Amosi 2:8 - Luganuzi Luswanu Kuli Wanhu Wose 2002

⁸ Ne hanhu ho hose hono wakuhembela, wakuyigonela myenda yono wayisolile kulawa kuli waciwa, yono wayipinjice so migawa yawo. Mu wuhembelo wo Mulungu wawo wakung'wa divayi yono wayisolile kulawa kuli wawo wono wawadayaga mapesa.

Amosi 2:8 ပူးပေါင်းရင်းမြစ်များ

Wutuluce 22:25

“Na hono wumukopeshe munhu pesa mu wanhu wangu iwaciwa, ale, wulece kuwa kuli mwene nha munhu mono wukumudayadaya, hamba wulece kumulifya ne ngomola yayo.

Isaya 57:7

Sunga na hanji, mukubita mucanyha ye matunda matali, muwa kulavya makumbiko genyu kuko, muwa kunoza na zo wusenyha wenyu mumo mu matunda.

Ezekiyeli 18:12

Kanyhi yendile kuwakonya i waciwa, akuno muhizi, no kuwaboka wanhu sawo yawo kwe vilungo, hamba kugomola cono munhu yunji yacipinjice kuli mwene. Kanyhi, yawe yendile kubita ku wuhembelo we wanhu wono si wamumanyile Mulungu, no kuhemba vihwani vye mawifyo.

Ezekiyeli 18:7

Hamba si yamukonya munhu, langa yamulipa viswanu mono yamudayaga, hamba si yamuboka yunji sawo yakwe kwe vilungo. Kanyhi yawe yakuwalisa wono wadabuce, no kuwapela vivwalo wono wasakaze.

Ezekiyeli 23:41

Wakekala mu magoda maswanu, na ha mwande yawo, wakatenjelwa meza yono yali yimemile vinhu viswanu muno, hamonga no wuvumba, ne mafuta gono nali niwapelile.

Hoseya 4:8

Hambi nha mukugolipila mu wubi we wanhu wangu. Na ku soko yiyo holeka mukuwona viswanu wene wajendelele kwituma zo wubi.

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.

Amosi 3:14

Mwi'zuwa lyono nolowalipiciziza wanhu wa Isilayeli so wubi wawo, nolovihodanga vikumbicilo vya Beteli. Ne zinhuzi zose ze cikumbicilo vyose zolobenangwa no kuga hasi.

Amosi 4:1

Hulicizenyi zizi, anye nyo wacekulu wa Samaliya, mono mujinaga nhe zing'ombe za Bashani, mono mukuwatendela vibi wono wasoceye, no kuwewonela i waciwa, no kusaka walume zenyu wamupelenyi wujimbi we mawala gose mung'we.

Amosi 6:4

Magu, 'mba yolowa wogofyeci kuli'nye, mono mukugona mu vitanda vyenyu vye cinyemo-nyemo vyono vihambigwe ne meno ga nhembo, akuno mukulya zisikukuu ze zinyama ze zing'ombe, hamonga na ze zingholo za mwi'tewa!

Amosi 6:6

Anye mono mukung'wela divayi mu zibakuli, hamonga no kwibaka mafuta ge mhunjile swanu muno muno, hamba simukulila so wongomezwe we Waisilayeli.

1 Wakolinto 10:21

Si mosuma kung'wela i cikombe co Muwaha, hamonga ne cikombe ce masetani, hamba si mosuma kuhanga mu meza yo Muwaha hamonga ne meza ye masetani.

1 Wakolinto 10:7

Kanyhi mulece kuwa wahemba vihwani, nha vyono wali wenha wayawo wanji, nha vyono i Mandiko Gono Gelile gakutya, “I wanhu wakekala ho walye no kung'wa, wakenuka wedawale.”

1 Wakolinto 8:10

Hambi u munhu mono i ciselinji cakwe cisoceye, hono yakuwone agwe mono wina wizuce wukulya zindigwa zizo mugati ye cikumbicilo ce vihwani, wule, si kowa wamupela vilungo vyo kulya zindigwa zono zikumbiciywe vihwani?

Walamuzi 9:27

Na ku soko yiyo wose wakenuka wakenjila mu migunda yawo ye mizabibu, wakahepa zizabibu wakanoza divayi no kunoza Sikukuu. Wakenjila mu nyumba yo mulungu wawo kuko wakalya no kung'wa na kulonga zimbi kuli Abimeleki.