Amosi 7:1 - Luganuzi Luswanu Kuli Wanhu Wose 2002

¹ Nane nghatuga wulajilwe ku wulawa kuli Muwaha Mulungu. Muli zizo, nghamuwona yakuwumba yitewa lya nzije lono u mulimo wo kutema mahanze go mutemi, go kulisa zing'ombe zakwe wali wakondya, ne lihanze lyali lyanza kuwiluka kanyhi.

Amosi 7:1 ပူးပေါင်းရင်းမြစ်များ

Isaya 33:4

Ne vinhu vyawo vikupumhwa no kusolwa mateka.

Yelemiya 24:1

U Muwaha Mulungu yakandajila nhoto nyejete zono zali zina nghuyu, zono zali ziwicigwe hamwande ye Nyumba yo Mulungu. (Na zizi zejela lono Nebukadineza u mutemi wa Babiloni, yali yakondya kumusola ku Yelusalemi u mwana wa Yehoyakimu, mono yacemwaga Yehoyakimu, u mutemi wa Yuda, no kumutegula nha mufungwa ku Babiloni, hamonga ne walongola wose we yisi ya Yuda, ne wanghula mu wuzenji, hamonga ne watyani we vyuma.)

Ezekiyeli 11:25

Nane nghawa kuwalonjela wandugu zangu i wahamywa zose zono Muwaha Mulungu yandajila.

Yoweli 1:4

Matewa na matewa ge zinzije genjila mu migunda yetu, galya vilimwa vyetu, na cono litewa lye zinzije, lisigaze, litewa lye mbilazi likulya, na cono litewa lye mbilazi lisigaze, litewa lye mang'ungu likulya, na cono litewa lye mang'ungu lisigaze, litewa lye mapanzi likulya.

Yoweli 2:25

Nomugomolelenyi kanyhi vilimwa vyenyu, vyono vyajilila mu myaka yono zinzije zalya. Hambi nha yo nene mono nalituma litewa lye zinzije kuli'nye.

Amosi 4:9

“Nghayileta mbeho, yivinyaze vilimwa vyenyu. Ne zinzije zikalya migunda yenyu yose ne mizabibu, mikuyu yenyu hamonga ne mizeyituni. Ninga hamba simwambuyila yaye.

Amosi 7:4

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.

Amosi 7:7

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene Mulungu, yali yemile behi ne lijinji, lyono lyali lizenjigwe ko wutazi we cipimilo, ne cipimilo cali cili mu muwoko wakwe.

Amosi 8:1

Kanyhi nghalajilwa ku wulawa kuli Muwaha Mulungu we mihanga. Muli wuwo nghawona nhoto yono yina mikalo.

Zakaliya 1:20

Hanyuma Muwaha Mulungu yakandajila wetumami wane, wono wali webate ne zinyondo zawo.

Malaki 3:11

Hamba sinoleceleza mang'onyo gahodanje nhwanga yenyu hamba hadodo, sunga ne mizabibu yenyu, yolela zabibu nyinji muno muno.