Amosi 4:1 - Luganuzi Luswanu Kuli Wanhu Wose 2002

¹ Hulicizenyi zizi, anye nyo wacekulu wa Samaliya, mono mujinaga nhe zing'ombe za Bashani, mono mukuwatendela vibi wono wasoceye, no kuwewonela i waciwa, no kusaka walume zenyu wamupelenyi wujimbi we mawala gose mung'we.

Amosi 4:1 ပူးပေါင်းရင်းမြစ်များ

1 Watemi 16:24

Ninga hanyuma yakagula cigongo ca Samaliya, fweza elufu mutandatu, kuli munhu litagwa lyakwe Shemeli. Omuli yakazenga kaya mumo mu cigongo cico, yakayicemela litagwa Samaliya, nha cinji Shemeli, i litagwa lya mono yali munya cigongo cico.

Jobu 20:19

vyono yawewonelaga waciwa no kuwabedegala, kanyhi yakawaboka wanji zikaya zono wali wezenjeye.

Jobu 24:4

Wakuwemila waciwa, ho walece kutuga ling'ani yawo, no kuwawinjiliza wono wena wanjile, wamanyhe wehundice.

Zabuli 12:5

Ninga u Muwaha Mulungu yakutya nhavi, “Ku soko vyono wasocele wakwiwonelwa, ne waciwa wakung'ung'ulika, alu neza kuza, nane nowapela wuwo mulamu wono wakuwulanjilila.”

Zabuli 140:12

Nane manyiye lukulu, vyono Muwaha Mulungu komudima musocele, kanyhi koyitetela ne ling'ani yo muciwa.

Zabuli 22:12

Walugu wenji wamhilime, wenha zinghambaku, wambaninyhize, wenha zinghambaku zinghali za Bashani!

Zimbazi 22:7

Nawo waciwa wezaga wo wetumami we wagoli. Kanyhi vyo yinha, hono wukope ca munhu, hodu, nagwe weza wuli muwanda wo munhu yuyo.

Muganuzi 4:1

Hanyuma nghawona wiwonelwe wose wono wukwitumwa kono'nze. Ne wanhu wono wakwiwonelwa, wakulila mahozi, nawo wasina hamba yunji mono yakuwatuza, wasina munhu hamba yumonga mono kowataza, vyono wono wakuwewonela nha wali vilungo wawacizize wene.

Muganuzi 5:8

Na kanyhi wulece kwizina, hono wuwone mu yisi, wanhu waciwa wakwiwonelwa, hamba si wakunozezwa ling'ani ne walongola we yisi, kuli zono zinojeye watendelwe. Ninga wumanye vyono, munhu wo wose we lilumbo liwaha mu yisi, mono yakuwewonela i wasocele, yuyo nayo yali hasi yo muwaha yunji, na muli wawo wose vyono wejete, ho yuli muwaha yunji kanyhi mono yawacizize wene.

Isaya 28:1

Woyi hee, kuli wutemi wa Isilayeli, hambi nha wongomela! No lukumyo lwayo lukuwomba nhe mikumbo ye maluwa yono wavwalile mu mitwe yawo, iwalongola wang'wela wo wujimbi. I mitwe yawo yo widunhumuzi, mhola, webace mafuta ge mhunjile swanu ninga i wanhu weneco, walabalaye hasi so cigalo co wujimbi.

Isaya 5:8

Woyi he kuli'nye! Anye mono mugulaga zikaya ne migunda, muwa kwiyonjelezeza muli vyono mwina navyo. Sunga nhondo hawa hasina hamba cilejeho co kwikala munhu yunji, nanye muwa kwikala muli wene du mu'si.

Isaya 56:12

Nawo mu wung'wela wawo wo wujimbi wakutya, ‘Nye, lecenyi ta wayangu, ciwung'we wujimbi zuwali nha vyono cosuma! Holeka mitondo kolo wela, lyowa lizuwa yiswanu si nhe zuwali.’ ”

Isaya 58:6

“Ninga u wuleka kulya wono nyendile'ne wowu: Muwusize lukulu manyolo go wiwonela wanji, hamonga no wu wula ling'ani wenyu. Muwalecele wawe welecele wono wakwiwonelwa.

Yelemiya 50:11

U Muwaha Mulungu yakutya nhavi, “Anye nyo wanhu wa Babiloni, anye mwawateka wanhu wangu. Nalu mwina nyemo no wusangalale, mukujenda mwihwanile ng'ombe yono yikufijiha wuhemba, hamba kotya nha fwalasi yono yikulila.

Yelemiya 50:27

Muwawulaje ne wasilikale wayo wose! Muwongomezeze lukulu! Woyi hee, kuli nye, nyo wanhu wa Babiloni! Hambi lizuwa nha lyakondya kuza lyo kumuling'anizenyi nanye.”

Yelemiya 51:34

U mutemi Nebukadineza wa Babiloni, kalihodanga likaya lya Yelusalemi no kulinoza liwa nha ciya cono cili bwete, liwa nha limeligwe na nzoka. Yakasola vyose vyono yasakaga mwene, na vyono vyasigala, yakavitaga kutali.

Yelemiya 6:6

U Muwaha Mulungu yali yawalonjela i watemi wawo wateme mabici, wanozeze wunanucilo, wo kulihomela likaya lya Yelusalemi. Kanyhi yali yawatya nha vyono, “Ane no Muwaha Mulungu, nolilipiciza likaya lili, ku soko limemile nghani zo wiwonela wanhu du.

Yelemiya 7:6

Mulece kuwewonela wajenzi, hamba i wana wono wasina walezi wawo, hamba i wacekulu wafwile. Mulece kuwawulaga i wanhu wono wasina masutya mono yisi yiyi. Mulece kuyihemba milungu yinji, hambi zizo nha zo mongomezenyi bwete.

Ezekiyeli 18:12

Kanyhi yendile kuwakonya i waciwa, akuno muhizi, no kuwaboka wanhu sawo yawo kwe vilungo, hamba kugomola cono munhu yunji yacipinjice kuli mwene. Kanyhi, yawe yendile kubita ku wuhembelo we wanhu wono si wamumanyile Mulungu, no kuhemba vihwani vye mawifyo.

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Ezekiyeli 22:27

Nawo i wetumami we selekali, wehwanile maminzi, gono gahawangaga zinimu zono gakondya kuziwulaga. Wakuwulaga wanhu, wene ho wagolipe.

Ezekiyeli 22:29

Wakuhiza ko wusugu sawo ya wanji, no kuwaboka kwe vilungo. Wakuwatendela vibi i waciwa no kuwewonela i wajenzi.

Ezekiyeli 22:7

Kanyhi mwi'kaya, musina mwana hamba yumonga mono yawahulice walezi wakwe. Mukuwakoca-koca i wajenzi, no kwitujila cambuzi kuli wacekulu wafwile, na ku wana wono wasina walezi.

Ezekiyeli 34:16

“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani.

Ezekiyeli 39:18

Nazo zolya i miwili ye wasilikale, no kung'wa i sakami ye wawaha wa mono'nze. Na wawo wose wowa kuwulagwa nha vyono ziwulagwaga zingholo, hamba zinyana ze zingholo, hamba zimhene, hamba zing'ombe zono zijinile muno.

Yoweli 3:3

Nawo wakawagawa wanhu wangu mu nzila yo kuwatowela kula, ho yejele mono kosuma kuwasola wafungwa. Wakawaguza wana we cilume na we cicekulu ku wuwanda ho wetujile sawo yo kuwapela wasenyha, hamonga no kugula divayi wang'we.

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,

Amosi 3:3

Alu 'mbi wanhu wejete wosuma kujendana hamonga muhinzo lono siwalagane?

Amosi 5:11

Mukuwatema i waciwa no kuwahiziza wuhemba wawo. Na ku soko yiyo nanye simokwikala mu zikaya ziswanu zono muzenjile ne mabwe maswanu, hamba kung'wa divayi yono yikulawa mu zizabibu zenyu ziswanu zono mulimile.

Amosi 6:1

Yolowa nghani ya kogofya muno, kuli 'nye mono mwina mikalile miswanu nhavi mu Siyoni, na kuli nye mono mukwihwesa nha mwikaye mupolile mu Samaliya, anye mo wanhu wawaha mu nghungugo mbaha ya Isilayeli, anye mono wanhu wa Isilayeli wakuwa kumuzizenyi wakulondola wutazi kuli'nye!

Amosi 6:6

Anye mono mukung'wela divayi mu zibakuli, hamonga no kwibaka mafuta ge mhunjile swanu muno muno, hamba simukulila so wongomezwe we Waisilayeli.

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Wuwale 21:33

Hanyuma Waisilayeli wakawuya ne nyuma, wakayityatya balabala yono yibitile ku Bashani. Nayo mutemi Ogu wa Bashani, yakabita hamonga ne wasilikale wakwe wo wulugu, ho vikehome nawo ha Edileyi.

Wukumbucize wo Wulajilize 24:14

“Mulece kuwewonela i wetumami waciwa, hamba i waghwenzele, wa muli wandugu zenyu Waisilayeli, hamba wa muli wajenzi wono wekaye nanye mu makaya genyu ganji.

Wukumbucize wo Wulajilize 28:33

“Nalyo likungugo lijenzi, lyoyikungha nhwanga yenyu yose, yono mwayitumamila milimo miwaha muno muno, ha wulimile. Nanye mokwiwonelwa du no kutendelwa vibi.