Amosi 2:5 - Luganuzi Luswanu Kuli Wanhu Wose 2002

⁵ Holeka nane notegula moto kuli Yuda, no kuganyanya makaya ga Yelusalemi.

Amosi 2:5 ပူးပေါင်းရင်းမြစ်များ

2 Watemi 25:9

Yakayikongoga Nyumba yo Mulungu, hamonga ne likaya lye likulu, hamonga sunga ne zikaya ze wanhu watambule wose wa mu Yelusalemi.

Yelemiya 17:27

Ninga yiwanojeye wahulicize 'ne, no kuyikamisa Sabato, i lizuwa lisiwanulwe. Kanyhi walecele lukulu kudinghula mutegulo wo wose, no kuwukoza mu milango ya Yelusalemi mwizuwa lilyo. Na hono wejelele du wanoze nhavivyo, nane noyipembela moto milango yose ya Yelusalemi. No moto wuwo wologakongoga i makaya gose go wutemi ga mu Yelusalemi. Na holowa hasina hamba munhu monga mono kolosuma kuwuzimya moto wuwo.”

Yelemiya 21:10

Hambi 'ne nha nakondya kudumula nghani, nha vyono si nolileka yaye likaya lili, langa nolyongomeza du. Nolikombola lisolwe no mutemi wa Babiloni, yalipembele moto likongojele. Vyo nghutya ane no Muwaha Mulungu.”

Yelemiya 39:8

Nawo i wasilikale we Cibabiloni, kono nyuma, wakawa kulikongoga likulu, hamonga ne zikaya ze wanhu wose, wakawa kugakumulanga ne majinji ge likaya lya Yelusalemi.

Yelemiya 52:13

Yakayipembela moto Nyumba yo Mulungu, hamonga ne kaya ye likulu, hamonga ne zikaya zose ze wawaha wa mu Yelusalemi.

Hoseya 8:14

I Waisilayeli, wazenga makaya go wutemi, ninga wamusemwa u Muwumbi wawo. Nawo wanhu wa Yuda, wazenga makaya gono gena magomawakali. Ninga nane notegula moto wono woganyanya no kugagwisa hasi makaya go wutemi hamonga ne makaya gawo.”

Amosi 1:4

Holeka nane nolipembela moto likaya lyo wutemi, lyono mutemi Hazayeli yazenga, kanyhi nogakongoga makaya go mutemi Benehadadi.

Amosi 3:11

Holeka walugu woyipilima yisi yawo, no kugahodanga magomawakali gawo, no kuwaboka makaya gawo.”

Amosi 3:15

Nane nolozihodanga zinyumba ze madaha ge cinyuli na ze madaha ge livuce. Ne zinyumba zo wihambo we meno ge zinhembo, zolokongomezwa ne zikaya zose zimbaha, zolohodanjicila lukulu.”

Amosi 7:4

Nane nghatuga wulajilwe wunji kanyhi, ku wulawa kuli Muwaha Mulungu. Muli wuwo, nghamuwona mwene yakwiwikaniza yawongomeze wanhu wakwe ko moto. No moto wuwo wukalinyanya lilenga liwaha ku'si ye'si, kanyhi wukawa kwanza uyinyanya ne yisi.