Amosi 3:2 - Luganuzi Luswanu Kuli Wanhu Wose 2002

² “Muli makungugo gose ga mono yinze, ane nghamumanyenyi nyenye no kumukamisenyi. Na yiyi yo yikuleka no wubi wenyu wukuwa wakogofya. Holeka nane yinojeye nimulipicizenyi so masutya genyu.”

Amosi 3:2 ပူးပေါင်းရင်းမြစ်များ

Mwamulizo 10:32

Na wawa wose, wo we mhuga ya Noha, mu nghango ye zindelo zawo mu zinghungugo zawo. No wulawilila muli wawo, i zinghungugo zose zikawa kwiyagala ako na ako mono'nze yose lono lihwazi lye malenga lyali lyapuluta.

Mwamulizo 18:19

Nimuhagula ho yawejize wanagwe hamonga no lulelo lwakwe, wayibate i nzila yangu nene no Muwaha Mulungu, mu wituma ziswanu na zo wiling'ano, nane no Muwaha Mulungu ho nimufisilizize zono namwihuwiza.”

Zabuli 147:19

Nayo Muwaha Mulungu kawamanyizaga, i wanhu wakwe ze nghani yakwe, nayo Isilayeli, zo wutonji wakwe hamonga ne ning'aniza yakwe.

Wutuluce 32:34

Ninga aluno, hodu wubite wukawatonje wanhu sunga hanhu hono nghulonjeye. Ninga lanje, malayika wangu kokulongolela. Hamba nhavivyo, nane mwi'zuwa lyono nolomuzizenyi, ale, nolowalipiciza ku soko yo wubi wawo.”

Isaya 63:19

Nagwe wukacitendela kotya nha si wali wucitemile yaye, kotya nha si cali cili wanhu wako ng'o.

Yelemiya 1:15

Hambi 'ne, nha nogacema i makungugo gose, gono gekalaga ku lubavu lwa kusumuka, gaze. Ne watemi wawo, wologasimya i magoda gawo go wutemi, mu malango ga Yelusalemi, no kwidoma ne majinji gayo gose, mbavu zose. Hamonga no kugapilima i makaya gose ga Yuda.

Yelemiya 10:25

Langa wite likuwo lyako kuli we makungugo wono si wakumanyile, hamba kukuhemba gwegwe, na muli wanhu wono si wakwendile 'gwe. Hambi nha wawawulaganga i wanhu wako, kanyhi wakondya kucongomezeza lukulu, wakondya kuyinoza ne yisi yetu yeza matongo du.

Yelemiya 11:22

Ale! Nayo u Muwaha Mulungu we mihanga yakatya, “Ale, heya, nowalipiciza! I wazelelo wawo, wowulajilwa ku wulugu, nawo i wana wawo, i wahinza ne wazelelo, wofwa ne nzala.

Yelemiya 13:21

Alu ho kotya wule, lono i wanhu kanyhi wawo, wono wehwesaga vyono wo wayago, alu wakusuma no kukutema? Na mbeka kohulika wusungu muno, nho mucekulu mono yali mu nghunga yo lusawo.

Yelemiya 14:10

Kanyhi u Muwaha Mulungu, yakulonga kuli ze wanhu wawa, yakutya nhavi, “Ninga wene wendile kunhiza'ne, akuno hamba si wakusuma no kwiyimila kose. Holeka nane si nghwendezwa nawo. Alu nane nogakumbucila i makani gawo mabi, niwalipicize ku soko yo wubi wawo.”

Yelemiya 9:25

U Muwaha Mulungu yakutya nhavi, “I vilo vikuza, lono nolowalipiciza i wanhu wose wono walame mu miwili du,

Ezekiyeli 5:9

Ku soko aluno mukwituma zinghani zose zono si zikunyendeza. Holeka nane noyilipiciza muno Yelusalemi mu nghango yono nghali nayitendela ne lizuwa linji, mu nghango yono si nilayitendela kanyhi yaye.

Ezekiyeli 9:6

Muwawulagaje i wakombi wose, ne wa wazelelo wose, ne wahinza wose, ne wanyina zo munhu wose, hamonga ne wana wadodo wose. Langa du mulanjilile, mulecele lukulu kuwapamiza wanhu wose, wono wena vitanjilo mu vihanda vyo wusu wawo. Ninga hamba nhavivyo, mwamulizizaje bahano du mono Nyumba yangu.” Hobaho nawo wakawa kwanziza baho, wakawawulaga walongola wose, wono wali wali baho ha Nyumba yo Mulungu.

Danyeli 9:12

Hambi 'gwe nha wakondya lu kwituma zono watya vyono kocitendela 'se, hamonga ne walongola wetu. Wukayilipiciza Yelusalemi kwe magazo mawaha gono gakali hamba si gananozwa mwi'kaya linji lyo lyose mono yinze yiyi.

Hoseya 2:13

Nolomulipiciza ku soko ye cipango cono yakasemwa 'ne, lono yafusaga wuvumba kuli Baali, no kuvwala wihambo wo wuguzi wukamu, no kuwatyatya wendece wakwe. Vyo yakutya Muwaha Mulungu.

Hoseya 5:3

Hambi nha niyimanyile Isilayeli vyono yinha, holeka si yosuma kwihundika yaye hali'ne. Hambi nha yeza si nyihuwilwa yaye, sunga ne wanhu wayo hamba si wanojeye wahembe nene.”

Hoseya 8:13

Wakundavivya makumbiko ge zinyama, no kulya weneco kanyhi zinyama zizo ze makumbiko. Ninga ane no Muwaha Mulungu singhwendezwa nawo. Naluno nowukumbucila wubi wawo, no kuwalipiciziza mu wubi wawo, nowagomola kanyhi sunga ko ku Misili!

Hoseya 9:9

Weyihodanga muno ku soko yo wubi wono wetuma lono wali wali ku Gibeya. Ninga Mulungu kowukumbucila wubi wawo, nayo kowalipiciza ku soko yo wubi wawo.

Amosi 2:4

Muwaha yakutya, “Wanhu wa Yuda, wetuma wubi kali kenji na ku soko yiyo, nane nowalipiciza. Hambi nha wehepa mafundo gangu, hamba siwebate ne malajilizo gangu. Hambi nha wakondya kwajiliza so wutyatye milungu yo wulambi yono wasogo zawo wayitumila.”

Amosi 3:3

Alu 'mbi wanhu wejete wosuma kujendana hamonga muhinzo lono siwalagane?

Amosi 6:1

Yolowa nghani ya kogofya muno, kuli 'nye mono mwina mikalile miswanu nhavi mu Siyoni, na kuli nye mono mukwihwesa nha mwikaye mupolile mu Samaliya, anye mo wanhu wawaha mu nghungugo mbaha ya Isilayeli, anye mono wanhu wa Isilayeli wakuwa kumuzizenyi wakulondola wutazi kuli'nye!

Mika 2:3

Holeka Muwaha Mulungu yakutya, “Nghwihwesa nimuletelenyi magazo, gono si mosuma kupona, langa mokwiwona mwenjila du mu wugaye, wono womunozenyi mulece kwilumba kanyhi hamba hadodo.

Nahumu 3:4

Ninawi u musenyha yakondya kulipicizwa. Hambi nha yakwendezwa no wuwulaji, mono yakugakwega makungugo no kugatajila mu wuwanda.

Metumo ge Watumwa 17:26

Mu wulawilila mo munhu yumonga, mo yanozeza imakungugo gose ge wanhu, gekale kono'nze kose. Lono yali yakondya kuwawicila mapango gono yali yalamuye na katali muno, vyono hayi na nili, hono makungugo gago gokwikala.

Walumi 2:9

U munhu wo wose mono yakwituma izimbi, kotuga magazo no wusungu. Lulongozi gowatuga Wayahudi, hanyuma sunga ne wanhu wono si Wayahudi nhavivilya.

1 Wakolinto 8:3

Ninga u munhu mono yamwendile u Mulungu, yuyo langa yo yamanyice kuli mwene.

Wukumbucize wo Wulajilize 10:15

Hambi u wendo wakwe kuli walezi wenyu, nha wali wuwaha, holeka yakamuhagulenyi anye si nhe wanhu wanji, sunga nalu, mukali muli wanhu wakwe wahagulwa.

Wukumbucize wo Wulajilize 26:18

Nayo Muwaha Mulungu, izuwali kakondya kumubocelenyi, mweza muli wanhu wakwe, nha vyono yamwihuwizenyi. Holeka nayo aluno yakumukong'onhezenyi muno, mugebate malajilizo gakwe gose.

Wukumbucize wo Wulajilize 32:9

Ninga yakehagulila we ndelo ya Yakobo wawe wanhu wakwe.

Wukumbucize wo Wulajilize 4:32

“Mujele ta kuzilanga, ze vilo vyono vyapuluta, ze vilo vyono mwali mukali nalelwa. Zinghani zono zejela katali muno muno, lono Mulungu yamuwumbila munhu mononze. Kanyhi mulanje no wuwaha we yinze vyono winha. Wulenyi! Yowa yejela nghani yinji mbaha yono yinha yiyi? Hamba ho yuli yunji muyenyu, mono kowa yayihulika nghani yono yihwanile yiyi?

Wukumbucize wo Wulajilize 7:6

Muzitumaje zizi, vyono anye muli wanhu wo Muwaha Mulungu, u Mulungu wenyu. Hambi Muwaha Mulungu nha yakamuhagulenyi anye mu wulawa mu wanhu wa mono'nze yose, muwe nghungugo yono yili wene so mweneco.

1 Petelo 4:17

I cidaha co wuling'anizwe nha cakondya kuza, no wuling'anizwe wuwo, wukwamulila kuli wanhu wo Mulungu mweneco. Na hono wulinga'nizwe wuwo wamulile kuli sese, co weneco, alu ma, i ndumo ya wawalya wono siwehuwilaga u Luganuzi Luswanu lo Mulungu, ho yolowa wule?