Amosi 5:3 - Luganuzi Luswanu Kuli Wanhu Wose 2002

³ Holeka Muwaha Mulungu yakutya, “Iikaya lya mu Isilayeli, lyotegula wasilikale elufu monga, ninga wowuya igana limonga du. Ne likaya linji nalyo, lyotegula wasililale yigana limonga, ninga wowuya yikumi limonga du.”

Amosi 5:3 ပူးပေါင်းရင်းမြစ်များ

Zabuli 144:14

Nazo zing'ombe zetu, zeze zina miwili miswanu. Kanyhi zili vilungo, ho zilele viswanu, kanyhi halece kuwa na cililo, co wugazwe mu wikalo wetu.

Isaya 1:9

Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

Isaya 10:22

Hamba yiwe lulo i wanhu wa Isilayeli wolowa wonjezeka wawa wenji muno nho musawawa wa mwi'lenga, ninga wacefu wolowuya. No wongomezwe wuwikanizwe so wanhu, nawo wuli baho du.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Ezekiyeli 12:16

Ninga si nolowawulaga wose mu wulugu, hamba mu nzala, hamba mu matamwa, langa nolowasigaza wanji wa muli wene, lono wali kuko mu makungugo, ho wanzalice nha vyono zinghani ze mawifyo zono wetumaga, zali nghani 'mbi muno. Kanyhi ho waze wamanye vyono ane yo nene Muwaha Mulungu.”

Amosi 6:9

Nahono hawe ho wali wanhu yikumi wono wasigaye mu mhuga, nawo wolofwa.

Walumi 9:27

Nayo u muwizi Isaya, yakumulonjela Isilayeli yazozize, yakutya, “Iliwalo lye wanhu wa Isilayeli, hamba liwe kotya musawawa wa mwi'lenga, ninga wacefu du wono woloponywa,

Wukumbucize wo Wulajilize 28:62

Hamba muwe mwakondya kwinjipa no kuwa muli wenji nhe zinyelezi za ku wulanga, ninga hamba nhavivyo, wacefu wa muli nyenye wolopona, vyono si mu muhulice Muwaha Mulungu, u Mulungu wenyu.

Wukumbucize wo Wulajilize 28:63

Nha vyono Muwaha Mulungu yasangalala, yakamumotyenyi, no kumwinjifyenyi, yo nhavivyo kanyhi vyo kosangalala, kumongomezenyi no kumuhodanjenyi. Nanye mowuswa mu yisi yono mukwinjila muyiteme.

Wukumbucize wo Wulajilize 4:27

Muwaha Mulungu kolomwiyagazenyi, mwiyagalile mu makungugo ganji, na kuko, wayenyu wacefu du wo wolosigala wekale womi.