Amosi 4:3 - Luganuzi Luswanu Kuli Wanhu Wose 2002

³ Nanye molokwegwa sunga behi na hono hamwaguywe mwi'jinji no kutagwa kunze.”

Amosi 4:3 ပူးပေါင်းရင်းမြစ်များ

2 Watemi 25:4

Hodu, wanhu wakawa kugakumula majinji ge likaya ho weponye, hamba yiwe wasilikale we Cibabiloni, wali wakali wali baho walipilime likaya, ninga wasilikale wose wa mwi'kaya wakatiza wose ne cilo. Wakakolela mu nzila yo mulango wa haciligati ye majinji mejete, gono gadomile ku busitani yo mutemi, wakatiziza ku lubavu lwe lilolo lya Yoludani.

2 Watemi 7:15

Wanhu wawo wakatuluka wakawa kubita sunga he kolongo lya Yoludani. Na mumo mu nzila, wakawa kuwona vivwalo hamonga ne vinhu vinji vyono Wasiliya wajendaga wakuvigumila lono wali kutiza. Hodu wanhu wawo wakawuya kuli mutemi no kumuloloseza zose.

Isaya 2:20

Ne lizuwa lilyo lilawa kuza, i wanhu wologagumilila mafuto ne mabudibudi, vihwani vyawo vye zahabu na vye zifweza, vyono wali wenozeze, ho wavihembe.

Isaya 31:7

Ninga lizuwa lyokuza, lono anye wose molovitajila lukulu i vihwani vyose vye fweza na vye zahabu, u wubi wono mwenozeza nyenye nyo weneco kwe miwoko yenyu.

Yelemiya 52:7

ale baho, lijinji likabenwa, ne wanhu wose wo wulugu wakatiza, wakawuka mwi'kaya ne cilo. Hamba wawe Wababiloni wali walipilime likaya, ninga wene wakatiza, wakakolela mu nzila yo mulango wono wali haciligati ye majinji mejete, behi ne busitani yo mutemi, wakatyatya nzila yono yibitile kwi'lolo lya Yoludani.

Ezekiyeli 12:12

Na yuyo muwaha mono yawatemile, kolowegala viya vyakwe mwi'wega ne cilo, no kukolela mwi'langa lyono wolowa wamutobolela mwi'jinji, yawe kutiza. Nayo kolowa yafufunize meso gakwe, hamba si kolosuma kuwona na kono yakubita.

Ezekiyeli 12:5

Nawo lono wowa wakali wakulanjiliye, agwe wutobole lidilisha mwi'jinji lye kaya yako, wuwe kuvikoza viya vyako baho he'dilisha lilyo.

Amosi 6:7

Holeka mowa walongozi kubita ku wuhamywe. Ne zisikukuu zenyu, hamonga ne indigwa ze cinyemo-nyemo, vyose vyoloduma.

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

Matayo 16:26

langa u munhu mono kowajiliza u wumi wakwe ku soko yangu, ale yuyo langa yo kowutuga. Alu mbi u munhu ho kotuga cambuzici, hamba yawutuje u wugoli wose wa mononze, na akuno ho yawajilize u wumi wakwe?

Walamuzi 5:17

Wo mulango wa Gileyadi wakekala lubavu lwe cilima ya Yoludani, nawo wo mulango wa Dani, wakekala mu zingalawa. Wo mulango wa Asheli wakekala mu mwalambalo we lilenga.