Amosi 4:9 - Luganuzi Luswanu Kuli Wanhu Wose 2002

⁹ “Nghayileta mbeho, yivinyaze vilimwa vyenyu. Ne zinzije zikalya migunda yenyu yose ne mizabibu, mikuyu yenyu hamonga ne mizeyituni. Ninga hamba simwambuyila yaye.

Amosi 4:9 ပူးပေါင်းရင်းမြစ်များ

1 Watemi 8:37

“Na hono yigwe nzala mu yisi, hamba lihuhuji, lunji gagwe mawumbi ga nzije, hamba lunji wanhu wako wahomwe ne walugu wawo, hamba lunji hono hawe ho gali matamwa, hamba wutamwa muli wene,

2 Zinghomo 6:28

“Na hono nzala yigwe mu'si, hamba lihuhuji, hamba lunji vilimwa vihodangwe ne mbeho mbaha, hamba kuligwa ne zinzije. Hamba lunji wanhu wako lono wakuhomwa ne walugu wawo, hamba lunji matamwa gawe gagwiye, hamba lunji mhungo ziwe ziwagwiliye,

Isaya 1:5

Ninga lu, ho so cici mukujendelela kumubedegala? Ane nghuwona, mukali mwendile mucile kulipicizwa. Alu mutwe wako Isilayeli, wakondya kutuga mazeya gose, nhumbula yako nayo, hamonga no mutima wako, vyose vyatimba.

Isaya 50:11

Nanye wose mono mwikalaga mukwihwesa zo wuhile wubi wo wuhodanga lilumbo lye wayenyu, nyenye yo mokwiyongomeza no wuhile wenyu wubi nyo weneco. Nayo Muwaha Mulungu yo kozinoza zizo ziwe nhavivyo. Nanye molotuga magayo mawaha muno muno.

Isaya 9:12

Nawo Waashuli kono lubavu lwa kucilima, ne Wafilisiti kumwezi, wose wahame milomo yawo, wawamele Waisilayeli. Ninga hamba nhavivyo likuwo lyo Muwaha Mulungu, si linadumuka yaye, nayo vyo yakali yagoloye du muwoko wakwe ho yalipicize.

Yelemiya 3:10

Ninga hamba nhavivyo, mwene Yuda u lumbulye lya Isilayeli mono si mwihuwilwa, nayo yakenoza nha yakumbuyila 'ne, ninga hamba si yali mbeka, langa ko wulambi du. Vyo nghutya ane no Muwaha Mulungu.”

Yelemiya 5:3

Mwene u Muwaha Mulungu kalangaga wihuwilwa, hambi nha yamutowenyi, nanye hamba kuhulika ng'o, yakamukunhulanjenyi, ninga anye mukalema ku wiyijize. Hambi nha mwali musina cihuliko, hamba si mwasaka kuwuleka wubi wenyu.

Hoseya 11:5

“Ninga wene wakalema kumbuyila, holeka yiwanojeye wawuye ku Misili, nayo Mwashuli yo kowatema.

Yoweli 1:4

Matewa na matewa ge zinzije genjila mu migunda yetu, galya vilimwa vyetu, na cono litewa lye zinzije, lisigaze, litewa lye mbilazi likulya, na cono litewa lye mbilazi lisigaze, litewa lye mang'ungu likulya, na cono litewa lye mang'ungu lisigaze, litewa lye mapanzi likulya.

Yoweli 1:7

Zahodanga sunga ne mizabibu yetu, zakondya kulya ne mikuyu yetu, zayikubulanga ne mabada gayo gose, ne manhambi gayo geza mazelu swee.

Yoweli 2:25

Nomugomolelenyi kanyhi vilimwa vyenyu, vyono vyajilila mu myaka yono zinzije zalya. Hambi nha yo nene mono nalituma litewa lye zinzije kuli'nye.

Amosi 4:6

“Nane yo nene mono naleta nzala mu makaya genyu gose, ninga hamba simwambuyila yaye.

Amosi 4:8

Wanhu wakasocela so nyhilu, wanhu we makaya ganji wakabita mwi'kaya linji lyono wakwihwesa wotuga malenga, ninga hamba kuko kwali kusina gono gakukondya ku wung'we. Hamba nhavivyo si mwambuyila yaye.

Habakuki 3:17

Ninga hamba mikuyu yilece kubonhola maluwa, ne zizabibu yilece kulela zabibu, hamba mizeyituni nayo yiwe si yikujela, zeyituni, nayo migunda yiwe si yikulavya wuhemba, hamba ne zingholo nazo ziwe zose zafwiza, ne mabululu ge zimitugo geza gali bwete.

Hagayi 2:17

Nategula mbeho yono yanyaza, ne mvula ye mabwe, yikavihodanga vinhu vyose vyono mwahilaga kuviwilusa. Ninga hamba nhavivyo, si mwanena yaye.

Malaki 3:11

Hamba sinoleceleza mang'onyo gahodanje nhwanga yenyu hamba hadodo, sunga ne mizabibu yenyu, yolela zabibu nyinji muno muno.

Wukumbucize wo Wulajilize 28:22

Muwaha Mulungu komutowenyi ne matamwa go kwileceza, hamonga ne mapu, ne mhungo. Kanyhi komuletelenyi cibahu ciwaha muno, hamonga ne libeho yiwaha lyono lyohodanga vilimwa vyenyu vyose. Ne magazo gago gomutyatililenyi du sunga, kolo wose mwafwila lukulu.

Wukumbucize wo Wulajilize 28:42

Nayo mibici yenyu hamonga ne vilimwa vyenyu vyose, vyoligwa ne mazije.