Amosi 5:4 - Luganuzi Luswanu Kuli Wanhu Wose 2002

⁴ Muwaha Mulungu yakuwalonjela Waisilayeli, yakutya, “Muze kuli'ne, nanye mowumipa.

Amosi 5:4 ပူးပေါင်းရင်းမြစ်များ

2 Watemi 20:3

“Gwe go Muwaha Mulungu, wukumbucile nha vyono, ane nakwitumamila ko wihuwilwa ne cogopo, na mu vilo vyose, nghawa kuhidimbala kwituma zo wuhile wako.” Hezekiya yali yeza kudumya wulombe wakwe, hodu yakanza kulila ko wusungu wuwaha muno muno.

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

2 Zinghomo 20:3

Nayo Yehoshafati yaza kuzihulika zizo, yakenjilwa no woga wuwaha muno, yakawa kulomba kuli Muwaha Mulungu yamupele wutonji. Hanyuma yakalajiliza yisi yose walece kulya.

2 Zinghomo 20:4

Ne wanhu mu yisi yose ya Yuda, wakawa kubita musunho ku Yelusalemi wakamulombe Muwaha Mulungu yawalajile wutonji wakwe.

2 Zinghomo 34:3

Na mu mwaka wo munana wa mu wutemi wakwe, lono yali yakali mudodo, yakawa kwanza kumuhemba Mulungu wo kukuye mutemi Dawudi. Na ku wulawa baho, yali yeza kupuluta kanyhi myaka mine, Yosiya yakawa kwanza kuhakumulanga i hanhu hose hono wahembelaga wuhembi we wanhu wono si wamumanyile Mulungu, hamonga ne vihwani vyo mulungu we cicekulu Ashela, hamonga ne vihwani viseswe vyose.

Zabuli 14:2

U Muwaha Mulungu yakuwasunjilila wanhu, ku wulawa ku wulanga, ho yawone hono ho yuli yunji we mahala, hono ho yuli munhu mono yakumulondola Mulungu.

Zabuli 22:26

I waciwa wolya sunga wegute, nawo wono wakumulondola u Muwaha Mulungu, womukumya. Ale, wamoteswe cibitilila!

Zabuli 27:8

Nghwihwesa zono walonga wukatya, “Wuze kuli'ne!” Nane nghukuziza, gwe go Muwaha Mulungu.

Zabuli 69:32

Nawo wono wakwiwonelwa, kolo weza kuziwona zizino, wosecelela muno muno. Nawo wono wakumulondola Mulungu, wotuga vilungo.

Zabuli 69:33

Muwaha Mulungu kawahulicizaga waciwa, hamba si kosuma kuwasemwa yaye wanhu wakwe, wono wawopigwe.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Isaya 55:3

“Holeka 'lu muhulicize 'ne, anye nyo wanhu wangu munyizize nene. Munyizize nene holeka mowumipa! Nane nonoza nanye cilagane ce cibitilila, kanyhi nomulugutizenyi nha vyono namwihuwiza Dawudi.

Yelemiya 38:20

Ninga nane nghamutya, “Ng'o mutemi, si kosuma kwinjizwa mu miwoko yawo yaye. Ninga ane nghukunena wuyihulice nghani yo Muwaha Mulungu. Na zose zowa swanu du hali 'gwe, kokwiponya no wumi wako.

Ezekiyeli 18:9

No munhu we liwala lilyo, kagebataga malajilizo gangu, no kuwukamisa wulajilize wangu. U munhu yuyo yakuwa yali ling'ani, nayo holeka kowumipa.” Vyo yakutya u Muwaha Mulungu.

Hoseya 10:12

Nane nghutya, “Muyilime yisi mhya, so nyenye nyo weneco, muhadice ling'ani no kududula wendo no wulugutwe wono wolawa mu wuhembi wenyu wa kuli'ne. Alu co cipango cenyu co kumbuyila, ane no Muwaha Mulungu wenyu, nane nokuza nimumwajilenyi wulugutwe wangu.”

Amosi 5:6

Mumubitilaje Muwaha Mulungu, nanye mowumipa. Ninga hono mwikale simumubitiye, mwene komukongojezenyi ne likuwo lyakwe nha moto nyo Waisilayeli. Moto wolowanyanya ne wanhu wa Beteli, hasina hamba yunji mono kolosuma kuwuzimya.

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Matayo 7:8

Hambi mono yakulomba nha yakupegwa, nayo mono yakulondola yakutuga, na mono yakukong'onha yakudigulilwa.

Wukumbucize wo Wulajilize 32:46

hanyuma kanyhi yakawa kuwatya, “Muzikamisaje mu zinhumbula zenyu ze malajilizo gaga gono nali kumulonjelenyi izuwali. Muwejize ne wana wenyu, nawo ho wawe ne cihuliko ne cogopo, kuli mejizo gago go Muwaha Mulungu.

Wukumbucize wo Wulajilize 32:47

I mejizo ga gano, si nghani za bwete du yaye, langa wo wumi wenyu. Holeka munojeye mugatyatye, ho mosuma kuwa na vilo vinji vyo wikale wenyu, mu yisi yiyo, yono yili ku nhumbi ye likolongo lya Yoludani, yono mokwinjila muyiteme.”

Wukumbucize wo Wulajilize 4:29

Na kuko nanye, molowa kumulondola Muwaha Mulungu, u Mulungu wenyu. Na hono muze mumulondole kwe nhumbula yose na ko mutima wose, molomuwona.