Amosi 6:3 - Luganuzi Luswanu Kuli Wanhu Wose 2002

³ Anye mono si mukwenda kuvumila vyono lizuwa libi lyokuza, ninga zizo zono mukwituma, zo zikulisejeleza behi lizuwa lilyo.

Amosi 6:3 ပူးပေါင်းရင်းမြစ်များ

Zabuli 94:20

Agwe si kokwilumbaniza ne mahakimu, wono si watyatyaga ze ling'ani, wono wawuwikaga wulajilize mu nzila, yo kuwutetela wubi.

Muganuzi 8:11

Alu na vyono wubi si wulipicizwaga musunho, holeka zinhumbula ze wanhu, zihidimbalilaga mu wituma zimbi du.

Isaya 47:7

Hambi nha wehwesaga nha vyono kojendelela kuwa mugolece we likulu vilo vyose, hamba kuzihwesa zizi zose mu nhumbula yako, nha vyono zose zina ndumo.

Isaya 56:12

Nawo mu wung'wela wawo wo wujimbi wakutya, ‘Nye, lecenyi ta wayangu, ciwung'we wujimbi zuwali nha vyono cosuma! Holeka mitondo kolo wela, lyowa lizuwa yiswanu si nhe zuwali.’ ”

I Cililo 4:5

Sunga ne wanhu wono walizaga ndigwa swanu, wose nha wafwila mu zinzila ku soko ye nzala. Na wono wekalaga wamotile, alu wakugaya so wulondola ndigwa.

Ezekiyeli 12:22

“Gwe go munhu, nhawule lu, i wanhu wa Isilayeli, wayizoweye muno mbazi yiyi yono yikutya, ‘Vipango vikupuluta, no wuwile wayo weza bwete?

Ezekiyeli 12:27

“Gwe go munhu, i Waisilayeli wakwihwesa nha vyono wugubulilwe wako, hamonga no wuwile wako, vikali vili kutali si vyofisilizwa mbela mbela yaye.

Ezekiyeli 23:42

No winji we mazi ge wanhu wono wali wali mu wusangalale, gakahulikwa i mazi ge lipuga lye wanhu wono waletwa ku wulawa ku nyika. Nawo wakawavwika Ohola na Oholiba bangili mu miwoko yawo, hamonga ne vipombelo viswanu mu mitwe yawo.

Amosi 3:10

Muwaha yakutya, “Wanhu awa, wakumevya mu zinhumba zawo vinhu vyo wuhizi no wuwulaji, hamba siwakumanya vyono yiwanojeye wawe wehuwila.

Amosi 3:9

Muwalonjele wawo wono wekaye mu makaya go wutemi, ge Misili na Ashidodi, muwatye, “Mwihangulize hamonga mu matunda gono gayipilime Samaliya nanye mowona wusagahale hamonga no wubi wono wukwitumwa mumo.”

Amosi 5:12

Hambi nane nha manyile vyono wubi wenyu wukogofya hamonga ne masutya genyu vyono menji, gono muwituma. No kuwewonela wanhu we ling'ani. Mukubocela mafupo, no kwimila i ling'ani ye waciwa, yono wakuyituga mu mahakama.

Amosi 5:18

Wolowa wogofye wuwaha kuli'nye mono mukusulumila lizuwa lyo Muwaha Mulungu! Kolowa kowuli wuswanuci kuli'nye mwi'zuwa lilyo? Hambi kuli'nye nha lyolowa lizuwa lye citi, hamba si lya wuzelu yaye.

Amosi 6:12

Wule! Zifwalasi zomangha mu canyha ye matalawe? Ma! Wanhu walimaga ne zing'ombe mwi'lenga? Ninga anye mwayipitula ling'ani, yawa sumu, ne mbeka nayo yawa yisutya.

Amosi 9:10

Na wanyo wubi wa muli wanhu wangu, wolowulagwa ku wulugu, na wose wono wakutya, ‘Mulungu sikoleka zimbi zicagane.’ ”

Mika 6:12

Wanhu wako i wagoli, wakuwegalila waciwa, na muli nyenye, wose muli walambi.

Matayo 24:48

Ninga hono yawe mwitumami mubi, nayo ho yatye mu nhumbula yakwe nhavi, ‘U Muwaha wangu nha yacela ku wuwuye,’

1 Watesalonike 5:3

I wanhu kolo wakutya, “Mulamu kanyhi kupolile.” Hobaho ho wukuziza u wuhodanji wono wukuwaziza nhinicizo! Nazo zizo zowaziza nhinicizo nho wusungu wo kulela vyono wukuwa kumuziza u mucekulu lono yakusawa, ne wanhu hamba si wosuma kwilega.

2 Petelo 3:4

no kutya, “Yehuwiza vyono kolokuza! Ninga lu yali hayi? Hambi nha zinghani zo zizo du vyo yinha, ku wulawa lono wafwila wa kuku zetu ne nyikala ye vinhu vyo yiyilya du, nha vyono yali kulawo mwamulizo we yinze!”

Wugubule 18:17

Ninga alu wugoli wako wose wukuwucila mwi'pango lya saa monga du! Hanyuma i wajendya zingalawa wose, hamonga ne wanya mihinzo wawo wose, ne wajendela mwi'lenga, sunga na wose wono wetumaga milimo mwi'lenga, wose wakema kutali,