono yisi yiyi, ale, nane nomuzenjenyi, hamba si nomumwagulenyi yaye. Kanyhi nomuhadicenyi, hamba si nomukulenyi yaye. Sunga no wugazice wose wono nene nghamuletelenyi, alu wukumhela wukalale wuwaha muno.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Yoweli 2:13

Kanyhi muwulajilaje winenenyhezi wa mu zinhumbula zenyu ko wukalale wenyu. Hambi wudemulanga vivwalo vyenyu, nha si wukwiliye cinji yaye.” Mumupitucile Muwaha Mulungu, hambi mwene nha yo yena nheto no lusungu. Sikakolagwa ne likuwo mbela, mwene nhondo zose, yewikanize kunenela du, hamba si kulipiciza yaye.

Yoweli 2:14

Na lunji Muwaha Mulungu wenyu, komukumbucilenyi no kukawaniza lihweso lyakwe, no kumulugutizenyi, hamonga no kumonjelezezenyi vilimwa vyenyu. Nanye ho mosuma kumulavivya vilavywa vyo wusaje ne divayi.

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.

Amosi 7:6

Hodu Muwaha Mulungu yakakawaniza kanyhi nghani yiyo no kutya, “Nghani yiyi nayo, hodu si yowa yaye.”

Yona 3:10

Nayo Muwaha Mulungu yakawona vyono wanozize, na vyono waleka ze metumo gawo mabi. Hobaho nayo yakawa kuwukawaniza wuhile wakwe wo kuwalipiciza, holeka si yawalipiciza nha vyono yali yehwesize.

Wukumbucize wo Wulajilize 32:36

Muwaha Mulungu kowaponya wanhu wakwe, kolo yeza kuwawona vyono walemegwa. Nayo kowawonela lusungu, wose wono wakumwitumamila mwene. Kolo yakondya kuwawona vyono mbeka wakondya kulemwa.

Yakobo 5:16

Ale, mweze kwiyivumilila mabi genyu, mwilombelaje, ho muponywe. Uwulombe wo munhu we ling'ani wina vilungo vyo kwituma nyinji.