Amosi 4:2 - Luganuzi Luswanu Kuli Wanhu Wose 2002

² Nha vyono Muwaha Mulungu mono yelile, yelahiza yakatya, “Lizuwa lyolokuza lono nolomukwejenyi ne ndobogo, na wose muli nyenye molowa nha somba mu cilowelo.

Amosi 4:2 ပူးပေါင်းရင်းမြစ်များ

Zabuli 89:35

“Nane ko wele wangu, nilahiza kamonga du, na mbeka, hamba sinomukonga Dawudi yaye.

Zabuli 89:36

Lulelo lwakwe lokwikala cibitilila, no wutemi wakwe wowa nhe lizuwa.

Isaya 37:29

Ninga nane nakondya kuzihulika zizo ze likuwo lyako, hamonga no widunhumuzi wako. Ninga nane luno, nokutobola zimhula zako, nghuvwice ndobogo, hamonga no luzali mu mulomo wako. Hanyuma nghugomole mu nzila yi yilya kono walawilila.”

Yelemiya 16:16

U Muwaha Mulungu yakutya nhavi, “Ane nowatuma wanimula somba wenji muno, waze wawanimule wanhu wawa. Hanyuma yayo, niwaceme i wapelembi wenji, waze wawapelembe mu wulawa mu matunda gose, na mu vigongo, sunga na mu zimhango ze mabwe.

Ezekiyeli 29:4

Alu nane notajila ndobogo za cuma mu zinzagasa zako, hanyuma nizinamatize zisomba za mu makolongo muli'gwe. Hanyuma niwe kukukwega ku wulawa mwi'kolongo lya Nile, hamonga ne zisomba zose zono zowa zikunamatiye.

Ezekiyeli 34:16

“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani.

Ezekiyeli 38:4

Holeka yamanye nha vyono nomupitula, nimutajile ndobogo mu zinzagasa zakwe, nimulavye nimukwejenhele kutali, hamonga ne mapuga gakwe ge wasilikale. I wasilikale wakwe, hamonga ne zifwalasi, wono si wavwalile myenda ye cisilikale, nawo wowa mhuga mbaha muno. Ne wasilikale wawo wose, wowa wadinghuye hamonga ne vitwalo vyawo, nha cinji, zingula, hamonga ne mimaje yawo.

Amosi 6:8

Muwaha Mulungu we mihanga yo yacipelile wulajilize wo wukagwe, yakutya, “Nane siniwendile widunhumuzi we wanhu wa Isilayeli. Kanyhi nizibedegaye muno ne zikaya zawo ze cinyemo-nyemo. Holeka nowapela walugu wawo likaya lyawo liwaha hamonga ne vinhu vyose vyono vili mumo.”

Amosi 8:7

Muwaha Mulungu we Waisilayeli yelahiza yakutya, “Hamba sinosemwa i metumo gawo mabi.